AP News : రేపటి నుంచి ఏపీలో రేషన్ కొత్త విధానం.. 29,796 దుకాణాల ద్వారా సేవలు
AP News : ఆంధ్రప్రదేశ్లో రేపటి నుంచి, అంటే జూన్ 1వ తేదీ నుంచి చౌకధరల దుకాణాల ద్వారా రేషన్ సరుకుల పంపిణీ తిరిగి ప్రారంభం కానుంది.
- Author : Kavya Krishna
Date : 31-05-2025 - 2:46 IST
Published By : Hashtagu Telugu Desk
AP News : ఆంధ్రప్రదేశ్లో రేపటి నుంచి, అంటే జూన్ 1వ తేదీ నుంచి చౌకధరల దుకాణాల ద్వారా రేషన్ సరుకుల పంపిణీ తిరిగి ప్రారంభం కానుంది. గత వైఎస్సార్సీపీ ప్రభుత్వం అమలు చేసిన మొబైల్ డిస్పెన్సింగ్ యూనిట్ల (MDU) విధానానికి స్వస్తి పలికి, కూటమి ప్రభుత్వం పాత పద్ధతికి శ్రీకారం చుడుతోంది. ఈ మేరకు రాష్ట్ర పౌరసరఫరాల శాఖా మంత్రి నాదెండ్ల మనోహర్ కీలక ప్రకటన చేశారు. రాష్ట్రవ్యాప్తంగా ఉన్న 29,796 రేషన్ దుకాణాల ద్వారా నిత్యావసరాలు పంపిణీ చేయడానికి డీలర్లు సిద్ధంగా ఉన్నారని మంత్రి నాదెండ్ల మనోహర్ తెలిపారు. ఈ మార్పు పేదలందరికీ సరకులు సక్రమంగా అందేలా చూడటమే లక్ష్యంగా పెట్టుకుంది. గతంలో ఎం.డి.యు. వాహనాల ద్వారా పంపిణీ చేసినప్పుడు ఎదురైన సమస్యలను, ముఖ్యంగా లబ్ధిదారులు వీధి చివరన నిలబడి సరుకులు తీసుకోవాల్సిన పరిస్థితిని, అలాగే సరకుల పక్కదారిపై వచ్చిన ఆరోపణలను దృష్టిలో ఉంచుకొని ఈ నిర్ణయం తీసుకున్నారు.
100 Cr Offer : రూ.100 కోట్ల ఆఫర్ ను రిజక్ట్ చేసిన నయన్తార..ఎందుకంటే..!!
ఈ కొత్త విధానంలో అత్యంత ముఖ్యమైన అంశం ఏమిటంటే, రాష్ట్రవ్యాప్తంగా ఉన్న 15,74,057 మంది దివ్యాంగులు, అలాగే 65 ఏళ్లు పైబడిన వృద్ధులకు రేషన్ సరుకులను వారి ఇంటి వద్దకే వెళ్లి పంపిణీ చేస్తారు. ఇది వారి సౌలభ్యాన్ని దృష్టిలో ఉంచుకొని తీసుకున్న నిర్ణయం. వారికి దుకాణాలకు వెళ్లి నిలబడాల్సిన అవసరం లేకుండా, నేరుగా వారి ఇళ్ల వద్దకే నిత్యావసరాలు అందడం పట్ల హర్షం వ్యక్తమవుతోంది. ఈ మార్పుతో రేషన్ పంపిణీలో పారదర్శకత పెరుగుతుందని, అక్రమాలకు అడ్డుకట్ట పడుతుందని ప్రభుత్వం ఆశిస్తోంది. రేపటి నుంచి ప్రారంభమయ్యే ఈ పంపిణీ ప్రక్రియ విజయవంతం కావాలని ప్రజలు ఆకాంక్షిస్తున్నారు.
Gaddar Awards : ఆ ఒక్క ‘వర్డ్’ సూర్య నానికి సారీ చెప్పేలా చేసింది
Follow us
