Samantha: సమంత.. ది గ్రేట్ బ్యూటీ.. ఫుడీ !!
హీరోయిన్ సమంత గొప్ప ఆహార ప్రియురాలు. ఆమె నటిస్తున్న " ఖుషీ " సినిమా షూటింగ్ ప్రస్తుతం కశ్మీర్ లో జరుగుతోంది. ఈసందర్భంగా సమంత లోని ఫుడీ వెలుగు చూసింది.
- By Hashtag U Published Date - 04:30 PM, Sun - 22 May 22
హీరోయిన్ సమంత గొప్ప ఆహార ప్రియురాలు. ఆమె నటిస్తున్న ” ఖుషీ ” సినిమా షూటింగ్ ప్రస్తుతం కశ్మీర్ లో జరుగుతోంది. ఈసందర్భంగా సమంత లోని ఫుడీ వెలుగు చూసింది. ఒక హోటల్ లో కూర్చొని మెనూ బుక్ ను తదేకంగా కనురెప్ప వాల్చకుండా ఆమె చూస్తున్న ఒక ఫోటో ఇన్ స్టాగ్రామ్ లో వైరల్ అవుతోంది. ఈ అందమైన ఫోటోను కెమెరా తో క్లిక్ మనిపించిన హెయిర్ స్టయిలిస్ట్ రోహిత్ భత్కర్ ను .. ఈ పోస్ట్ కు ట్యాగ్ చేశారు. గతవారం కూడా
రోహిత్ భత్కర్ తీసిన కశ్మీర్ లోని కొన్ని అందమైన ఫోటోలను సమంత షేర్ చేశారు. వాటికి సోన్ మార్గ్ ప్రాంతాన్నీ జియో ట్యాగింగ్ చేశారు. “నా మనసంతా సదా కశ్మీర్ లోనే ఉంటుంది. దాన్ని గుర్తు చేసుకునప్పుడల్లా ఆనందం ఉప్పొంగుతుంది” అని ఆ పోస్ట్ తో పాటు సమంత కామెంట్ చేశారు. సమంత స్నేహితురాలు చిన్మయి శ్రీపాద దీనికి స్పందిస్తూ.. ” స్టన్నింగ్” అని వ్యాఖ్యానించారు. అన్నట్టు ఖుషీ సినిమాలో హీరోయిన్ గా సమంత, హీరోగా విజయ్ దేవరకొండ నటిస్తున్నారు.
ఇది డిసెంబరు 23న తెలుగు, తమిళ, కన్నడ, మలయాళం భాషల్లో ప్రపంచ వ్యాప్తంగా విడుదల కానుంది. ఈ మూవీకి సంబంధించిన పోస్టర్ వీడియో ను సమంత, విజయ్ ఇద్దరూ ఇన్ స్టాగ్రామ్ వేదిక గా షేర్ చేశారు. సమంత రాబోయే సినిమాల జాబితాలో శాకుంతలం, యశోద ఉన్నాయి. ఇటీవల సమంత, నయన తార నటించిన ” కాటు వాకుల రెండూ కాడల్” సినిమా కు మంచి జనాదరణ లభించింది.
View this post on Instagram
