Sweet Carrot Crackers: వెరైటీగా ఉండే స్వీట్ క్యారెట్ క్రాకర్స్.. ఇలా చేస్తే కొంచెం కూడా మిగల్చరు?
మామూలుగా ప్రతిరోజు ఒకే విధమైన వంటలు తిని చాలామందికి బోర్ కొడుతూ ఉంటుంది. అప్పుడప్పుడు కొత్త కొత్తగా ఏవైనా రెసిపీలు తినాలని అనుకుంటూ ఉంటారు.
- By Nakshatra Published Date - 09:00 PM, Mon - 22 January 24
మామూలుగా ప్రతిరోజు ఒకే విధమైన వంటలు తిని చాలామందికి బోర్ కొడుతూ ఉంటుంది. అప్పుడప్పుడు కొత్త కొత్తగా ఏవైనా రెసిపీలు తినాలని అనుకుంటూ ఉంటారు. మీరు కూడా అలా ఏదైనా కొత్తగా రెసిపీలు తినాలని అనుకుంటున్నారా. ఎంతో రుచికరమైన స్వీట్ క్యారెట్ క్రాకర్స్ ని ఇంట్లోనే టేస్టీగా ఎలా చేసుకోవాలో ఇప్పుడు మనం తెలుసుకుందాం..
స్వీట్ క్యారెట్ క్రాకర్స్ కావలసిన పదార్థాలు:
క్యారెట్ తురుము – ఒకటిన్నర కప్పు
చక్కెర – ముప్పావు కప్పు
మైదాపిండి – ఒక కప్పు
నీళ్లు – అరకప్పు
చీజ్ తురుము – అరకప్పు
కోడిగుడ్లు – రెండు
స్వీట్ క్యారెట్ క్రాకర్స్ తయారీ విధానం:
ఇందుకోసం క్యారెట్ తురుములో నీళ్లు వేసి స్టౌ మీద పెట్టాలి. క్యారెట్ బాగా ఉడికిన తరువాత నీటిని ఒంపేసి క్యారెట్ తురుముని ఆరబెట్టాలి. చల్లారిన తరువాత క్యారెట్, కోడిగుడ్డు సొన, చీజ్, చక్కెర కలిపి మిక్సీలో వేసి మెత్తగా బ్లెండ్ చేసుకోవాలి. దీన్ని ఒక బౌల్ లోకి తీసుకుని, కొద్దికొద్దిగా మైదాపిండి వేసి కలుపుతూ ఉండాలి. చపాతీ పిండిలా అయ్యేవరకూ బాగా కలుపుకుని పక్కన పెట్టేయాలి. అరగంట తరువాత కొద్దికొద్దిగా మిశ్రమాన్ని తీసుకుని, ఉండలు చేసుకుని, చపాతీల్లా ఒత్తాలి. వీటిని నాలుగు వైపులా చాకుతో కోసేసి, ఆ తరువాత ఫొటోలో చూపిన విధంగా చిన్న చిన్న క్యూబ్స్ లా కట్ చేసుకోవాలి. మైక్రో అవన్ ఉన్నవాళ్లు 350 డిగ్రీల వద్ద పదిహేను నుంచి ఇరవై నిమిషాల పాటు బేక్ చేసుకోవాలి. అవన్ లేకపోతే నూనెలో డీప్ ఫ్రై చేసుకోవచ్చు. అంతే స్వీట్ క్యారెట్ క్రాకర్స్ రెడీ.
Related News
carrot benefits for skin: కాంతివంతమైన చర్మం మీ సొంతం కావాలంటే క్యారెట్ తో ఈ ప్యాక్ ట్రై చేయాల్సిందే?
క్యారెట్ వల్ల ఎన్నో రకాల ప్రయోజనాలు ఉన్నాయి అన్న విషయం మనందరికీ తెలిసిందే. ఇవి ఆరోగ్యానికి ఎంతో మేలు చేస్తాయి. ముఖ్యంగా కంటి చూపుకు ఎంతో బాగా ఉపయోగపడతాయి. ఇందులో ఎ, కె, బి6 విటమిన్లు, బయోటిన్, మినరల్స్, బీటా కెరొటిన్ గుణాలెక్కువ. క్యారెట్ తీసుకుంటే డయాబెటిస్ ముప్పు తగ్గుతుంది. దీనిలో ఉండే ఫైబర్ జీర్ణక్రియను మెరుగుపరుస్తుంది. క్యారెట్లో ఉండే యాంటీ ఆక్సిడెంట్లు, పొ