Australian Military Helicopter: సముద్రంలో కూలిపోయిన ఆస్ట్రేలియా మిలిటరీ హెలికాప్టర్.. నలుగురు పైలట్లు మిస్సింగ్

Indian Aviation History

Australian Military Helicopter: ఆస్ట్రేలియాలో మిలిటరీ ఆపరేషన్ సందర్భంగా పెను ప్రమాదం చోటుచేసుకుంది. దేశం ఈశాన్య తీరంలో ఆస్ట్రేలియా హెలికాప్టర్ (Australian Military Helicopter) సముద్రంలో కూలిపోవడంతో నలుగురు ఆస్ట్రేలియన్ మిలిటరీ ఎయిర్‌క్రాఫ్ట్ పైలట్లు తప్పిపోయారు. MRH-90 తైపాన్ హెలికాప్టర్ శుక్రవారం అర్థరాత్రి కూలిపోయిందని రక్షణ మంత్రి రిచర్డ్ మార్లెస్ తెలిపారు. ఈ ప్రమాదంలో నలుగురు ఆస్ట్రేలియన్ మిలిటరీ ఎయిర్‌క్రాఫ్ట్ పైలట్లు తప్పిపోయినట్లు ఆయన పేర్కొన్నారు. ఆయన మాట్లాడుతూ.. నలుగురు పైలట్లు ఇంకా కనుగొనబడలేదని దాదాపు 12 గంటల రాత్రిపూట శోధన తర్వాత చెప్పారు. వారికోసం శనివారం కూడా సెర్చ్ ఆపరేషన్ కొనసాగనుంది.

Also Read: Sunday Special Dish: ఇదేందయ్యా ఇది.. ఆ హోటల్లో భోజనం చేయాలంటే 4 ఏళ్ళు ఆగాలట?

సిబ్బంది అన్వేషణ కొనసాగిస్తున్నారు

సిబ్బంది అన్వేషణ కోసం యుఎస్-ఆస్ట్రేలియన్ టాలిస్మాన్ సాబెర్ వ్యాయామాన్ని నిలిపివేసినట్లు రక్షణ అధికారులు తెలియజేశారు. ఇటీవల రెండు దేశాల మధ్య ద్వైపాక్షిక సైనిక విన్యాసాలు ప్రారంభమయ్యాయి. దీనికి సంబంధించి పూర్తి సమాచారం తెలియాల్సి ఉంది.

Follow us