Green Tea: పడుకునే ముందు గ్రీన్ టీ తాగడం సురక్షితమేనా..?

ఈ మధ్యకాలంలో చిన్నా, పెద్దా తేడా లేకుండా ఎదుర్కొంటన్న సమస్య నిద్రలేమి. ప్రస్తుతం అధనాతన జీవనశైలిలో చాలామంది ఒత్తిడితో కూడిన లైఫ్ ను లీడ్ చేస్తున్నారు. ఈ క్రమంలోనే ఎంతోమంది పడుకున్నాకూడా నిద్ర పట్టక నానావస్థలు పడుతుంటారు. అయితే ఇలా నిద్రపట్టకపోవడానికి కారణాలు ఏమైనప్పటికీ….నిద్రించేందుకు ఎన్నో ప్రయత్నాలు చేస్తుంటారు.

గ్రీన్ టీ….ఇప్పుడు ఇది బాగా ప్రాచుర్యం పొందింది. ప్రశాంతమైన నిద్ర కోసం గ్రీన్ టీ సేవిస్తుంటారు చాలామంది. బరువు తగ్గడానికి, మరెన్నో ఆరోగ్య ప్రయోజనాల కోసం గ్రీన్ టీని తాగుతున్నారు. గ్రీన్ టీ రక్త ప్రసరణను మెరుగుపరుస్తుంది. కొలెస్ట్రాల్ ను తగ్గిస్తుంది. అధిక రక్తపోటు, గుండె వైఫల్యం, గుండె సంబంధిత సమస్యలను నివారించేందుకు గ్రీన్ టీ సహాయపడుతుందని అనేక అధ్యయనాల్లో తేలింది. అంతేకాదు గ్రీన్ మెదడుకు కూడా మంచిది.

పడుకునే ముందు ఒక కప్పు తేలికపాటి గ్రీన్ టీ తీసుకున్నట్లయితే మంచి నిద్ర పడుతుందట. అయితే రోజూ పడుకునే ముందు గ్రీన్ టీ తాగడం ఎంత వరకు సురక్షితం, ఇది నిజంగా నిద్ర పట్టేందుకు సహాయపడుతుందా ఇప్పుడు తెలుసుకుందాం.

గ్రీన్ టీలో ఎటిగల్లో కాటెచిన్ గాలెట్ తోపాటు ఎపిగల్లో కాటెచిన్ వంటి యాంటీ ఆక్సిడెంట్లు పుష్కలంగా లభిస్తాయి. ఇందులో కాటెచిన్స్ కూడా ఉంటాయి. అదనంగా థియానైన్, అమైనో ఆమ్లం, నరాల సడలింపుగా పనిచేస్తుంది. ఇదు మెదడు ఆరోగ్యాన్ని మెరుగు పరచడంలో సహాయపడుతుంది. జ్ఞాపకశక్తిని పెంచడంతోపాటు ఒత్తిడిని తగ్గిస్తుంది. ప్రశాంతమైన నిద్రను అందిస్తుంది. కామెల్లియా సైనెన్సియ్ మొక్క ఆకుల నుంచి తీసిన గ్రీన్ టీలో యాంటీ ఆక్సిడెంట్లు, పోషకాలు కూడా పుష్కలంగా లభిస్తాయి. ఫ్రీ రాడికల్స్ ఉనికి వల్ల కలిగే కణాల నష్టాన్ని కొంతమేర తగ్గిస్తుంది.

అయితే గ్రీన్ టీ ఏ సమయంలో తాగాలో చాలామందికి తెలియదు. కానీ గ్రీన్ టీ తాగడానికి కచ్చితమైన సమయాన్ని చెప్పలేంద. అయితే ఈ టీలో కొద్ది మొత్తంలో కెఫిన్ ఉండటంతో నిద్రను ప్రభావితం చేస్తుంది. మెదడు చురుకుగా ఉండేలా ఉంచడంలో ప్రధానపాత్ర వహిస్తుంది.