Bengal Tiger: క్షణ క్షణం.. భయం భయం!
కాకినాడ జిల్లా ప్రత్తిపాడు మండలంలో రాయల్ బెంగాల్ టైగర్ అటవీశాఖ అధికారులకు చిక్కకుండా తప్పించుకు తిరుగుతోంది.
- Author : Balu J
Date : 02-06-2022 - 12:32 IST
Published By : Hashtagu Telugu Desk
కాకినాడ జిల్లా ప్రత్తిపాడు మండలంలో రాయల్ బెంగాల్ టైగర్ అటవీశాఖ అధికారులకు చిక్కకుండా తప్పించుకు తిరుగుతోంది. అధికారులు బెంగాల్ టైగర్ను ఎలాగైనా ట్రాప్ చేయడానికి రంగంలోకి దిగారు. ఇప్పటికే మూడు పశువులను చంపగా, బుధవారం అర్థరాత్రి ప్రత్తిపాడు మండలం పాండవులపాలెం – పొడపాక గ్రామంలో ఒక ఆవును చంపేసింది. అటవీ అధికారులు తెలిపిన వివరాల ప్రకారం.. పాండవులపాలెం వద్ద రాత్రి నీటి కోసం వచ్చి ఆవును వేటాడి చంపేసింది. పాండవులపాలెంలో పగ్మార్క్లను అటవీశాఖ అధికారులు గుర్తించారు. అధునాతన కెమెరాలు, భారీ సంఖ్యలో అటవీ సిబ్బంది ఉన్నప్పటికీ బెంగాల్ టైగర్ను పట్టుకోలేకపోయారు. పులిని పట్టుకునేందుకు నేషనల్ టైగర్ కన్జర్వేషన్ అథారిటీ (ఎన్టిసిఎ) అనుమతి లేఖ ఇవ్వలేదని అధికారులు తెలిపారు.
దీంతో జిల్లా అటవీశాఖ అధికారులు వారి నుంచి అనుమతి లేఖ కోసం ఆసక్తిగా ఎదురుచూస్తున్నారు. బుధవారం అర్థరాత్రి బెంగాల్ టైగర్ పాండవులపాలెం-పొడపాక గ్రామం మధ్య వెళ్లి ఆవుపై దాడి చేసి చంపిందని “ది హన్స్ ఇండియా” జిల్లా అటవీ అధికారి ఐకెవి రాజు తెలిపారు. బెంగాల్ టైగర్ను పట్టుకోవడంలో తాము చాలా ప్రయత్నాలు చేస్తున్నామని, నాగార్జునసాగర్-శ్రీశైలం టైగర్ రిజర్వ్ నుండి నిపుణులను కూడా పిలిపించినట్టు పేర్కొన్నారు. అనుమతి లేకపోయినా వెటర్నరీ డాక్టర్ల సమక్షంలో ట్రాంక్విలైజర్లను ఉపయోగించి పులిని పట్టుకోవాలి. బెంగాల్ టైగర్ను పట్టుకోవడంలో NTCA నియమాలకు కట్టుబడి ఉంటామని శ్రీ రాజు పేర్కొన్నారు.
Follow us
