British Tourist: బార్ లో ఉన్న అన్ని కాక్ టెయిల్స్ తాగిన వ్యక్తి.. చివరికి అలా?

British Tourist

తాజాగా బ్రిటన్ కు చెందిన ఒక బ్రిటిష్ అతను కుటుంబంతో కలిసి విహారయాత్రకు వెళ్ళగా అదికాస్త విషాదయాత్రగా మారింది. అసలేం జరిగిందంటే.. బ్రిటన్ కు చెందిన తిమోతి సదరన్ అనే 53 ఏళ్ళ వ్యక్తి తన సహోదరి, పిల్లలు ఇతర కుటుంబ సభ్యులతో కలిసి హాలిడే ఎంజాయ్ చేయడం కోసం జమైకా వెళ్ళాడు. తీరా విహారయాత్రకు వెళ్లిన తర్వాత మద్యం సేవించకపోతే యాత్ర అసంపూర్తిగా ఉంటుందని భావించి వారు బస చేసిన హోటల్ దగ్గర్లో బార్లు ఏమైనా ఉన్నాయేమోనని ఆరా తీశాడు.

అయితే అక్కడికి దగ్గర్లోనే డికామెరూన్ క్లబ్ కరీబియన్ బార్ ఉందని తెలుసుకుని అక్కడికి వెళ్ళాడు తిమోతి. బార్ మెనులో మొత్తం 21 కాక్ టెయిల్ డ్రింకులు ఉండటంతో అత్యుత్సాహంతో అన్నింటినీ ప్రయత్నించాలని నిర్ణయించుకున్నాడు. కానీ 12 రకాల కాక్ టెయిళ్ళు తాగేసరికి మొహం మొత్తి అక్కడితో సురాపానం ఆపేసి హోటల్ రూముకు వెళ్లిపోయాడు. అయితే 12 రకాల కాక్ టెయిళ్ళు తాగడంతో కడుపు నొప్పితో హోటల్ రూములో చాలాసేపు ఇబ్బంది పడినట్లు అతని కుటుంబసభ్యులు తెలిపారు. అంబులెన్స్ కోసం ఎంత గట్టిగా అరిచినా కూడా ఎవ్వరూ పట్టించుకోలేదని వారు తెలిపారు.

ఇక నొప్పితో విలవిల్లాడిపోయిన తిమోతి చాలాసేపు అరిచి వాంతులు చేసుకున్నాక చలనం లేకుండా పడిపోయాడని, తర్వాత ఎంత పిలిచినా స్పందించలేదని ఆమె తెలిపారు. అయితే అక్కడే ఉన్న ఒక నర్సు అంబులెన్సుకు కబురు చేసిందనుకున్నాను. కానీ ఆమె కబురు చేయలేదు. ఈలోపే తిమోతి పల్స్ పడిపోయి చనిపోయాడు అని ఆమె తెలిపింది. అతని మృతి పట్ల కేసు నమోదు చేసుకున్న పోలీసులు విచారణ చేపట్టగా అప్పటికే తెల్లవార్లు బ్రాందీ, బీర్లు తాగి ఉన్న తిమోతికి బార్ లో ఇద్దరు కెనడాకు చెందిన యువతులు పరిచయమయ్యారని వారిలో ఒకరి పుట్టినరోజు సందర్బంగా సవాలుగా తీసుకుని 21 కాక్ టెయిల్ డ్రింకులు తాగే ప్రయత్నం చేశాడని ఆ కారణం చేతనే అక్యూట్ గ్యాస్ట్రో ఎంటరైటిస్ తో చనిపోయినట్లు వారు నిర్ధారించారు.

Follow us