Delhi CM Swearing: ఢిల్లీ కొత్త సీఎం ప్రమాణ స్వీకారోత్సవం ఎప్పుడు జరుగుతుంది?

Delhi CM Swearing: రెండున్నర దశాబ్దాల తర్వాత ఢిల్లీలో భారతీయ జనతా పార్టీకి భారీ మెజారిటీ వచ్చింది. బీజేపీ 48 సీట్లు గెలుచుకోవడం ద్వారా ఆమ్ ఆద్మీ పార్టీకి షాక్ ఇచ్చింది. ఆప్ 22 సీట్లను మాత్ర‌మే సాధించింది. ఎన్నికల ఫలితాలు వెలువడిన తర్వాత ప్రమాణ స్వీకారోత్సవం ఎప్పుడు జరుగుతుందనే ప్రశ్న ఇప్పుడు మెదులుతోంది. దీనికి సంబంధించి బీజేపీ ప్లాన్ బయటికి వచ్చింది.

ప్రధాని నరేంద్ర మోదీ అమెరికా పర్యటన నుంచి తిరిగి వచ్చిన తర్వాత ఢిల్లీ కొత్త ముఖ్యమంత్రి ప్రమాణస్వీకార కార్యక్రమం (Delhi CM Swearing) జరిగే అవకాశం ఉందని బీజేపీ వర్గాలు చెబుతున్నాయి. ఫిబ్రవరి 10 నుంచి 13 వరకు ప్రధాని మోదీ అమెరికా, ఫ్రాన్స్‌లలో పర్యటించనున్నారు. ఇలాంటి పరిస్థితిలో ఫిబ్రవరి 13 తర్వాత ప్రమాణ స్వీకారోత్సవాన్ని ఢిల్లీలో నిర్వహించవచ్చని, ఇందులో ప్రధానమంత్రితో సహా అన్ని ఎన్డీయే పాలిత రాష్ట్రాల ముఖ్యమంత్రులను ఆహ్వానించవచ్చని భావిస్తున్నారు.

Also Read: Air India Members Arrest: కొంప‌ముంచిన సీఎంసీ స‌ర్టిఫికేట్‌.. స్విట్జ‌ర్లాండ్‌లో ఎయిరిండియా సిబ్బంది అరెస్ట్‌

బీజేపీ ప్రధాన కార్యాలయంలో ప్రమాణ స్వీకారోత్సవంపై చర్చ

ఢిల్లీలో ప్రభుత్వ ఏర్పాటుపై చర్చించేందుకు కేంద్ర హోంమంత్రి అమిత్ షా బీజేపీ అధ్యక్షుడు జేపీ నడ్డాతో భేటీ కానున్నారు. మరోవైపు ఢిల్లీ బీజేపీ అధ్యక్షుడు వీరేంద్ర సచ్‌దేవా లెఫ్టినెంట్ గవర్నర్ వీకే సక్సేనాతో పాటు ఎమ్మెల్యేలు, ఎంపీలను కలిసేందుకు సమయం కోరారు. శనివారం సాయంత్రం బీజేపీ ప్రధాన కార్యాలయంలో ప్రధాని మోదీ, అమిత్ షా, జేపీ నడ్డా ప్రభుత్వ ఏర్పాటు, ప్రమాణ స్వీకారోత్సవంపై చర్చించినట్లు విశ్వసనీయ వర్గాల సమాచారం.

సీఎంపై సస్పెన్స్ కొనసాగుతోంది

ఢిల్లీలో బీజేపీ సీఎం ఎవరు? దీనికి సంబంధించి ఇంకా ఎలాంటి ప్రకటన వెలువడలేదు. సీఎం రేసులో ఆమ్ ఆద్మీ పార్టీ జాతీయ కన్వీనర్, ఢిల్లీ మాజీ సీఎం అరవింద్ కేజ్రీవాల్‌ను ఓడించి న్యూఢిల్లీ నుంచి గెలిచిన ఎమ్మెల్యే పర్వేజ్ వర్మ పేరు ముందంజలో ఉంది. పశ్చిమ ఢిల్లీ నుంచి రెండుసార్లు ఎంపీగా ఎన్నికైన పర్వేజ్ వర్మకు 2024 లోక్‌సభ ఎన్నికల్లో టిక్కెట్ దక్కలేదు. ఇతను ఢిల్లీ మాజీ సీఎం దివంగత సాహిబ్ సింగ్ వర్మ కుమారుడు.