Most Liquor States: దేశంలో మద్యం కోసం ఎక్కువగా ఖర్చు చేస్తున్న రాష్ట్రాలివే..!
ఆంధ్రప్రదేశ్ ప్రజలు మద్యంపై అత్యధికంగా ఖర్చు చేస్తున్నారు. ఇక్కడ మద్యంపై తలసరి సగటు వార్షిక వినియోగ వ్యయం రూ. 620.
- Author : Gopichand
Date : 25-08-2024 - 10:03 IST
Published By : Hashtagu Telugu Desk
Most Liquor States: చాలా నగరాల్లో మద్యం షాపుల బయట పెద్ద క్యూలు కనిపిస్తుంటాయి. కేరళలో మద్యం కొనుగోలు చేసేందుకు లైన్లో నిలబడిన వీడియో సోషల్ మీడియాలో వైరల్గా మారిన సందర్భాలు ఉన్నాయి. అయితే ప్రజలు మద్యం (Most Liquor States) కోసం ఎక్కడ ఎక్కువ డబ్బు ఖర్చు చేస్తారు? మద్యానికి ప్రజలు తక్కువ ఖర్చు చేసే రాష్ట్రం ఏది? అనేది ఇప్పుడు తెలుసుకుందాం. ఆర్థిక మంత్రిత్వ శాఖకు చెందిన నేషనల్ ఇన్స్టిట్యూట్ ఆఫ్ పబ్లిక్ ఫైనాన్స్ అండ్ పాలసీ (ఎన్ఐపిఎఫ్పి) అధ్యయనం ప్రకారం.. దేశవ్యాప్తంగా మద్యంపై తలసరి వార్షిక వినియోగ వ్యయం ఆంధ్రప్రదేశ్, తెలంగాణలు అత్యధికంగా ఉన్నాయి.
NSSO 2011-12 సర్వే ప్రకారం.. ఆంధ్రప్రదేశ్ ప్రజలు మద్యంపై అత్యధికంగా ఖర్చు చేస్తున్నారు. ఇక్కడ మద్యంపై తలసరి సగటు వార్షిక వినియోగ వ్యయం రూ. 620. కాగా CMIE కన్స్యూమర్ పిరమిడ్స్ హౌస్హోల్డ్ సర్వే ప్రకారం తెలంగాణ అత్యధిక సగటు వార్షిక తలసరి వినియోగ వ్యయం రూ. 1,623 (2022-23కి ప్రస్తుత ధర) వద్ద ఉంది.
Also Read: Kisan Express: దేశంలో మరో రైలు ప్రమాదం.. రెండు భాగాలుగా ఊడిపోయిన కోచ్లు..!
మద్యంపై తక్కువ ఖర్చు చేస్తున్న రాష్ట్రం ఇదే
NSSO, CMIE డేటా ప్రకారం.. మద్యంపై అతి తక్కువ ఖర్చు చేసే రాష్ట్రం ఉత్తరప్రదేశ్ అని తెలిస్తే ఆశ్చర్యపోతారు. ఇక్కడ ప్రజలు వరుసగా రూ.75, రూ.49 ఖర్చు చేస్తారు. కేరళ (రూ. 486), హిమాచల్ ప్రదేశ్ (రూ. 457), పంజాబ్ (రూ. 453), తమిళనాడు (రూ. 330), రాజస్థాన్ (రూ. 308) మద్యం కోసం ఎక్కువగా ఖర్చు చేస్తున్న రాష్ట్రాల్లో ఉన్నాయని ఎన్ఎస్ఎస్ఓ సర్వే వెల్లడించింది.
మద్యంపై అత్యధిక పన్ను వసూలు చేసే రాష్ట్రం
CMIE ప్రకారం.. 2022-23లో ప్రస్తుత ధరల ప్రకారం సగటు వార్షిక తలసరి వ్యయం ఎక్కువగా ఉన్న రాష్ట్రాల్లో ఆంధ్రప్రదేశ్ రూ. 1,306, ఛత్తీస్గఢ్ రూ. 1,227, పంజాబ్ రూ. 1,245, ఒడిశా రూ. 1,156 ఉన్నాయి. డేటా ప్రకారం అత్యల్ప పన్ను వసూలు ఉన్న రాష్ట్రం జార్ఖండ్. ఇక్కడ పన్ను వసూలు రేటు 67%. అత్యధిక పన్ను వసూలు గోవాలో ఉంది. ఇక్కడ పన్ను వసూలు రేటు 722%. ఆంధ్రప్రదేశ్, బీహార్, గోవా, జార్ఖండ్, కేరళ, కర్ణాటక, మహారాష్ట్ర, మధ్యప్రదేశ్, పంజాబ్, రాజస్థాన్, తమిళనాడు, త్రిపురలలోని గ్రామీణ ప్రాంతాల్లో మద్యంపై నెలవారీ సగటు తలసరి వ్యయం పట్టణ ప్రాంతాల కంటే ఎక్కువగా ఉంది. అస్సాం, ఛత్తీస్గఢ్, హిమాచల్ ప్రదేశ్, హర్యానా, ఒడిశా, ఉత్తరాఖండ్, ఉత్తరప్రదేశ్, పశ్చిమ బెంగాల్ నగరాల్లో ప్రజలు మద్యం కోసం ఎక్కువ ఖర్చు చేస్తున్నారు.
We’re now on WhatsApp. Click to Join.
Follow us
