ISRO PSLV C-59: పీఎస్ఎల్వీ సి-59 ప్రయోగం వాయిదా… ప్రోబ-3 లో సాంకేతిక లోపం!
ఇస్రో పీఎస్ఎల్వీ సి-59 రాకెట్ ప్రయోగం సాంకేతిక సమస్యల కారణంగా వాయిదా పడింది. ప్రోబ్-3 శాటిలైట్లో ఉన్న సాంకేతిక లోపం వల్ల ఈ ప్రయోగాన్ని డిసెంబర్ 5వ తేదీ సాయంత్రం 4:12 గంటలకు రీషెడ్యూల్ చేసినట్లు ఇస్రో ప్రకటించింది.
- Author : Kode Mohan Sai
Date : 04-12-2024 - 4:21 IST
Published By : Hashtagu Telugu Desk
భారత అంతరిక్ష పరిశోధనా సంస్థ ఇస్రో (ISRO) బుధవారం సాయంత్రం 4:12 గంటలకు నెల్లూరు జిల్లా, శ్రీహరికోటలోని అంతరిక్ష రాకెట్ ప్రయోగ కేంద్రం (SHAR) నుంచి పీఎస్ఎల్వీ సి-59 (PSLV C-59) రాకెట్ ప్రయోగాన్ని సాంకేతిక సమస్యల కారణంగా వాయిదా వేసింది. శాటిలైట్లో సాంకేతిక లోపం తలెత్తడంతో కౌంట్డౌన్ను నిలిపివేయడం జరిగింది.
పీఎస్ఎల్వీ సీ 59 రాకెట్లో ప్రోబ-3 (Proba-3) మిషన్ ఉంది. ఈ ప్రయోగం ద్వారా 550 కేజీల బరువున్న శాటిలైట్లను భూ కక్ష్యలో ప్రవేశపెట్టబోతున్నారు. రాకెట్ ప్రయోగంలో 4 దశలుంటాయి. రాకెట్ సహా మొత్తం 320 టన్నులను నింగిలోకి పంపబోతున్నారు. ప్రోబ-3 మిషన్ యూరోపియన్ స్పేస్ ఏజెన్సీది.
ఇస్రో 61వ పీఎస్ఎల్వీ రాకెట్ను నింగిలోకి పంపనున్నది. షార్లోని మొదటి ప్రయోగ వేదికపై అనుసంధాన పనులు పూర్తయి ఉన్నాయి. ఈ మిషన్లో రెండు ఉపగ్రహాలను అమర్చారు: ఓకల్టర్ శాటిలైట్ (ఓఎస్సీ) మరియు కరోనా గ్రాస్ శాటిలైట్ (సిఎస్సీ). ఈ రెండు ఉపగ్రహాలు ఒకే లైనులో అమర్చబడ్డాయి. ఇది భూమి నుంచి సుమారు 60 వేల కిలోమీటర్ల దూరంలో ఉంటుంది. ఈ ప్రయోగం విజయం అయితే మరిన్ని విదేశీ ఉపగ్రహాలను మన ద్వారా ప్రయోగించే అవకాశం లభిస్తుందని శాస్త్రవేత్తలు అంటున్నారు.
Due to an anomaly detected in PROBA-3 spacecraft PSLV-C59/PROBA-3 launch rescheduled to tomorrow at 16:12 hours.
— ISRO (@isro) December 4, 2024
Follow us
