Stop sleeping : బలవంతంగా నిద్రను ఆపుకునేవారికి హెచ్చరిక.. మెదడుపై తీవ్ర ప్రభావం?

Stop sleeping : నిద్ర అనేది కేవలం విశ్రాంతి కోసమే కాదు ఇది మన మెదడు ఆరోగ్యానికి అత్యవసరం. అయితే, కొన్నిసార్లు తప్పనిసరి పరిస్థితులలో లేదా అలవాటుగా మనం నిద్రను బలవంతంగా నిలుపుకోవడానికి ప్రయత్నిస్తాం. కానీ అలా చేయడం మన శరీరానికి, ముఖ్యంగా మెదడుకు చాలా నష్టం కలిగిస్తుంది. ఒక రాత్రి సరిగ్గా నిద్రపోకపోతే, అది మన మానసిక స్థితిపై, ఏకాగ్రతపై, జ్ఞాపకశక్తిపై తీవ్రమైన ప్రభావం చూపుతుంది.క్రమం తప్పకుండా ఇలా చేస్తే దాని పర్యవసానాలు చాలా భయంకరంగా ఉంటాయి.

నిద్ర పోకుండా బలవంతంగా ఆపుకుంటే ఏం జరుగుతుందంటే?

నిద్రలేమి వల్ల మన మెదడు తన సాధారణ పనితీరును కోల్పోతుంది. మనం నిద్రపోతున్నప్పుడు, మెదడు రోజులో పోగైన అనవసరమైన విష పదార్థాలను తొలగిస్తుంది. ఈ ప్రక్రియ సరిగ్గా జరగకపోతే, మెదడులో టాక్సిన్స్ పేరుకుపోతాయి. ఇది మెదడు కణాల మధ్య సంభాషణను అడ్డుకుంటుంది, ఫలితంగా ఆలోచనా శక్తి, నిర్ణయాత్మక సామర్థ్యం తగ్గుతాయి. ముఖ్యంగా, జ్ఞాపకశక్తికి సంబంధించిన హిప్పోక్యాంపస్ అనే మెదడు భాగం బలహీనపడుతుంది. ఫలితంగా ప్రతి విషయం మర్చిపోవడం జరిగే అవకాశం ఉంటుంది.

Thailand : బ్యాట్‌మొబైల్‌లో వివాహానికి వచ్చిన వరుడు..నెటిజన్లు సరదా కామెంట్లు..!

మెదడులో ఒత్తిడికి కారకం కావొచ్చు..
కొంతకాలం నిద్రలేమి కొనసాగితే అది మెదడులో ఒత్తిడి హార్మోన్లైన కార్టిసాల్ స్థాయిలను పెంచుతుంది. ఇది ఆందోళన, చిరాకు, డిప్రెషన్‌కు దారితీస్తుంది. నిద్రకు సంబంధించిన అడెనోసిన్ అనే రసాయనం పేరుకుపోవడంతో, మెదడులోని న్యూరాన్లు నెమ్మదిగా పనిచేస్తాయి. ఫలితంగా, తగినంత ఆలోచన లేకుండానే నిర్ణయాలు తీసుకోవడం, చిన్న చిన్న విషయాలకే కోపం రావడం వంటి లక్షణాలు కనిపిస్తాయి. అంతేకాకుండా, నిద్రలేమి రోగనిరోధక శక్తిని కూడా బలహీనపరుస్తుంది. ఫలితంగా పదే పదే జబ్బుల బారిన పడే అవకాశం ఉంటుంది.

దీర్ఘకాలికంగా నిద్రను నిర్లక్ష్యం చేస్తే, అది మెదడులోని కణాలను నాశనం చేసే ప్రమాదం ఉంది. కొన్ని అధ్యయనాల ప్రకారం, నిద్రలేమి అల్జీమర్స్, పార్కిన్సన్స్ వంటి న్యూరోడిజెనరేటివ్ వ్యాధులకు కూడా దారితీయవచ్చు. మెదడులోని నరాల మధ్య సమాచార ప్రసారం దెబ్బతినడం వల్ల తలనొప్పి, మైగ్రేన్, మానసిక సమస్యలు పెరుగుతాయి. నిద్రలో మెదడు చేసే రికవరీ ప్రక్రియకు అంతరాయం కలగడం వల్ల మెదడు ఆరోగ్యం దెబ్బతింటుంది. ఆలోచన శక్తి కూడా దెబ్బతింటుంది. మనిషి రోజు వారి దైనందిన జీవితంపై తీవ్ర ప్రభావం చూపుతుంది.

కాబట్టి, నిద్రను కేవలం విశ్రాంతిగా చూడకుండా, మెదడు ఆరోగ్యానికి చేసే ఒక ముఖ్యమైన పెట్టుబడిగా భావించాలి. నిద్రను బలవంతంగా ఆపుకోవడం వల్ల కలిగే తాత్కాలిక లాభాల కంటే, దాని వల్ల కలిగే శాశ్వతమైన నష్టాలు చాలా ఎక్కువ. మన శరీరం, మెదడు ఆరోగ్యంగా ఉండాలంటే రోజుకు కనీసం 7-8 గంటల నిద్ర తప్పనిసరి. ఇది మన జీవిత నాణ్యతను పెంచుతుంది. మంచి ఆలోచన శక్తిని కూడా పెంచుతుంది. బ్రెయిన్ పవర్ కూడా పెరుగుతుంది.

Urea Shortage : యూరియా కోసం ఆర్ధరాత్రి వరకు రైతుల పడిగాపులు..ఇదేనా మార్పు అంటే ?