Japan PM: జపాన్ ప్రధానిపై దాడి … తొమ్మిది నెలల క్రితమే ప్రధాని హత్య

జపాన్ ప్రధాని ఫుమియో కిషిడా సమావేశంలో భారీ పేలుడు సంభవించింది. ఆ దేశ ప్రధానమంత్రి ఫ్యూమియో ప్రసంగిస్తుండగా స్మోక్ బాంబ్ దాడి జరిగింది

Japan Pm
Japan Pm

Japan PM: జపాన్ ప్రధాని ఫుమియో కిషిడా సమావేశంలో భారీ పేలుడు సంభవించింది. ఆ దేశ ప్రధానమంత్రి ఫ్యూమియోలో ప్రసంగిస్తుండగా స్మోక్ బాంబ్ దాడి జరిగింది. ప్రధానిని భద్రతా సిబ్బంది సురక్షితంగా బయటకు తీసుకొచ్చారు. ఘటనా స్థలం నుంచి ఓ వ్యక్తిని పోలీసులు అదుపులోకి తీసుకున్నారు.

అధికార లిబరల్ డెమోక్రటిక్ పార్టీ అభ్యర్థికి మద్దతుగా ఓ కార్యక్రమంలో ఆయన ప్రసంగించే ముందు ఈ దాడికి యత్నించారు దుండగులు. అప్రమత్తమైన భద్రతా సిబ్బంది పైప్ బాంబు ప్రధాని వద్దకు చేరకముందే ప్రధానిని సురక్షితంగా అక్కడినుండి తరలించారు. ఇది జరిగిన వెంటనే భారీ పేలుడు సంభవించింది. దీంతో సభలో గందరగోళం నెలకొనడంతో జనం పరుగులు తీశారు. ఈ దాడిలో ప్రధానికి ఎలాంటి గాయాలు కాలేదని భద్రతా బలగాలు ప్రకటించాయి.

పోలీసులు విచారణ ప్రారంభించారు:
ప్రధానమంత్రి ఫుమియో కిషిదాను సురక్షితంగా రక్షించడంతో పాటు, దాడి చేసిన వ్యక్తిని పట్టుకునే ప్రయత్నం ప్రారంభించారు. ఈ ఘటనకు సంబంధించిన వీడియో సోషల్ మీడియాలో వైరల్‌ అవుతోంది.

తొమ్మిది నెలల క్రితమే మాజీ ప్రధాని హత్యకు గురయ్యారు:
జపాన్ (Japan ) మాజీ ప్రధాని షింజో అబే హత్య జరిగిన తొమ్మిది నెలలకే ఫ్యూమియో కిషిడాపై దాడి జరిగింది. మాజీ ప్రధాని షింజో అబేపై 2022 జూలైలో తుపాకీతో దాడి చేశారు. ఈ ఘటనలో మాజీ ప్రధాని అక్కడిక్కడే మృతి చెందారు.

Read More: Rashmika Kiss: అభిమానులకు ముద్దు పెట్టిన రష్మిక.. రియాక్ట్ అయిన నెటిజన్స్!


Follow us

Tags