Andhra Pradesh : ఆర్5 జోన్ హైకోర్టు తీర్పుపై సుప్రీంకోర్టుని ఆశ్ర‌యించ‌నున్న ఏపీ సర్కార్‌

Supreme Decision On Village And Ward Volunteers

అమరావతిలోని ఆర్‌5 జోన్‌లో ఇళ్ల నిర్మాణాలపై స్టే విధిస్తూ రాష్ట్ర హైకోర్టు ఇచ్చిన తీర్పుపై సుప్రీంకోర్టును ఆశ్రయించాలని ముఖ్యమంత్రి వైఎస్‌ జగన్‌మోహన్‌రెడ్డి నేతృత్వంలోని ఆంధ్రప్రదేశ్ ప్రభుత్వం నిర్ణయించింది. హైకోర్టులో ఎదురుదెబ్బ తగిలిన ప్రభుత్వానికి సుప్రీం కోర్టులో ఊరట లభిస్తుందో లేదో చూడాలి. సమర్పించిన వాదనలు, సుప్రీం కోర్టు తీర్పుపై ఫలితం ఆధారపడి ఉంటుంది. అమరావతి ఆర్-5 జోన్‌లో ఇళ్ల నిర్మాణాలపై స్టే విధిస్తూ ఏపీ హైకోర్టు గురువారం మధ్యంతర ఉత్తర్వులు జారీ చేసింది. ఇళ్ల నిర్మాణాలను నిలిపివేయాలంటూ దాఖలైన పిటిషన్‌పై స్పందిస్తూ ఈ నిర్ణయం తీసుకున్నారు. ఆర్-5 జోన్‌లో జగనన్న కాలనీల పేరుతో ఆర్థికంగా వెనుకబడిన వారికి ఏపీ ప్రభుత్వం గతంలో ఇళ్ల స్థలాల పట్టాలు మంజూరు చేసింది. రాజధాని ప్రాంతంలో సుమారు 1,400 ఎకరాల భూమి పంపిణీ చేయగా, అమరావతిలో 50,793 మందికి ఇళ్ల నిర్మాణ పత్రాలు అందించారు.

Follow us