Effects Of Plastic: మిగిలిపోయిన ఫుడ్‌ని ప్లాస్టిక్ బాక్స్‌ల్లో పెట్టి ఫ్రిజ్‌లో పెడుతున్నారా..?

Effects Of Plastic: ప్లాస్టిక్ వాడకం విపరీతంగా పెరిగిపోయింది. ఈ రోజుల్లో ప్లాస్టిక్‌ (Effects Of Plastic) ప్రతిచోటా ఉపయోగిస్తున్నారు. ఇళ్లలో కూడా ప్లాస్టిక్ పాత్రలు వాడుతున్నారు. కొంతమంది మిగిలిపోయిన ఆహారాన్ని ప్లాస్టిక్ పాత్రలలో కూడా నిల్వ చేస్తారు. ప్లాస్టిక్ పాత్రలు మైక్రోవేవ్, ఓవెన్ కోసం మంచివిగా పరిగణిస్తారు. అయితే అవి ఆరోగ్యంపై చెడు దుష్ప్రభావాలను కలిగి ఉంటాయి. చాలా మంది మిగిలిపోయిన ఆహారాన్ని ఫ్రిజ్‌లో ఉంచడం మంచిద‌ని భావిస్తుంటారు. రోజూ ఇలా చేస్తుంటారు. కానీ ప్లాస్టిక్ పాత్రల వాడకం ఆరోగ్యానికి హానికరం అని చెబుతున్నారు నిపుణులు. ప్లాస్టిక్ వాడ‌కాన్ని మానుకోవాలని కూడా సలహా ఇస్తున్నారు. ప్లాస్టిక్ పాత్రల వినియోగానికి సంబంధించి ఏది సరైనది..? ఏది తప్పో ఇప్పుడు తెలుసుకుందాం.

మిగిలిపోయిన ఆహారాన్ని ప్లాస్టిక్ బాక్స్‌ల్లో ఉంచవచ్చా?

నిపుణుల అభిప్రాయం ప్రకారం.. మిగిలిపోయిన ఆహారాన్ని రిఫ్రిజిరేటర్‌లో ప్లాస్టిక్ పాత్రలో ఉంచకూడదు. ఈ పాత్రలలో ఆహారాన్ని వండడం, వేడి చేయడం లేదా రిఫ్రిజిరేటర్‌లో నిల్వ చేయడం కూడా ఆరోగ్యానికి మంచిది కాదు. అందువల్ల దీనిని నివారించాలని నిపుణులు స‌ల‌హా ఇస్తున్నారు.

Also Read: Chandipura Virus: చండీపురా వైరస్ అంటే ఏమిటి? దీని ప్ర‌భావం మ‌న‌పై ఎంత‌..?

ప్లాస్టిక్ పాత్రలను ఎక్కడ ఉపయోగించాలి..?

నిపుణుల అభిప్రాయం ప్రకారం ప్లాస్టిక్ పాత్రల వినియోగం ఆరోగ్యానికి ప్రమాదకరం. ఈ విషయం తెలిసినప్పటికీ ప్రజలు వాటిని ఉపయోగిస్తూనే ఉన్నారు. అయితే కొన్ని రకాల ప్లాస్టిక్ పాత్రలను మాత్రమే కొనుగోలు చేయాలని నిపుణులు సూచిస్తున్నారు. పాలిథిలిన్ టెరెఫ్తాలేట్ ప్లాస్టిక్ బాక్సుల‌ను ఉపయోగించడం మంచిదని చెబుతున్నారు. ఇవి సాధారణ ప్లాస్టిక్ పాత్రలకు భిన్నంగా ఉంటాయి. ఆరోగ్యానికి హాని కలిగించవు.

We’re now on WhatsApp. Click to Join.

ప్లాస్టిక్ పాత్రలను మార్చాలా..?

కాలానుగుణంగా ప్లాస్టిక్ పాత్రలను మార్చాలని నిపుణులు భావిస్తున్నారు. ఎందుకంటే వాటిని పదే పదే వాడడం, కడుక్కోవడం వల్ల వాటిలో ఉండే రసాయనాలు ఆహారంతో పాటు శరీరంలోకి చేరి ఆహారాన్నే కాకుండా ఆరోగ్యాన్ని కూడా పాడు చేస్తాయి. కాబట్టి ఈ ప్లాస్టిక్ వ‌స్తువుల‌ను కూడా కాలానుగుణంగా మార్చాలి.