Delhi Coaching Centre: ఢిల్లీలోని కోచింగ్ సెంటర్ లో అగ్ని ప్రమాదం.. తాడు సాయంతో కిందికి దిగి ప్రాణాలు కాపాడుకున్న విద్యార్థులు.. వీడియో వైరల్..!

ఢిల్లీలోని ముఖర్జీ నగర్‌లోని సంస్కృతి కోచింగ్ సెంటర్‌ (Delhi Coaching Centre)లో అగ్నిప్రమాదం జరగడంతో కలకలం రేగింది. కోచింగ్ సెంటర్‌లో చదువుతున్న విద్యార్థులు పైకప్పుపై నుంచి తాడు సహాయంతో కిందకి దిగి ప్రాణాలు కాపాడుకున్నారు.

Author : Gopichand Date : 15-06-2023 - 3:34 IST
Published By : Hashtagu Telugu Desk

Resizeimagesize (1280 X 720) (2)

Delhi Coaching Centre: ఢిల్లీలోని ముఖర్జీ నగర్‌లోని సంస్కృతి కోచింగ్ సెంటర్‌ (Delhi Coaching Centre)లో అగ్నిప్రమాదం జరగడంతో కలకలం రేగింది. కోచింగ్ సెంటర్‌లో చదువుతున్న విద్యార్థులు పైకప్పుపై నుంచి తాడు సహాయంతో కిందకి దిగి ప్రాణాలు కాపాడుకున్నారు. దీంతో పాటు 11 ఫైరింజన్లు ఘటనా స్థలానికి చేరుకుని మంటలను ఆర్పేందుకు తాడు సహాయంతో సహాయక చర్యలు చేపట్టారు. ఈ మొత్తం ఘటనకు సంబంధించిన వీడియో సోషల్ మీడియాలో వైరల్ అవుతోంది. కోచింగ్‌ సెంటర్‌లోని విద్యార్థులు మూడో అంతస్తు నుంచి తాడుపై నుంచి కిందకు దిగిన తీరు వీడియోలో కనిపిస్తోంది. అదే సమయంలో అగ్నిమాపక సిబ్బంది కూడా సంఘటనా స్థలానికి చేరుకుని విద్యార్థులను రక్షించి విద్యార్థులంతా క్షేమంగా ఉన్నారని తెలిపారు.

అగ్నిమాపక శాఖ సమాచారం మేరకు విద్యార్థులంతా సురక్షితంగా బయటపడ్డారు. విద్యార్థులకు పెద్దగా గాయాలు కాలేదు. పరిస్థితి అదుపులో ఉంది. మా వాహనాలు చేరుకోకముందే కొంతమంది విద్యార్థులు తాడు నుండి క్రిందికి దిగడానికి ప్రయత్నించారు. దీని కారణంగా కొంతమంది విద్యార్థులకు స్వల్ప గాయాలయ్యాయి. సమాచారం ప్రకారం.. ఘటన సమయంలో సుమారు 400 మంది విద్యార్థులు ఉన్నారని ఓ అధికారి తెలిపారు.

Also Read: Bengaluru Thief: మహిళల అండర్ వేర్స్ ను దొంగిలిస్తూ, హస్త ప్రయోగం చేస్తూ!

#WATCH | People escape using wires as fire breaks out in a building located in Delhi's Mukherjee Nagar; 11 fire tenders rushed to the site, rescue operation underway

(Source: Delhi Fire Department) pic.twitter.com/1AYVRojvxI

— ANI (@ANI) June 15, 2023

విద్యార్థులు తాడు సహాయంతో ప్రాణాలు కాపాడుకున్నారు

సమాచారం ప్రకారం.. ఈ మంటలు ఎలక్ట్రిక్ మీటర్‌లో ప్రారంభమయ్యాయి. ఆ తర్వాత మొత్తం కోచింగ్ సెంటర్‌లో పొగ వ్యాపించింది. అనంతరం కిటికీలో నుంచి తాడు సహాయంతో కిందకి దిగి విద్యార్థులు ప్రాణాలు కాపాడుకున్నారు. ఈ మొత్తం ఘటన తర్వాత ఒక్కసారిగా కలకలం రేగడంతో అగ్నిమాపక శాఖకు చెందిన 11 వాహనాలు అక్కడికి చేరుకున్నాయి. తాడు సహాయంతో దిగడంతో నలుగురు విద్యార్థులు గాయపడగా వారిని ఆసుపత్రిలో చేర్చారు. పోలీసులు తెలిపిన వివరాల ప్రకారం.. విద్యుత్ మీటర్‌లో మంటలు చెలరేగడంతో భవనం మొత్తం పొగలు వ్యాపించాయి. పొగలు రావడంతో కోచింగ్‌ సెంటర్‌లో చదువుతున్న విద్యార్థులు భయాందోళనకు గురై బిల్డింగ్‌లోని కిటికీలోంచి తాడు ద్వారా కిందకు దిగడం మొదలుపెట్టారని పోలీసులు తెలిపారు.