Kerala Student Suicide: బాత్ రూం వీడియో ఘటనలో కేరళ విద్యార్థి సూసైడ్
జలంధర్ సమీపంలోని ఓ ప్రైవేట్ యూనివర్సిటీలో మంగళవారం అర్థరాత్రి కేరళకు చెందిన ఓ విద్యార్థి ఆత్మహత్య చేసుకున్నాడు.
- By Balu J Published Date - 12:11 PM, Wed - 21 September 22
జలంధర్ సమీపంలోని ఓ ప్రైవేట్ యూనివర్సిటీలో మంగళవారం అర్థరాత్రి కేరళకు చెందిన ఓ విద్యార్థి ఆత్మహత్య చేసుకున్నాడు. చండీగఢ్ సమీపంలోని లవ్లీ ప్రొఫెషనల్ యూనివర్శిటీలో భారీ నిరసనలు వెల్లువెత్తిన ‘అభ్యంతరకరమైన’ వీడియోల తర్వాత ఈ సంఘటన జరిగింది, ఇందులో ఇప్పటివరకు నలుగురు నిందితులను అరెస్టు చేశారు. కేరళకు చెందిన బ్యాచిలర్ ఆఫ్ డిజైనింగ్ మొదటి సంవత్సరం విద్యార్థి అగ్ని ఎస్ దిలీప్ (21) మంగళవారం అర్థరాత్రి యూనివర్సిటీ క్యాంపస్లోని తన హాస్టల్ గదిలో ఉరివేసుకుని ఆత్మహత్యకు పాల్పడ్డాడని వర్గాలు తెలిపాయి. వ్యక్తిగత కారణాల వల్లే అతడు ఆత్మహత్య చేసుకున్నాడని, గది నుంచి లభించిన సూసైడ్ నోట్లో పేర్కొంది. దీంతో నిన్న అర్థరాత్రి యూనివర్సిటీలో పెద్దఎత్తున నిరసనలు చెలరేగాయి.
గత పది రోజుల్లో క్యాంపస్లో ఇది రెండో ఆత్మహత్య కావడం గమనార్హం. ఈ రెండు ఆత్మహత్యల వెనుక కారణాలను తెలుసుకోవాలని కోరుతూ తాము నిరసన తెలిపామని, అయితే ఈ విషయంపై యూనివర్సిటీ యంత్రాంగం పెదవి విప్పడం లేదని విద్యార్థులు పేర్కొన్నారు. మరోవైపు, విద్యార్థుల ఆరోపణలను సివిల్ అడ్మినిస్ట్రేషన్ మరియు పోలీసులు ఖండించారు. క్యాంపస్లో ఉద్రిక్తత నెలకొనడంతో వందలాది మంది విద్యార్థులు తమకు న్యాయం చేయాలంటూ నినాదాలు చేశారు. పోలీసులు కూడా సంఘటనా స్థలానికి చేరుకుని విద్యార్థులను శాంతింపజేసే ప్రయత్నం చేశారు.
Related News
Phone Tapping Case: ఫోన్ ట్యాపింగ్ కేసు.. అరెస్టయిన పోలీసులపై సైబర్ టెర్రరిజం సెక్షన్లు ?
Phone Tapping Case: బీఆర్ఎస్ హయాంలో ప్రతిపక్ష నాయకులు టార్గెట్గా జరిగిన ఫోన్ ట్యాపింగ్ వ్యవహారానికి సంబంధించిన కేసులో కొత్త కొత్త విషయాలు వెలుగుచూస్తున్నాయి.