Milk At Bedtime: నిద్రపోయే ముందు పాలు తాగుతున్నారా ? అయితే తస్మాత్ జాగ్రత్త!!

పాల (Milk)లో ప్రోటీన్, కాల్షియం సమృద్ధిగా ఉంటాయి. వీటితో పాటు విటమిన్ ఎ, బి2, బి12 కూడా ఉంటాయి. ఇవి ఆరోగ్యానికి చాలా ఉపయోగకరంగా పరిగణించబడతాయి.కానీ కొందరు పాలు (Milk) తాగిన తర్వాత అనేక సమస్యలను ఎదుర్కొంటుంటారు. కొందరి బాడీకి పాలలోని లాక్టోస్ ప్రతికూలంగా పరినమిస్తుంది. లాక్టోస్ అనేది పాల ఉత్పత్తులలో ఉండే ప్రధాన సమ్మేళనం. లాక్టోస్ ప్రతికూలత అనేది ఒక రకమైన జీర్ణ రుగ్మత.

నిద్రపోయే ముందు గోరువెచ్చని పాలు తాగడం వల్ల మంచి నిద్ర వస్తుంది అని చెబుతారు. అయితే రాత్రి పడుకునే ముందు పాలు అస్సలు తినకూడదని ఆరోగ్య నిపుణులు అభిప్రాయ పడుతున్నారు. ” 30 ఏళ్లు పైబడిన వారిలో క్రమంగా లాక్టేజ్ ఎంజైమ్ లోటు ఏర్పడుతుంది. దీని కారణంగా వారి శరీరం పాలను జీర్ణం చేయలేకపోతుంది” అని కాలిఫోర్నియాకు చెందిన గ్యాస్ట్రోఎంటరాలజిస్ట్ డాక్టర్ పళనియప్పన్ మాణికం విశ్లేషించారు. “లాక్టేజ్ ఎంజైమ్ మన చిన్న ప్రేగులలో ఉంటుంది. ఇది పాలలో ఉండే లాక్టోస్‌ను గ్లూకోజ్ మరియు గెలాక్టోస్ వంటి చిన్న అణువులుగా విభజించే పనిచేస్తుంది.

తద్వారా దానిని సులభంగా గ్రహించవచ్చు. 30 సంవత్సరాల వయస్సులో, మన చిన్న ప్రేగులలో లాక్టేజ్ ఎంజైమ్ ఉత్పత్తి గణనీయంగా తగ్గుతుంది. లాక్టేజ్ ఎంజైమ్ లేకుండా, పాలు నేరుగా పెద్ద ప్రేగులలోకి వెళతాయి. అందులో ఉండే బ్యాక్టీరియా అజీర్తి సమస్యను ఎదుర్కోవలసి ఉంటుంది. ఇది మీ బొడ్డు కొవ్వును ప్రభావితం చేస్తుంది. అందుకే ప్రజలు నిద్రపోయే ముందు పాలు తీసుకోకూడదని చెబుతుంటారు.” అని డాక్టర్ పళనియప్పన్ మాణికం వివరించారు.” నిద్రపోయే ముందు పాలు తీసుకోవడం వల్ల మీ ఇన్సులిన్ స్థాయి పెరుగుతుంది. మీరు రాత్రి పాలు తాగాలనుకుంటే.. నిద్రపోయే 2 నుండి 3 గంటల ముందు అన్నము తినడానికి ప్రయత్నించండి” అని సూచించారు.  ఒకవేళ పాలు మీకు అలెర్జీ కానట్లయితే.. మీరు నిద్రవేళకు కొన్ని గంటల ముందే పాలు తాగొచ్చు.