COVID-19: కోవిడ్ కలకలం.. 15 మంది విద్యార్థులకు పాజిటివ్

దేశంలో కరోనా కేసులు పెరుగుతుండటంతో తెలంగాణలోని మహబూబాబాద్ జిల్లాలోని 15 మంది పాఠశాల విద్యార్థులకు కోవిడ్ -19 పాజిటివ్ అని తేలింది. గిరిజన సంక్షేమ ఆశ్రమ పాఠశాల విద్యార్థులు జ్వరం, జలుబుతో అస్వస్థతకు గురికావడంతో వారికి కరోనా పరీక్షలు చేశారు. వీరిలో 15 మందికి వైరస్‌ సోకినట్లు పరీక్షల్లో తేలిందని, దీంతో విద్యార్థులను హాస్టల్‌ ఆవరణలో చికిత్స నిమిత్తం క్వారంటైన్ చేశారు.

వరంగల్‌లోని MGM ఆసుపత్రి మళ్లీ ప్రత్యేక ఐసోలేషన్ వార్డును ఏర్పాటు చేయడం ద్వారా కోవిడ్ -19 పాజిటివ్ రోగులకు చికిత్స చేయడానికి సన్నాహాలను వేగవంతం చేసింది. ఆక్సిజన్ సరఫరా చేసేందుకు 1200 పడకలను అందించినట్లు ఆసుపత్రి అధికారులు తెలిపారు. కేంద్ర ఆరోగ్య మంత్రి మన్సుఖ్ మాండవియా శుక్రవారం సమీక్షా సమావేశాన్ని నిర్వహించి, రాష్ట్రాలు అప్రమత్తంగా ఉండాలని, COVID-19 నిర్వహణకు సిద్ధంగా ఉండాలని సూచించారు.