Monkeypox Death Case : ఆ దేశంలో మంకీపాక్స్ తొలి మ‌ర‌ణం.. ఆందోళ‌న‌లో ప్ర‌జ‌లు
మంకీపాక్స్ వ్యాధి ప్రపంచ వ్యాప్తంగా ఆందోళ‌న క‌లిగిస్తుంది.
- By Prasad Published Date - 09:32 AM, Sat - 30 July 22
మంకీపాక్స్ వ్యాధి ప్రపంచ వ్యాప్తంగా ఆందోళ‌న క‌లిగిస్తుంది. బ్రెజిల్ దేశంలో మొట్టమొదటి మంకీపాక్స్ సంబంధిత మరణాన్ని ఆ దేశం ఆరోగ్య‌శాఖ ధృవీకరించింది. ఆగ్నేయ మినాస్ గెరైస్ రాష్ట్ర రాజధాని బెలో హారిజోంటేలో శుక్రవారం ఈ కేసు నమోదైంది. బాధితుడు 41 ఏళ్ల వ్యక్తి, అతను క్యాన్సర్‌తో సహా ఇతర అనారోగ్య కార‌ణాల‌తో చికిత్స పొందుతున్నాడు. వ్యాధి సోకిన తర్వాత అతని ఆరోగ్యం క్షీణించిందని మంత్రిత్వ శాఖ తెలిపింది.
ఆ వ్యక్తిని బెలో హారిజాంటేలోని ప్రభుత్వ ఆసుపత్రిలో చేర్పించారు. అక్కడ అతనికి మంకీపాక్స్ వ్యాధి నిర్ధార‌ణ అయింది. బ్రెజిల్‌లో బుధవారం నాటికి 978 మంకీపాక్స్ కేసులు నమోదయ్యాయి. ప్రపంచ ఆరోగ్య సంస్థ ప్రస్తుత వ్యాప్తిని గ్లోబ‌ల్ హెల్త్ ఎమ‌ర్జెన్సీగా ప్ర‌క‌టించింది.
Follow us
