Green Mango : ప్రాణాంతక వ్యాధిని దూరంచేసే పచ్చిమామిడి.. ఇంకా ఆరోగ్య ప్రయోజనాలెన్నో

Mango

వేసవి(Summer) వచ్చిందంటే అందరికీ గుర్తొచ్చేది మామిడి కాయలు. వేసవి ప్రత్యేకం మామిడి పండ్లు(Mangos). ఈ వేసవిలో వచ్చే పచ్చి మామిడిపండ్లు వేసవి తాపాన్ని తట్టుకునేందుకు ఒక ఔషధంలా పనిచేస్తాయి. పచ్చిమామిడి కాయలతో తయారు చేసిన పానీయాన్ని వేసవికాలంలో తాగడం వల్ల అనేక ప్రయోజనాలు ఉన్నాయి. ఎండలో వడదెబ్బ(Sun Stroke) తగలకుండా పచ్చిమామిడిలో ఉండే విటమిన్ సి(Vitamin C) రక్షిస్తుంది. శరీరంలో రోగనిరోధక శక్తిని పెంచి సీజనల్ వ్యాధులతో పోరాడేందుకు సహాయపడుతుంది. అలాగే ఇందులో కేలరీలు తక్కువగా ఉంటాయి కాబట్టి జీవక్రియను ప్రోత్సహించి బరువును తగ్గించడంలో సహాయపడుతుంది.

వేసవిలో పచ్చిమామిడి తినడం వల్ల షుగర్ లెవల్స్ కంట్రోల్ లో ఉంటాయి. ఇతర పండ్లతో పోలిస్తే పచ్చిమామిడిలో సహజ చక్కెర స్థాయి తక్కువగా ఉంటుంది. షుగర్ పేషంట్స్ కు పచ్చిమామిడి ఔషధంలా పనిచేస్తుందనడంలో సందేహం లేదు. రక్తంలో చక్కెర స్థాయిని అదుపులో ఉంచుతుంది.

అలాగే.. పచ్చిమామిడి రోగనిరోధక శక్తిని పెంచడంలో సహాయపడుతుంది. ఒక కప్పు పచ్చి మామిడి రసం మొత్తం రోజువారీ విటమిన్ ఎ లో 10 శాతం అందిస్తుందని కొన్ని అధ్యయనాలు చెబుతున్నాయి. ఇందులో విటమిన్ సి కూడా పుష్కలంగా లభిస్తుంది. పొటాషియం, మెగ్నీషియం వంటి ముఖ్యమైన పోషకాలు కూడా ఉంటాయి. ఇవి గుండె ఆరోగ్యాన్ని కాపాడటంలో, రక్తప్రవాహాన్నిసక్రమంగా నిర్వహించడంలో సహాయపడుతాయి.

పచ్చిమామిడిలో ఉండే పొటాషియం, మెగ్నీషియం రక్తపోటు(బీపీ) సమస్యను కూడా తగ్గిస్తాయి. ఇందులో ఉండే మాంగిఫెరిన్ సూపర్ యాంటీ ఆక్సిడెంట్ గా పనిచేస్తుంది. పచ్చి మామిడిపండ్లు రక్తంలో ఉండే కొలెస్ట్రాల్, ట్రైగ్లిజరైడ్స్, ఫ్రీ ఫ్యాటీ యాసిడ్స్ స్థాయిని తగ్గించడంలో కూడా సహాయపడతాయి. వీటితో పాటు పచ్చిమామిడిలో ఉండే పాలీ ఫెనాల్స్ క్యాన్సర్ వంటి ప్రమాదకరమైన వ్యాధులతో పోరాడుతుంది. యాంటీ కార్సినోజెనిక్ ఆక్సీకరణ ఒత్తిడికి వ్యతిరేకంగా పనిచేస్తాయి. నిపుణులు చెప్పిన దానిప్రకారం.. పచ్చిమామిడిలో లభించే పాలీఫెనాల్స్ .. లుకేమియా, పెద్దప్రేగు, ఊపిరితిత్తులు, ప్రోస్టేట్, రొమ్ము క్యాన్సర్ వంటి వివిధ క్యాన్సర్ కణాలు పుట్టకుండా నిరోధిస్తాయి. అందుకే వేసవిలో కచ్చితంగా మామిడి కాయలని ఏదో ఒక రూపంలో ఆహారంగా తీసుకోవాలి.

Also Read :   Lemon Juice: ప్రతిరోజు నిమ్మరసం తాగుతున్నారా.. అయితే ఏం జరుగుతుందో తెలుసా?

Follow us