Corona Cases: తెలంగాణలో కరోనా కేసుల వివరాలివే
- By Balu J Published Date - 04:12 PM, Sat - 23 December 23
Corona Cases: తెలంగాణలో గడిచిన 24 గంటల్లో తొమ్మిది కొత్త కోవిడ్-19 కేసులు నమోదయ్యాయి, వాటిలో ఎనిమిది హైదరాబాద్లో ఉండగా, ఒకటి రంగారెడ్డి నుండి నమోదైంది. ఐసోలేషన్లో ఉన్న మొత్తం కేసుల సంఖ్య 27గా ఉందని ఆరోగ్య శాఖ బులెటిన్లో పేర్కొంది. ఇక్కడ ప్రభుత్వ ఆధ్వర్యంలోని నీలోఫర్ ఆసుపత్రిలో 14 నెలల బాలుడు, రెండు నెలల బాలిక COVID-19 కు పాజిటివ్ పరీక్షించారు. వారు ఐసోలేషన్ వార్డులో ఉన్నారని సీనియర్ ఆరోగ్య అధికారి తెలిపారు.
మొత్తం 1,245 నమూనాలను పరీక్షించగా, 68కి సంబంధించిన నివేదికలు పెండింగ్లో ఉన్నాయని తెలిపింది. తెలంగాణలో గత రెండు రోజుల క్రితం కోవిడ్-19 కేసులు ఆరు ఉండగా, తాజాగా 9 కేసులు నమోదయ్యాయి. వైరస్ కారణంగా ఎటువంటి తాజా మరణాలు సంభవించలేదని పేర్కొంది. కేసు మరణాల రేటు 0.49 శాతం. రికవరీ రేటు 99.51 శాతం.
కరోనా కేసులు పెరుగుతున్న నేపథ్యంలో పదేళ్ల లోపు చిన్నారులు, 60 ఏళ్లు పైబడ్డ వృద్ధులు జాగ్రత్తగా ఉండాలని.. అనవసరంగా తమ నివాసాల నుంచి బయటకు రాకూడదని వైద్యారోగ్య శాఖ సూచించింది. ఇక ఇంటి నుంచి బయటకు వెళ్లే ప్రతి ఒక్కరూ మాస్కు ధరించాలని స్పష్టం చేసింది.
Related News
BRS vs CM Revanth: అబద్ధానికి అంగీ లాగు వేస్తే అది రేవంత్ రెడ్డి: బీఆర్ఎస్ ట్వీట్
కేసీఆర్ ను చూస్తే గోబెల్ మళ్లీ పుట్టాడనిపిస్తోంది…మొన్న సూర్యాపేటలో, నిన్న మహబూబ్ నగర్ లో, ఈ రోజు ఉస్మానియా యూనివర్సిటీకి సంబంధించి తప్పుడు సమాచారాన్ని ప్రజల్లోకి తీసుకువెళ్లడానికి శాయశక్తులా ప్రయత్నిస్తున్నాడు అంటూ సీఎం రేవంత్ రెడ్డి చేసిన వ్యాఖ్యలపై బీఆర్ఎస్ ఘాటుగా స్పందించింది.