KKR vs GT: గుజరాత్ జోరుకు కోల్ కత్తా బ్రేక్ వేస్తుందా ?
ఐపీఎల్ 15వ సీజన్ లో ఇవాళ కోల్కతా నైట్ రైడర్స్, గుజరాత్ టైటాన్స్ జట్ల మధ్య హోరాహోరీ పోరు జరుగనుంది.
- By Naresh Kumar Published Date - 03:05 PM, Sat - 23 April 22
ఐపీఎల్ 15వ సీజన్ లో ఇవాళ కోల్కతా నైట్ రైడర్స్, గుజరాత్ టైటాన్స్ జట్ల మధ్య హోరాహోరీ పోరు జరుగనుంది. ప్రస్తుత సీజన్లో కోల్కతా నైట్ రైడర్స్ ఇప్పటివరకు ఆడిన 7 మ్యాచ్ల్లో మూడింటిలో గెలుపొంది, 4 మ్యాచ్ల్లో ఓటమిపాలై పాయింట్ల పట్టికలో ఏడో స్థానంలో కొనసాగుతుండగా, గుజరాత్ టైటాన్స్ జట్టు 6 మ్యాచ్ల్లో 5 విజయాలు ఒక ఓటమితో అగ్రస్థానంలో నిలిచింది. గత మ్యాచ్లో కేకేఆర్.. రాజస్థాన్ రాయల్స్ చేతిలో 7 పరుగుల తేడాతో ఓడగా, గుజరాత్ టైటాన్స్.. చెన్నై సూపర్ కింగ్స్ పై 3 వికెట్ల తేడాతో విజయం సాధించింది. బలాబలాల పరంగా గుజరాత్ టైటాన్స్ తో పోలిస్తే కేకేఆర్ కాస్త బలంగానే కనిపిస్తున్నప్పటికీ, ఆ జట్టులోని ఆటగాళ్లు ఆశించిన మేర రాణించలేకపోతున్నారు.
ప్రస్తుతం గుజరాత్ టైటాన్స్ మంచి జోరుమీదుండగా ఆ జట్టులో హార్దిక్ పాండ్య , డేవిడ్ మిల్లర్, శుబ్ మాన్ గిల్, రాహుల్ తేవాటియా , రషీద్ ఖాన్ ఫామ్లో ఉండటాన్ని బట్టి చూస్తే, ఆ జట్టుకే విజయావకాశాలు ఎక్కువగా ఉన్నాయి. కోల్కతా నైట్ రైడర్స్ జట్టులో ఎవ్వరూ నిలకడగా రాణించలేకపోతున్నారు. శ్రేషాయ్ అయ్యర్ , వెంకటేష్ అయ్యర్, రస్సెల్ తమ స్థాయికి తగ్గ ఇన్నింగ్స్లు ఆడాల్సి ఉంది. అలాగే బౌలింగ్ లో సునీల్ నరైన్, పాట్ కమిన్స్, శివమ్ మావి, ఉమేష్ యాదవ్, వరుణ్ చక్రవర్తి చెలరేగాల్సిన అవసరముంది. ఇక ఈ మ్యాచ్ లో కోల్కతా నైట్ రైడర్స్ ను ఢీకొట్టే గుజరాత్ టైటాన్స్ తుదిజట్టును పరిశీలిస్తే..ఈ మ్యాచ్ లో గుజరాత్ టైటాన్స్ ఇన్నింగ్స్ ను ఓపెనర్లు వృద్ధిమాన్ సాహా , శుభమాన్ గిల్ ఆరంబించనుండగా, టాపార్డర్ లో విజయ్ శంకర్, మిడిలార్డర్ లో హార్దిక్ పాండ్యా, డేవిడ్ మిల్లర్, లోయరార్డర్ లో అభినవ్ మనోహర్, రాహుల్ తెవాటియా, బ్యాటింగ్ కు రానున్నారు. అలాగే ఈ మ్యాచ్ లో గుజరాత్ టైటాన్స్ బౌలింగ్ లో రషీద్ ఖాన్ , అల్జారీ జోసెఫ్, లాకీ ఫెర్గూసన్, మహమ్మద్ షమీ కీలకం కానున్నారు.
Related News
RR vs KKR: ఐపీఎల్లో చివరి లీగ్ మ్యాచ్.. విజయంతో ముగించాలని చూస్తున్న రాజస్థాన్
గత నాలుగు మ్యాచ్ల్లో రాజస్థాన్ జట్టు వరుస పరాజయాలను చవిచూసింది. పాయింట్ల పట్టికలో రాజస్థాన్ టాప్ 2లో నిలవాలంటే ఈ మ్యాచ్ చాలా కీలకం.