Air India Members Arrest: కొంప‌ముంచిన సీఎంసీ సర్టిఫికేట్.. స్విట్జర్లాండ్లో ఎయిరిండియా సిబ్బంది అరెస్ట్
గత 7 రోజుల్లో 2 ఎయిర్ ఇండియా విమానాలు స్విట్జర్లాండ్‌లోని జ్యూరిచ్ విమానాశ్రయంలో ల్యాండ్ అయ్యాయి. ఇందులో CMC సర్టిఫికేట్లు లేనందుకు 5 మంది సిబ్బందిపై చర్యలు తీసుకున్నారు.
- By Gopichand Published Date - 03:47 PM, Sun - 9 February 25
Air India Members Arrest: స్విట్జర్లాండ్లో ఎయిర్ ఇండియాకు చెందిన ఐదుగురు సిబ్బందిని అరెస్ట్ (Air India Members Arrest) చేశారు. ఐదుగురు సిబ్బందిని జ్యూరిచ్ విమానాశ్రయంలోని డిటెన్షన్ సెంటర్‌లో ఉంచారు. ఈ అరెస్టు వెనుక సిఎంసి సర్టిఫికేట్ కారణమని చెబుతున్నారు. నివేదికలను విశ్వసిస్తే.. ఐదుగురు సిబ్బందికి CMC సర్టిఫికేట్లు లేవు. అందుకే వారిని అదుపులోకి తీసుకున్నారు.
అసలు విషయం ఏమిటి?
మీడియా నివేదికల ప్రకారం.. ఎయిర్ ఇండియాలోని మొత్తం ఐదుగురు సిబ్బంది జ్యూరిచ్ విమానాశ్రయంలోని డిటెన్షన్ సెంటర్‌లో బంధించబడ్డారు. వారి మొబైల్ ఫోన్లు లాక్కున్న‌ట్లు స‌మాచారం. వారిని కలవడానికి ఎవరినీ అనుమతించడం లేదు. ఎయిర్ ఇండియా స్విట్జర్లాండ్‌లోని సిబ్బంది ఐదుగురు సిబ్బందిని సంప్రదించడానికి ప్రయత్నించారు. చాలా గంటల సంభాషణ తర్వాత వారిని డిటెన్షన్ సెంటర్ నుండి హోటల్‌కు తీసుకెళ్లారు.
Also Read: Bullet Train Project: 3 గంటల్లోనే ముంబై నుంచి అహ్మదాబాద్.. శ‌ర‌వేగంగా బుల్లెట్ ట్రైన్ ప‌నులు!
CMC సర్టిఫికేట్ అంటే ఏమిటి?
సిబ్బంది సభ్యులందరికీ CMC (క్రూ మెంబర్ సర్టిఫికేట్) కలిగి ఉండటం చాలా ముఖ్యం అని చాలామందికి తెలియ‌దు. ఇది ఒక రకమైన పత్రం. ఇది వీసా లేకుండా మరొక దేశానికి ప్రయాణించడానికి అనుమతిస్తుంది. ICAO (అంతర్జాతీయ పౌర విమానయాన సంస్థ) ఈ పత్రాన్ని జారీ చేస్తుంది. CMC సర్టిఫికేట్ కలిగి ఉన్న సిబ్బందికి డ్యూటీలో ఉన్నప్పుడు ఏ దేశానికి వీసా అవసరం లేదు.
🇮🇳 Five crew members of Air India were recently put in a detainee cell at Zurich airport because they were not carrying an authorised crew member certificate, which is a substitute for a visa for flight crew. pic.twitter.com/7ejEsgKnBL
— Post Letter (@Postletter123) February 8, 2025
2 విమానాల నుండి 5 మంది సిబ్బంది
నివేదికలను విశ్వసిస్తే.. గత 7 రోజుల్లో 2 ఎయిర్ ఇండియా విమానాలు స్విట్జర్లాండ్‌లోని జ్యూరిచ్ విమానాశ్రయంలో ల్యాండ్ అయ్యాయి. ఇందులో CMC సర్టిఫికేట్లు లేనందుకు 5 మంది సిబ్బందిపై చర్యలు తీసుకున్నారు. వీరిలో 4 సిబ్బందికి CMC సర్టిఫికేట్ లేదు. 1 సిబ్బంది CMC సర్టిఫికేట్ చెల్లదు.
జ్యూరిచ్ విమానాశ్రయంలో నిబంధనలు మార్పు
ఫిబ్రవరి 5న జ్యూరిచ్ విమానాశ్రయం నిబంధనలను మార్చింది. ఇంతకుముందు సిబ్బంది ఎవరైనా 10 యూరోలు చెల్లించి విమానాశ్రయంలో CMC సర్టిఫికేట్ పొందగలరు. కానీ ఇప్పుడు సిబ్బంది CMC సర్టిఫికేట్‌ను ముందుగానే తీసుకెళ్లాలి.
ఇంతకు ముందు కూడా చర్యలు చేపట్టారు
ఇలా ఎయిర్లైన్స్ సిబ్బందిని అదుపులోకి తీసుకోవడం ఇదే మొదటిసారి కాదు. ఇంతకుముందు అవసరమైన పత్రాలు లేని కారణంగా కెనడాలో యూరోపియన్ ఎయిర్లైన్స్ సిబ్బందిని అరెస్టు చేశారు.
