12 Cheetahs: భారత్‌కు చేరుకున్న దక్షిణాఫ్రికా చిరుతలు

దక్షిణాఫ్రికా నుంచి 12 చిరుతలను (12 Cheetahs) తీసుకొస్తున్న భారత వైమానిక దళ విమానం సీ-17 మధ్యప్రదేశ్‌లోని గ్వాలియర్ ఎయిర్‌పోర్ట్‌లో ల్యాండ్ అయింది. దీనికి సంబంధించిన వీడియో వైరల్ అవుతుంది. ‘‘చిరుతల సంఖ్యను పెంచడానికి, దేశంలో వీటిని పునరుద్దరించేందుకు దక్షిణాఫ్రికా చిరుతలను భారత్ పంపడం ఇదే తొలిసారి’’ అని దక్షిణాఫ్రికా అటవీ, పర్యావరణ శాఖ తెలిపింది.

దక్షిణాఫ్రికా నుంచి తీసుకొచ్చిన 12 చిరుతలు భారత్‌కు చేరుకున్నాయి. భారత వైమానిక దళానికి చెందిన సి-17 గ్లోబ్‌మాస్టర్ కార్గో విమానం ఉదయం పది గంటలకు ఈ చిరుతలను తీసుకుని గ్వాలియర్ విమానాశ్రయంలో దిగింది. ఇక్కడి నుంచి ఈ చిరుతలను హెలికాప్టర్‌లో కునోకు తీసుకువెళ్లనున్నారు. వాటిని కొద్దిరోజుల పాటు చిన్న ఎన్‌క్లోజర్‌లో ఉంచి, ఇక్కడి వాతావరణానికి అనుగుణంగా తీర్చిదిద్దిన తర్వాత వాటిని ఓపెన్ ఫారెస్ట్‌లో వదిలేస్తారు. కునో చేరుకున్న తర్వాత, ముఖ్యమంత్రి శివరాజ్ సింగ్ చౌహాన్ స్వయంగా ఈ చిరుతలను స్వాగతించి వాటిని ఎన్‌క్లోజర్‌లో విడుదల చేస్తారు.

#WATCH दक्षिण अफ्रीका से 12 चीतों को लेकर भारतीय वायु सेना (IAF) का C-17 ग्लोबमास्टर विमान मध्य प्रदेश के ग्वालियर पहुंचा। pic.twitter.com/sZoD6sT3NF

— ANI_HindiNews (@AHindinews) February 18, 2023

చిరుత ప్రాజెక్ట్‌తో సంబంధం ఉన్న అధికారుల ప్రకారం.. దక్షిణాఫ్రికా నుండి తీసుకురాబడిన ఈ చిరుతల్లో ఏడు మగ చిరుతలు, ఐదు ఆడ చిరుతలు ఉన్నాయి. అంతకుముందు సెప్టెంబర్ 2022లో ఎనిమిది చిరుతలను నమీబియా నుండి తీసుకువచ్చారు. ఈ చిరుతలను తన పుట్టినరోజు సందర్భంగా సెప్టెంబర్ 17న కునో నేషనల్ పార్క్‌లో స్వయంగా ప్రధాని నరేంద్ర మోదీ విడుదల చేశారు. అటువంటి పరిస్థితిలో 12 కొత్త చిరుతలు వచ్చిన తర్వాత కునో నేషనల్ పార్క్‌లో చిరుతల జనాభా 20కి పెరుగుతుంది. 1952లో చిరుతలు భారత నేల నుండి అంతరించిపోయినట్లు ప్రకటించబడ్డాయి. పర్యావరణాన్ని సమతుల్యం చేసే లక్ష్యంతో గతంలో ఆఫ్రికా దేశాల నుంచి చిరుతలను తీసుకురావడానికి భారత ప్రభుత్వం ప్రణాళిక సిద్ధం చేసింది.

ఈ క్రమంలో ప్రధానమంత్రి నరేంద్రమోదీ చొరవతో 71 ఏళ్ల తర్వాత మరోసారి చిరుతలతో భారత భూమి కళకళలాడుతోంది. దేశ వన్యప్రాణుల చరిత్రలో ఇది కొత్త శకానికి నాంది అని నమ్ముతారు. చిరుతలతో దేశం భూమిని మరోసారి స్థిరపరచడానికి భారత ప్రభుత్వం ప్రతిష్టాత్మక ప్రాజెక్ట్‌ను సిద్ధం చేసింది. ఈ ప్రాజెక్ట్ పేరు కూడా ‘ప్రాజెక్ట్ చిరుత’గా పెట్టబడింది. ఈ ప్రాజెక్ట్ కింద వన్య జాతుల ప్రత్యేకించి చిరుతలను సంరక్షించడం కోసం ఇంటర్నేషనల్ యూనియన్ ఫర్ కన్జర్వేషన్ ఆఫ్ నేచర్ (IUCN) మార్గదర్శకాల ప్రకారం చిరుతలను భారతదేశానికి తీసుకువస్తున్నారు. ఈ ప్రాజెక్టు కింద భారత ప్రభుత్వం ఇప్పటికే దక్షిణాఫ్రికాతో ఎంఓయూపై సంతకం చేసింది.