Summer vacation: ఇండియాలో బెస్ట్ వేసవి హాలిడే స్పాట్స్

New Web Story Copy (80)

Summer vacation: వేసవి వస్తే ఎక్కడికెళదామా అనుకుంటారు ప్రకృతి ప్రేమికులు. వేసవి తాపం నుండి బయపడేందుకు చల్లటి ప్రదేశాలను సందర్శిస్తుంటారు. కాలుష్యం లేని సరికొత్త ప్రపంచాన్ని చూడాలని అనుకుంటున్నారు. బడ్జెట్ ని పర్ఫెక్ట్ గా ప్లాన్ చేసుకుని, తక్కువ బడ్జెట్ లో ఎన్నో ప్రదేశాలను చుట్టేయొచ్చు. అలాంటి వారు మేఘాలయకు బయల్దేరాల్సిందే. పచ్చని కొండకోనలు, జలాశయాలు, సెలయేళ్లు ఇలా.. ఎన్నో ప్రకృతి సోయగాలు.. మిమ్మల్ని మైమరపిస్తాయి. మీరు ప్రకృతి ప్రేమికులైతే, వేసవిని ప్రకృతి ఒడిలో గడపాలని కోరుకుంటే చిరపుంజి బెటర్ ఆప్షన్. మేఘాలయ రాష్ట్రంలో ఉన్న ఈ నగరం తన అందంతో ప్రజల హృదయాలను గెలుచుకుంటుంది. అన్ని వైపుల నుండి పచ్చదనంతో నిండి ఉన్న ఈ నగరం బంగ్లాదేశ్ సరిహద్దుకు ఆనుకుని ఉంటుంది. అక్కడి ప్రజలకు సమ్మర్ కష్టమే తెలియదు. ఏప్రిల్, మే మాసంలో మాత్రమే సూర్యుడు కనిపిస్తాడు. అది కూడా ఆహ్లాదంతో నిండి ఉంటుంది.

మనాలి వేసవిలో సందర్శించడానికి మంచి మార్గం. ముందుగా మనాలి గురించి తెలుసుకోవాలి. చాలా మంది కులు మనాలి అంటే ఒక ఊరే అనుకుంటారు. కానీ కులు మనాలి అనేది రెండు వేర్వేరు ఊరి పేర్లు. ఈ రెండు ఊర్లు ఒకదానికొకటి 45 కిలోమీటర్ల దూరంలో ఉంటాయి. హిమాలయ పర్వత ప్రాంతంలో విస్తరించిన ఈ రెండు ప్రదేశాలు … తెల్లని మంచు దుప్పటి కప్పుకొని దేశ, విదేశీ పర్యాటకులను ఆకట్టుకుంటాయి. ఈ నగరం దేశంలోనే కాకుండా విదేశాలలో కూడా ప్రసిద్ధి చెందింది. ప్రతి సంవత్సరం ఇక్కడ సందర్శించేందుకు పెద్ద సంఖ్యలో పర్యాటకులు వస్తుంటారు. ఇక్కడ మీరు అందమైన జలపాతాలు మరియు అందమైన లోయలను చూడవచ్చు. ఇది కాకుండా, మీరు ఇక్కడ పారాచూటింగ్, పారాగ్లైడింగ్ వంటి సాహసాలను కూడా ఆస్వాదించవచ్చు.

డార్జిలింగ్ మేలో సందర్శించడానికి సరైన ప్రదేశం. మీరు ఇక్కడ టీ తోటలు, పర్వతాలు మరియు అందమైన రైలు మార్గాన్ని ఆస్వాదించవచ్చు. ఈ నగరం దేశ మరియు విదేశాల నుండి ప్రజలను ఆకర్షిస్తుంది. మీరు సమ్మర్ ట్రిప్ కు ఇక్కడికి వస్తే ఖచ్చితంగా ఇక్కడ ఉన్న బార్బాటియా రాక్ గార్డెన్‌ని సందర్శించాల్సిందే.

భారతదేశంలోని ప్రధాన పర్యాటక ప్రదేశాలలో ఊటీ కూడా ఒకటి. ఈ నగరం కాఫీ మరియు టీ తోటలకు ప్రపంచవ్యాప్తంగా ప్రసిద్ధి చెందింది. ఇది కాకుండా ఇక్కడ ఉన్న అందమైన పర్వతాలు మరియు ఇక్కడ చల్లని గాలి మిమ్మల్ని మైమరిపిస్తోంది. అలాగే నైనిటాల్ బెస్ట్ హాలిడే స్పాట్ .ఇక్కడ వాతావరణం చాలా ఆహ్లాదకరంగా ఉంటుంది. మీరు ఈ సెలవుల్లో నైనిటాల్‌ను సందర్శించాలని ప్లాన్ చేస్తుంటే, మీరు నైని లేక్, మాల్ రోడ్, స్నో వ్యూ పాయింట్ మరియు బొటానికల్ గార్డెన్‌లను సందర్శించవచ్చు.

ప్రకృతి అందాలకు ప్రసిద్ధి చెందిన హిమాచల్ ప్రదేశ్‌ని సందర్శించడానికి అనేక ప్రదేశాలు ఉన్నాయి. వీటిలో ఒకటి హరిపూర్ధర్. ఇది రాష్ట్రంలోని చాలా అందమైన నగరం. చల్లని గాలి మరియు పచ్చదనం మధ్య మీరు ఇక్కడ మధుర క్షణాలను గడపవచ్చు. మే నెలలో ఇక్కడి వాతావరణం అద్భుతంగా ఉంటుంది.

Read More: Summer Care: సమ్మర్ లో స్విమ్మింగ్ చేస్తున్నారా.. అయితే వీటితో జర జాగ్రత్త!

Follow us