Australia Cricketer: అంతర్జాతీయ క్రికెట్కు స్టార్ క్రికెటర్ వీడ్కోలు
ఆస్ట్రేలియా టీ20 జట్టు కెప్టెన్ ఆరోన్ ఫించ్ (Aaron Finch) సంచలన ప్రకటన చేశాడు. అంతర్జాతీయ క్రికెట్కు వీడ్కోలు పలుకుతున్నట్లు తెలిపాడు.
- By Gopichand Published Date - 09:05 AM, Tue - 7 February 23
ఆస్ట్రేలియా టీ20 జట్టు కెప్టెన్ ఆరోన్ ఫించ్ (Aaron Finch) సంచలన ప్రకటన చేశాడు. అంతర్జాతీయ క్రికెట్కు వీడ్కోలు పలుకుతున్నట్లు తెలిపాడు. ‘2024 టీ20 ప్రపంచకప్ వరకు నేను ఆడకపోవచ్చని అర్థమైంది. అందుకే అంతర్జాతీయ క్రికెట్ నుంచి తప్పుకోవడానికి ఇది సరైన సమయమని భావిస్తున్నా. నాకు మద్దతుగా నిలిచిన ఫ్యాన్స్కు ధన్యవాదాలు’ అని చెప్పుకొచ్చాడు. ఇప్పటికే టెస్టులు, వన్డేల నుంచి రిటైరైన అతను ఇప్పుడు టీ20కి కూడా వీడ్కోలు పలికాడు.
గత సంవత్సరం వన్డే నుండి రిటైర్మెంట్ తర్వాత ఫించ్ T20 నుండి కూడా రిటైర్మెంట్ తీసుకోవాలని నిర్ణయించారు. బిగ్ బాష్ తర్వాత తన భవిష్యత్తుపై నిర్ణయం తీసుకుంటానని కూడా చెప్పాడు. ఇక ఇప్పుడు ఆస్ట్రేలియాలో బిగ్ బాష్ ముగిసిన తర్వాత రిటైర్మెంట్ ప్రకటించాడు. ఫించ్ తన అంతర్జాతీయ కెరీర్లో మొత్తం 5 టెస్టులు, 146 వన్డేలు, 103 T20 మ్యాచ్లు ఆడాడు. గత ఏడాది T20 ప్రపంచకప్లో ఫించ్ చివరిసారిగా ఆస్ట్రేలియాకు కెప్టెన్గా వ్యవహరించాడు. అక్కడ అతను తన జట్టును సెమీ-ఫైనల్కు కూడా తీసుకెళ్లడంలో విఫలమయ్యాడు. గాయం కారణంగా టోర్నీలో ఆఫ్ఘనిస్థాన్తో జరిగిన చివరి మ్యాచ్ కూడా ఆడలేదు. కానీ ఈ వైఫల్యానికి ముందు 2021 సంవత్సరంలో ఆస్ట్రేలియాకు మొదటి T20 ప్రపంచ కప్ టైటిల్ను అందించిన కెప్టెన్ కూడా ఫించ్. అప్పుడు అతని జట్టు న్యూజిలాండ్ను ఓడించి ఛాంపియన్గా నిలిచింది.
Our World Cup winning, longest serving men's T20I captain has called time on a remarkable career.
Thanks for everything @AaronFinch5 🤝 pic.twitter.com/cVdeJQmCXN
— Cricket Australia (@CricketAus) February 6, 2023
ఫించ్ తన అంతర్జాతీయ కెరీర్లో మొత్తం 254 మ్యాచ్లు ఆడాడు. అందులో అతను 19 సెంచరీలతో 8,804 పరుగులు చేశాడు. రిటైర్మెంట్ ప్రకటించిన ఫించ్ తన కుటుంబం, సహచరులు, సహాయక సిబ్బంది, క్రికెట్ ఆస్ట్రేలియాకు ధన్యవాదాలు తెలిపాడు. 2021లో టీ20 ప్రపంచకప్ను గెలవడం, 2015లో స్వదేశంలో వన్డే ప్రపంచకప్ను గెలవడం తన కెరీర్లో బెస్ట్ మూమెంట్గా అభివర్ణించాడు. అంతర్జాతీయ టీ20ల్లో అత్యధిక మ్యాచ్లు ఆడిన కెప్టెన్గా ఆరోన్ ఫించ్ రికార్డు సృష్టించాడు. ఫించ్ 76 మ్యాచ్లకు నాయకత్వం వహించాడు. 40 గెలిచాడు. 32 ఓడాడు. అక్కడ 3 మ్యాచ్లు అసంపూర్తిగా మిగిలాయి. అతను ఈ ఫార్మాట్లో ఆస్ట్రేలియా అత్యంత విజయవంతమైన బ్యాట్స్మన్ కూడా. అతను 103 టీ20 మ్యాచ్లలో 142.53 స్ట్రైక్ రేట్తో 3120 పరుగులు చేశాడు.
Related News
Fastest T20I Hundred: విధ్వంసం.. 33 బంతుల్లోనే సెంచరీ..!
నమీబియా ఆటగాడు జాన్ నికోల్ లాఫ్టీ-ఈటన్ టీ20 ఇంటర్నేషనల్లో ఫాస్టెస్ట్ సెంచరీ (Fastest T20I Hundred) సాధించిన ఘనత సాధించాడు.