Money Tips : ఎంత సంపాదించినా చేతిలో డబ్బు ఉండడం లేదా? అప్పుల ఊబిలో మునిగిపోతున్నారా? ఇదిగో జ్యోతిష్య నిపుణుల సూచనలు!

Money Tips : ఈ కాలంలో ఎంతో సంపాదించిన నెల చివరకి డబ్బు మిగలకపోవడమూ అనేది సాధారణ సంఘటనే అయింది. ఖర్చులు తగ్గించాలంటే సాధ్యపడడం లేదు, ఆదాయం పెరుగుతున్నా అప్పులు మాత్రం తగ్గట్లేదు. అలా జీవితానికి గమ్యం తెలియక తడబడుతున్నవారికోసం జ్యోతిష్య శాస్త్రం కొన్ని విలువైన సూచనలు చేస్తోంది.

మంగళవారం – అప్పులను తీర్చే పవిత్ర దినం

జ్యోతిష్య నిపుణుల అభిప్రాయం ప్రకారం, మంగళవారం రోజున అప్పు తీర్చడం ఎంతో శుభప్రదం. ఈ రోజు అప్పు చెల్లిస్తే త్వరలోనే ఆర్థిక భారం నుంచి విముక్తి లభిస్తుంది అని వారు అంటున్నారు. ఇది కేవలం విశ్వాసం మాత్రమే కాదు, అనేక మందికి జీవితంలో మార్పులు తీసుకొచ్చిన ఆచరణాత్మక విధానం కూడా. ప్రతి మంగళవారం అయినా కొంత అప్పు తీర్చడం వల్ల క్రమంగా అప్పులు తగ్గుతాయని నమ్మకం ఉంది. అయితే, అదే రోజున ఎవరికైనా అప్పు ఇవ్వకూడదు అని స్పష్టంగా హెచ్చరిస్తున్నారు పండితులు.

శుక్రవారం – లక్ష్మీదేవిని ప్రసన్నం చేసుకునే రోజు

శుక్రవారం రోజు శ్రీ మహాలక్ష్మికి ప్రత్యేకంగా అంకితం చేయబడినది. ఈ రోజు కొన్ని ఆచారాలను పాటిస్తే సిరి సంపదలు ఇంట్లోకి వస్తాయని చెబుతున్నారు:
.శుక్రవారం తల స్నానం చేయొచ్చు, కానీ తలకు తైలాభ్యంగం చేయరాదు.
.స్త్రీలు ముఖానికి పసుపు రాసుకోవడం వల్ల సౌభాగ్యం పెరుగుతుందంటారు.
.బంగారు గాజులు లేకపోతే మట్టిగాజులు ధరించాలి. ప్లాస్టిక్ గాజులకు దూరంగా ఉండాలి.
.ముఖ్యంగా వివాహితలు ఈ నియమాలను పాటిస్తే లక్ష్మీ కటాక్షం లభిస్తుంది.

ఇంటిలో శుభాన్ని తేవాలంటే…

.శుక్రవారం రోజు జుట్టు విరబోసుకుని తిరగకూడదు. ఇది ఇంట్లో నెగెటివ్ శక్తిని ఆహ్వానించడమేనని పెద్దలు చెబుతారు.
.పేలు చూసుకోవడం, జుట్టు గంతలు తీసుకోవడం వంటి కార్యక్రమాలు శుక్రవారం తగదు.
.ఈ రోజున పాలు, పెరుగు, చింతపండు, ఉప్పు వంటి పదార్థాలను ఇతరులకు ఇవ్వరాదు. ఇవి లక్ష్మీదేవికి ప్రతీకలుగా భావించబడతాయి.

అబద్ధాలు, అపశుభ మాటలకు దూరంగా ఉండండి

ఇంటి గృహిణి అంటే ఆ ఇంటి లక్ష్మీ సమానమే. అలాంటి వ్యక్తి అబద్ధాలు మాట్లాడితే లేదా అపవిత్రమైన మాటలు మాట్లాడితే ఆ ఇంటికి నష్టం చేకూరుతుందన్నది నమ్మకం. ఇంటిని శుభ్రంగా, పూజార్హంగా ఉంచితేనే లక్ష్మీదేవి కటాక్షిస్తారని విశ్వాసం.

గమనిక: ఇవన్నీ జ్యోతిష్య శాస్త్రం మరియు ఆధ్యాత్మిక వాంగ్మయాన్ని ఆధారంగా చేసుకొని చెప్పబడిన సూచనలు మాత్రమే. వాటిని పాటించాలా వద్దా అన్నది పూర్తిగా వ్యక్తిగత నిర్ణయం. విశ్వాసం ఉంటే ఫలితం కనపడుతుంది అనే అభిప్రాయం ఉన్నవారికీ ఇది ఉపయోగపడే సమాచారం.

Read Also: Chevireddy Bhaskar Reddy : ఛాతీ నొప్పితో విజయవాడ ఆసుపత్రికి చెవిరెడ్డి