Ankle Pain: చీలమండల నొప్పా.. అయితే ఇలా చేయండి..!
చీలమండ నొప్పిని ఇంగ్లిష్‌లో యాంకిల్ పెయిన్ అంటారు.
- By Gopichand Published Date - 08:15 AM, Sat - 12 November 22
చీలమండ నొప్పిని ఇంగ్లిష్‌లో యాంకిల్ పెయిన్ అంటారు. కాలి మడమ పైభాగంలో ఒకవైపు లేదా రెండు వైపులా ఈ నొప్పి రావచ్చు. అయితే ఈ యాంకిల్ పెయిన్ కు గల కారణాలు, నొప్పి తగ్గకపోతే తీసుకోవాల్సిన జాగ్రత్తల గురుంచి ఇప్పుడు తెలుసుకుందాం..!
కారణాలు
– వాతరోగం (గౌట్): చీలమండ నొప్పికి గౌట్ అనే ఒక రకం కీళ్లవాతం కారణం కావచ్చు.
– సూడో గౌట్: కొందరిలో కీళ్ల వద్ద క్యాల్షియమ్ ఎక్కువగా పేరుకుపోయి.. వాపు, నొప్పి రావచ్చు.
– ఆస్టియో ఆర్థరైటిస్: ఇది సాధారణంగా నలభై ఏళ్లు పైబడినవారికి రావచ్చు. ఈ రుగ్మత ఉన్నవారిలో ఎముకలు క్రమంగా క్షీణించి బలహీనంగా మారతాయి. దాంతో నొప్పి రావచ్చు.
– సోరియాటిక్ ఆర్థరైటిస్: ఇది ఒకరకం చర్మవ్యాధి. ఇది ఎముకలు, కీళ్లకు సోకే అవకాశం ఎక్కువ.
– రుమటాయిడ్ ఆర్థరైటిస్: ఇది కీళ్లు వాచడం వల్ల వచ్చే వ్యాధి. ఇందులో సాధారణంగా వేళ్ల ఎముకలు, మణికట్లు, మోకాళ్ల ఎముకలతో పాటు చీలమండ ఎముకలు కూడా ప్రభావితం అవుతాయి
– సెప్టిక్ ఆర్థరైటిస్: ఇది బ్యాక్టీరియల్ ఇన్ఫెక్షన్ వల్ల వస్తుంది లిగమెంట్లు గాయపడటం వల్ల కూడా కొందరిలో నొప్పి రావచ్చు. సాధారణంగా దెబ్బ తగిలి గాయం అయినప్పుడు, కీళ్లు మడతపడటం వల్ల లిగమెంట్లు చిరిగి నొప్పి రావచ్చు కండరాలను, ఎముకను కలిపే టెండన్లు దెబ్బతినడం వల్ల కూడా నొప్పి వస్తుంది కొన్నిసార్లు మోకాళ్లు, నడుము, పాదాలకు సంబంధించిన సమస్యలతో చీలమండలో నొప్పి వస్తుంది.
నొప్పి తగ్గకపోతే తీసుకోవాల్సిన జాగ్రత్తలు: స్థూలకాయం ఉన్నవారు బరువు తగ్గించుకోవాలి సరైన పాదరక్షలు ధరించాలి. హైహీల్స్ వంటివి వేసుకోవడం మంచిది కాదు నొప్పి ఉన్నప్పుడు కీళ్ల కదలికలను సాధ్యమైనంత వరకు తగ్గించాలి నడిచే సమయంలో మడమ వద్ద బరువు పడకుండా చూసుకోవాలి వాపు ఉంటే, పడుకున్నప్పుడు తలగడ వంటివి అమర్చి, కాలిని మిగతా శరీర భాగం కంటే కాస్త పైన ఉండేలా జాగ్రత్త తీసుకోవాలి.
డాక్టర్ తో సంప్రదింపులు: నొప్పి మరీ ఎక్కువగా ఉన్నప్పుడు ఎముక విరిగిందేమో అనే సందేహం ఉన్నప్పుడు వాపు ఎక్కువగా ఉన్నప్పుడు జ్వరం, నొప్పి, కీళ్లవాపు, కీళ్ల వద్ద ఉన్న చర్మం ఎర్రబడటం, నొప్పి ఉన్న ప్రదేశంలో వెచ్చగా ఉండటం వంటి లక్షణాలు కనిపిస్తే, ఇన్ఫెక్షన్ ఉందేమో అని అనుమానించాలి. అప్పుడు తప్పకుండా డాక్టర్‌ను సంప్రదించాలి.
చికిత్స: హోమియో వైద్య విధానంతో చీలమండ నొప్పికి ఎలాంటి సైడ్ ఎఫెక్ట్స్ లేకుండా చికిత్స చేసే అవకాశం ఉంది. మూలకారణాన్ని, జబ్బు తీవ్రతను, రోగి స్వభావాన్ని తెలుసుకుంటే మందు నిర్ధారణ తేలిగ్గా చేయవచ్చు.
