Sakhi : ‘సఖి వన్ స్టాప్ సెంటర్’.. ఈ స్కీం గురించి తెలుసా ?
Sakhi : వేధింపులను ఎదుర్కొనే మహిళలకు అండగా నిలిచేందుకు ‘నిర్భయ ఫండ్‌’ నుంచి కేంద్ర మహిళాభివృద్ధి, శిశు సంక్షేమశాఖ ఓ స్కీమ్‌ను అమలు చేస్తోంది.
- By Pasha Published Date - 04:23 PM, Tue - 30 April 24
Sakhi : వేధింపులను ఎదుర్కొనే మహిళలకు అండగా నిలిచేందుకు ‘నిర్భయ ఫండ్‌’ నుంచి కేంద్ర మహిళాభివృద్ధి, శిశు సంక్షేమశాఖ ఓ స్కీమ్‌ను అమలు చేస్తోంది. దాని పేరే ‘సఖి వన్ స్టాప్ సెంటర్’ !! ఇందులో భాగంగా జిల్లా కేంద్రాల్లో సఖి వన్ స్టాప్ కేంద్రాలను ఏర్పాటు చేశారు. ఐసీడీఎస్‌ పీడీ, సీడీపీవో, ఇతర అధికారులు ఆధ్వర్యంలో ఈ స్కీం అమలవుతుంటుంది. భర్త నుంచి, అత్తింటి కుటుంబ సభ్యుల నుంచి, ఇతర యువకుల నుంచి, ఆఫీసులో తోటి ఉద్యోగుల నుంచి వేధింపులను ఎదుర్కొనే మహిళలు సఖి కేంద్రాలను ఆశ్రయిస్తే అన్ని రకాల సహాయం చేస్తారు. ఈ కేంద్రాలలో కౌన్సిలర్‌, లీగల్‌ అడ్వైజర్‌, సోషల్‌ వర్కర్స్‌, సెంటర్ మేనేజర్‌ అందుబాటులో ఉంటారు. వారు బాధిత మహిళలతో మాట్లాడి, వారి ఫిర్యాదులను నమోదు చేసుకుంటారు.
We’re now on WhatsApp. Click to Join
- ‘సఖి వన్ స్టాప్ సెంటర్’కు(Sakhi) వచ్చే మహిళలకు అత్యవసర వైద్య సహాయం కూడా అందిస్తారు.
- బాధిత మహిళను ఆస్పత్రికిగానీ, షెల్డర్‌ హోంకు గానీ తరలిస్తారు.
- బాధిత మహిళకు అవసరమైన న్యాయ సహాయాన్ని అందించేందుకు ఈ సెంటర్‌లో న్యాయవాది అందుబాటులో ఉంటారు.
Also Read :Tamilisai : హైదరాబాద్ బీజేపీ పార్లమెంటు ఇన్‌ఛార్జిగా తమిళిసై
- బాధిత మహిళలు అత్యవసర పరిస్థితుల్లో ఐదు రోజులపాటు సఖి సెంటర్‌లో తాత్కాలిక వసతి పొందొచ్చు.
- ఈ సెంటర్‌లో ఉన్నన్ని రోజులు బాధిత మహిళలకు ఉచితంగా ఆహారం, మందులు, ఇతర సౌకర్యాలు కల్పిస్తారు.
- ఎనిమిదేళ్ల కంటే ఎక్కువ వయసున్న అబ్బాయిలు ఈ సెంటర్‌లో తల్లితో ఉండేందుకు అవకాశం లేదు.
- బాధిత మహిళలు నేరుగా సఖి సెంటర్‌కు వెళ్లొచ్చు. అలా వెళ్లలేని వారు అంగన్వాడీ సిబ్బంది సహకారంతో సఖి సెంటర్‌కు చేరుకోవచ్చు.
Also Read :YS Sharmila Vs YS Jagan : ఆ రెండు ‘బీ’ల చేతిలో సీఎం జగన్ రిమోట్ కంట్రోల్ : షర్మిల
