Viral Videos: గడ్డంలేని బాయ్‌ఫ్రెండ్స్ కావాలి.. కాలేజ్ అమ్మాయిల ర్యాలీ
- By Kode Mohan Sai Published Date - 12:55 PM, Sat - 19 October 24
ప్రస్తుతం యువత ఫ్యాషన్ విషయంలో కొత్త మార్పులు తీసుకురావడంలో సందిగ్ధంగా ఉంది. ట్రెండీ లుక్స్ కోసం వారు పాపులర్ ఫ్యాషన్‌ను అనుసరించడంలో ఉన్నారు. కాలంతో పాటు యువతలో ఫ్యాషన్ అభిరుచులు కూడా మారుతున్నాయి. కొందరు అబ్బాయిలు గడ్డం పెంచి ఫ్యాషన్ స్టేట్‌మెంట్‌గా కనిపిస్తుండగా, మరికొందరు క్లీన్ షేవ్‌పై ఆసక్తి చూపిస్తున్నారు. ఇక అమ్మాయిల విషయంలో, కొందరు క్లీన్ షేవ్‌లో ఉండే అబ్బాయిలను ఇష్టపడుతుండగా, మరికొందరు గడ్డంతో ఉన్న అబ్బాయిలకు ప్రాధాన్యం ఇస్తున్నారు.
ఇంతలో, ఇండోర్‌లో కొన్ని కాలేజీ యువతులు అబ్బాయిల గడ్డం గురించి ర్యాలీ నిర్వహించడం ఇప్పుడు అందరిని ఆశ్చర్యపరుస్తోంది. “మాకు గడ్డంలేని బాయ్‌ఫ్రెండ్స్ కావాలి” అంటూ యువతులు ఈ వినూత్న ర్యాలీకి శ్రీకారం చుట్టారు. ‘గడ్డం తొలిగించండి.. ప్రేమను కాపాడండి’ అనే నినాదంతో యువతులు ముఖాలకు గడ్డం మేకప్ వేసుకుని ర్యాలీ నిర్వహించారు.
వారు ప్రదర్శించిన ప్లకార్డులపై “నో క్లీన్ షేవ్.. నో లవ్”, “మాకు గడ్డంలేని బాయ్‌ఫ్రెండ్స్ కావాలి”, “నో క్లీన్ షేవ్.. నో గర్ల్‌ఫ్రెండ్” వంటి సందేశాలు కనిపించాయి. ఈ ర్యాలీకి సంబంధించిన వీడియో ఒక ‘ఎక్స్’ (ట్విట్టర్) యూజర్ పోస్ట్ చేయడంతో, అది సోషల్ మీడియాలో వైరల్ అవుతోంది. దీనిపై నెటిజన్లు తమదైన శైలిలో స్పందిస్తున్నారు.
“No clean shave No love”
“Beard hatao ya girlfriend bhul jao”
💀 pic.twitter.com/6xdz7RvnN2— SHAIKH (@UmArshaikh7379) October 18, 2024
“వారి డిమాండ్ సరిగ్గా ఉంది. వారానికి ఒకసారి క్లీన్ షేవ్ కాకున్నా, కనీసం ట్రిమ్ చేసుకోవడం మంచిది. అప్పుడు మనం జెంటిల్‌మెన్‌లాగా కనిపిస్తాం” అని ఒకరు వ్యాఖ్యానించారు.
“మా బాడీ మా ఇష్టం. వీళ్లు ఎంతో ఎక్కువ చేస్తున్నారు. విక్కీ కౌశల్ బాడీ స్ప్రే యాడ్‌లో గుబురు గడ్డంతో కనిపించడం ఈ ఆలోచనకు కారణమని అనుకుంటున్నాను” అని మరొకరు హాస్యంగా వ్యాఖ్యానించారు. “వారి గడ్డం, వారి ఇష్టం. మీకు ఎందుకు?” అని ఇంకొకరు చెప్పారు.
