HashtagU Telugu
Telugu
  • English
  • हिंदी
  • వార్తలు
  • తెలంగాణ
  • ఆంధ్రప్రదేశ్
  • జాతీయం
  • సౌత్
  • సినిమా
  • ట్రెండింగ్
  • స్పెషల్
  • ఆఫ్ బీట్
Telugu
  • English
  • हिंदी
Hashtagu Logo
  • వార్తలు
  • తెలంగాణ
  • ఆంధ్రప్రదేశ్
  • జాతీయం
  • సౌత్
  • సినిమా
  • ట్రెండింగ్
  • ఫోటో గ్యాలరీ
  • స్పీడ్ న్యూస్
  • హెల్త్
  • లైఫ్ స్టైల్
  • ఆధ్యాత్మికం
  • ఆఫ్ బీట్
  • Trending
  • # IPL 2025
  • # Revanth Reddy
  • # KTR
  • # PM Modi
  • # ChandrababuNaidu
  • # JaganMohanReddy

  • Telugu News
  • >Life Style
  • >How To Get A Credit Card For The First Time What Do You Want

Credit Card: మొదటిసారి క్రెడిట్‌ కార్డు పొందడం ఎలా?

ముఖ్యంగా మొదటిసారి అనుకూలమైన నిబంధనలు, షరతులతో మంచి క్రెడిట్‌ పరిమితితో, మెరుగైన కార్డును పొందడం కొంచెం కష్టమే.

  • By Maheswara Rao Nadella Published Date - 10:00 AM, Sat - 3 December 22
  • daily-hunt
Credit Card

ముఖ్యంగా మొదటిసారి అనుకూలమైన నిబంధనలు, షరతులతో మంచి క్రెడిట్‌ పరిమితితో, మెరుగైన కార్డును పొందడం కొంచెం కష్టమే. కార్డు జారీకి అధిక క్రెడిట్‌ స్కోరు అవసరం. మునుపటి క్రెడిట్‌ చరిత్ర లేకుండా మంచి క్రెడిట్‌ స్కోరు ఉండదు. అందుచేత ముందుగా తక్కువ మొత్తంలో ఛార్జీలు ఉండే, తక్కువ ప్రయోజనాలు లభించే కార్డును తీసుకోవడం ఉత్తమం. ఈ కార్డును ఉపయోగిస్తూ గడువు తేదీలోపు బకాయిలు తీరుస్తుంటే ఆటోమేటిక్‌గా క్రెడిట్‌ స్కోరు పెరుగుతుంది. ఈ క్రెడిట్‌ స్కోరుతో మార్కెట్లో అందుబాటులో ఉండే మెరుగైన కార్డును పొందొచ్చు.

మెరుగైన క్రెడిట్‌ స్కోరుతో ప్రయోజనాలు:

ఒకసారి క్రెడిట్‌ కార్డు పొందిన తర్వాత గడువు తేదీలోపు చెల్లింపులు ఉంటే.. క్రెడిట్‌ స్కోరు బాగా మెరుగవుతుంది. దీంతో అదనపు సౌకర్యాలు, ప్రయోజనాలు కలిగిన వేరే క్రెడిట్ కార్డులను కూడా పొందొచ్చు. ఆ తర్వాత యాడ్‌-ఆన్‌ కార్డులను కూడా పొందొచ్చు. వ్యక్తిగత రుణాలు లభిస్తాయి. ముఖ్యంగా అతిపెద్ద రుణమైన గృహ రుణాన్ని తక్కువ వడ్డీ రేటుకే పొందవచ్చు.

దరఖాస్తు ఎలా చేయాలి?

మీరు కార్డును పొందాలనుకునే బ్యాంకు సమీప బ్రాంచ్‌ను సందర్శించి క్రెడిట్‌ కార్డు ప్రతినిధిని కలిసి మీ ఆదాయం, అవసరాల వివరాలు తెలపండి. బ్యాంకు ప్రతినిధి వివిధ క్రెడిట్‌ కార్డుల సమాచారం మీకు చెబుతారు. మొదటిసారి కార్డును కావాలనుకునేవారు అందులో తక్కువ వార్షిక ఫీజు (లేదా ఫీజు లేని) గల కార్డును ఎంపిక చేసుకోవడం మంచిది. అవసరమైన పత్రాలు (ముఖ్యంగా బ్యాంకు స్టేట్‌మెంట్‌, పాన్‌)లతో పాటు కార్డు దరఖాస్తు ఫారంను పూర్తిచేసి వారికి సమర్పించండి. దరఖాస్తు, ఇతర పత్రాలతో బ్యాంకు సంతృప్తి చెందితే, కార్డు మంజూరవుతుంది. ఇంకా సులభంగా కార్డును పొందడానికి, మీరు బ్యాంకు వెబ్‌సైట్‌ను సందర్శించి, ఆఫర్‌లో ఉన్న వివిధ క్రెడిట్‌ కార్డ్‌ల ఫీచర్‌లను ఛార్జీలతో పోల్చి, ఆన్‌లైన్‌లో దరఖాస్తు చేసుకోవచ్చు.

అర్హతలు

వయసు: ఆన్‌లైన్‌, ఆఫ్‌లైన్‌ దరఖాస్తు ప్రాసెస్‌ కోసం అవసరమైన పత్రాలు, అర్హతలు ఒకే విధంగా ఉంటాయి. క్రెడిట్‌ కార్డుకు అర్హత పొందడానికి దరఖాస్తుదారు వయసు కనీసం 18 ఏళ్లు నిండి ఉండాలి. చాలా సందర్భాల్లో యాడ్‌-ఆన్‌ కార్డు పొందడానికి కనీసం 15 ఏళ్లు నిండాలి.

నివాసం: భారత పౌరులు కొత్త క్రెడిట్‌ కార్డు పొందడానికి అర్హులు. ప్రవాస భారతీయులు (NRI) నిర్దిష్ట క్రెడిట్‌ కార్డుల కోసం దరఖాస్తు చేసుకోవడానికి అనుమతి ఉంటుంది.

ఆదాయం: దరఖాస్తుదారుడు స్థిరమైన ఆదాయాన్ని కలిగి ఉండాలి. అది జీతం లేదా వృత్తిపరమైన ఆదాయం కావచ్చు. క్రెడిట్‌ కార్డు జారీ సంస్థలు కనీసం రూ.2 లక్షల వార్షిక ఆదాయాన్ని ఆశిస్తున్నాయి. కార్డు కేటగిరీని బట్టి ఆదాయాన్ని లెక్కలోకి తీసుకుంటారు. అయితే, ఆదాయన్ని బట్టి కార్డు మంజూరు అనేది క్రెడిట్‌ కార్డు జారీ సంస్థలపై ఆధారపడి ఉంటుంది. క్రెడిట్‌ స్కోరు లేనివారికి, క్రెడిట్‌ కార్డును జారీ చేయడానికి వారి ప్రస్తుత ఆదాయ స్థాయిని పరిగణనలోకి తీసుకుంటారు.

గుర్తింపు రుజువు: పాస్‌పోర్ట్‌, పాన్‌ కార్డు, ఓటర్‌ ఐడీ, ఆధార్‌ కార్డు, డ్రైవింగ్‌ లైసెన్స్‌ ఏదైనా ఒక పత్రాన్ని గుర్తింపు రుజువుగా సమర్పించొచ్చు.

చిరునామా రుజువు: పాస్‌పోర్ట్‌, ఓటరు ఐడీ, ఆధార్‌ కార్డు, డ్రైవింగ్‌ లైసెన్స్‌, రేషన్‌ కార్డు, ఆస్తి పత్రాలు, లీజు/అద్దె ఒప్పందం, గత 3 నెలల యుటిలిటీ బిల్లులు ఏదో ఒకటి సమర్పించాలి.

ఆదాయ రుజువు: ఆదాయపు పన్ను రిటర్న్స్‌, గత 3 నెలల జీతం స్లిప్‌లు, ఉద్యోగ నియామక పత్రం అవసరం పడతాయి.


Follow us
HashtagU Telugu Google News HashtagU Telugu Facebook twitter-icon instagram whatsapp telugu-hashtagu

Tags

  • credit
  • Credit Care
  • finance
  • First Time
  • Life Style
  • money

Related News

Zodiac Signs

Zodiac Signs: ఈ రాశుల వారు చిన్న వయస్సులోనే ధనవంతులు అవుతారు!!

మకర రాశి వారు సహజంగానే కష్టపడి పనిచేస్తారు. వీరు తమ ఆర్థిక లక్ష్యాలను స్పష్టంగా నిర్దేశించుకుని, వాటిని సాధించడానికి ప్రణాళికలు వేసుకుంటారు. దీని ఫలితంగా వీరు చిన్న వయస్సులోనే చాలా డబ్బు సంపాదిస్తారు.

    Latest News

    • Lunar Eclipse : రేపు తిరుమల శ్రీవారి ఆలయం మూసివేత

    • Pushpa 3 : సైమా వేదిక గా పుష్ప-3 అప్డేట్ ఇచ్చిన సుకుమార్

    • Drugs : హైదరాబాద్లో డ్రగ్స్ తయారీ ఫ్యాక్టరీ గుట్టు రట్టు

    • CM Revanth Reddy : నిమజ్జనంలో సడన్ ఎంట్రీ ఇచ్చిన సీఎం రేవంత్ రెడ్డి

    • Maharashtra : శృంగారానికి ఒప్పుకోలేదని కాబోయే భార్యను రేప్ చేసి హతమార్చాడు

    Trending News

      • Chandra Grahan 2025 : 7న సంపూర్ణ చంద్రగ్రహణం..జ్యోతిష్య ప్రభావంతో ఏ రాశులకు శుభం? ఏ రాశులకు అశుభం?..!

      • Yograj Singh: ధోనితో సహా చాలా మంది ఆటగాళ్లు వెన్నుపోటు పొడిచారు: యువ‌రాజ్ తండ్రి

      • Sara Tendulkar: సచిన్ కుమార్తె సారా టెండూల్కర్‌కు నిజంగానే ఎంగేజ్‌మెంట్ జ‌రిగిందా?

      • IPL Tickets: క్రికెట్ అభిమానులకు తీపి, చేదు వార్త.. ఐపీఎల్‌పై జీఎస్టీ పెంపు, టికెట్లపై తగ్గింపు!

      • New GST: జీఎస్టీలో కీల‌క మార్పులు.. రూ. 48,000 కోట్లు న‌ష్టం?!

    HashtagU Telugu
    • Contact Us
    • About Us
    • Privacy & Cookies Notice
    Category
    • Telangana News
    • Andhra Pradesh News
    • National News
    • South
    • Entertainment News
    • Trending News
    • Special News
    • Off Beat
    • Business News
    Trending News
    • Health Tips
    • Movie Reviews
    • 2024 Olympics
    • Life Style
    • Nara Lokesh
    • Nara Chandrababu Naidu
    • Revanth Reddy
    • kcr

    follow us

    • Copyright © 2025 Hashtag U. All rights reserved.
    • Powered by Veegam Software Pvt Ltd