Easy Breakfast : ఉదయాన్నే ఇవి తింటే…రోజంతా ఆరోగ్యంగా ఉండొచ్చు..!!

Easy Breakfast

ఈ ఉరుకుల…పరుగుల జీవితంలో కొన్నిసార్లు ఉదయం టిఫిన్ చేయడానికి కూడా సమయం ఉండదు. ఎంత సంపాదించినా…నాలుగు ముద్దల బువ్వ కోసమే అని తెలిసినా…కాలం అలా మనల్ని బిజీ లైఫ్ లోకి నెట్టిస్తోంది. ఇంట్లో టిఫిన్ రెడీగా ఉన్నా…తినేందుకు సమయం లేక…బయట దొరికే ఆహారంపై ఆధారాపడాల్సి వస్తుంది. బయట తినే ఆహారంలో పోషకాలు ఉంటాయా…అది ప్రశ్నార్థకం. ఇక కొందరు ఉదయం టిఫిన్ తినకుండా…డైరెక్టుగా మధ్యాహ్నం భోజనం చేస్తుంటారు. ఇది ఏమాత్రం మంచిది కాదంటున్నారు ఆరోగ్య నిపుణులు. కాబట్టి తక్కువ సమయంలోనే ఎక్కువ పోషకాలు ఉండే పౌష్టికాహారాన్ని ఎలా తయారు చేసుకోవాలో తెలుసుకుందాం.

1. ఇడ్లీ:
ఇడ్లీ తక్కువ సమయంలో తయారు చేసుకోవచ్చు. మిల్లెట్స్ లేదా సెమోలినా దీనిని తినొచ్చు. ఇడ్లీ చాలా తేలికగా జీర్ణం అవుతుంది. ఇది అధికబరువుతో బాధపడేవారికి మంచి ఆహారం. ఉదయం టిఫిన్ లో ఇడ్లీ తీసుకుంటే రోజంతా హ్యాపీగా ఉండొచ్చు. ఇందులో కొలెస్ట్రాల్ తక్కువగా ఉంటుంది. తక్కువ సోడియం కంటెంట్ ఉంటుంది కాబట్టి గుండెకు మంచిది.

2. బ్రెడ్ శాండ్విచ్:
బ్రెడ్ శాండ్విచ్ ఆరోగ్యానికి ఎంతో మేలు చేస్తుంది. బ్రెడ్ తోపాటు రుచికరమైన కూరగాయలతో దీన్ని తయారు చేసుకోవచ్చు. ఇది ఆరోగ్యానికి ఎంతో మంచిది. బ్రెడ్, కూరగాయలు మిమ్మల్ని రోజంతా శక్తివంతంగా ఉంచుతాయి. ఉదయం తక్కువ సమయంలోనే దీన్ని తయారు చేసుకోవచ్చు. ఇందులో ఫైబర్, విటమిన్ బి1, బి6, బి12తోపాటు కాల్షియం, మెగ్నీషియం, పొటాషియం పుష్కలంగా ఉంటాయి. బ్రెండ్ శాండ్విచ్ మధుమేహ వ్యాధిగ్రస్తులకు, బరువు తగ్గడానికి చక్కగా సహాయపడుతుంది.

3. గుడ్డు:
గుడ్డులోని తెల్లసొనలో ఎన్నో పోషకాలు ఉంటాయి. ఇది ఉదయం అల్ఫాహారంలో తీసుకోవడం మంచిది. గుడ్డులో ప్రొటీన్స్ ఉంటాయి కాబట్టి ఇవి కండరాల ఆరోగ్యాన్ని కాపాడుతాయి. ప్రొటీన్ జీర్ణం కావడానికి ఎక్కువ సమయం పడుతుంది. కాబట్టి మీ కడుపు నిండుగా ఉన్న అనుభూతిని కలిగి ఉంటుంది. ప్రతిరోజూ ఉదయాన్నే అల్పాహారంగా ఉడికించిన గుడ్డును తినవచ్చు.
4. పోహా( అటుకుల ఉప్మా)
పోహా లేదా అటుకుల ఉప్మా…దీనికి కొత్తగా పరిచయం చేయాల్సిన పనిలేదు. ఎందుకంటే దాదాపు అందరికీ తెలిసే ఉంటుంది. ఇది చాలా తేలికైన ఆహారం.ఇది తింటే కడుపు నిండుతుంది. ఇందులో కార్బొహైడ్రెట్లు ఉంటాయి. ఐరన్, ఫైబర్, యాంటీఆక్సిడెంట్లు, విటమిన్లు ఎన్నో ఉంటాయి. అందుకే తక్కువ సమయంలో ఎక్కువ పోషకాలు ఉండే టిఫిన్ ఇది.

Follow us