TMC Leader Murdered: తృణమూల్ కాంగ్రెస్ నేత దారుణ హత్య
తృణమూల్ కాంగ్రెస్ ముర్షిదాబాద్ జిల్లా ప్రధాన కార్యదర్శి సత్యన్ చౌదరిని పట్టపగలే కాల్చి చంపారు దుండగులు. సత్యన్ చౌదరి ఒకప్పుడు రాష్ట్ర కాంగ్రెస్ అధ్యక్షుడు మరియు ప్రముఖ పార్టీ లోక్సభ సభ్యుడు అధీర్ రంజన్ చౌదరికి అత్యంత సన్నిహితుడు,
- Author : Praveen Aluthuru
Date : 08-01-2024 - 6:12 IST
Published By : Hashtagu Telugu Desk
TMC Leader Murdered: తృణమూల్ కాంగ్రెస్ ముర్షిదాబాద్ జిల్లా ప్రధాన కార్యదర్శి సత్యన్ చౌదరిని పట్టపగలే కాల్చి చంపారు దుండగులు. సత్యన్ చౌదరి ఒకప్పుడు రాష్ట్ర కాంగ్రెస్ అధ్యక్షుడు మరియు ప్రముఖ పార్టీ లోక్సభ సభ్యుడు అధీర్ రంజన్ చౌదరికి అత్యంత సన్నిహితుడు,
ఆదివారం మధ్యాహ్నం ముర్షిదాబాద్లోని భరత్పూర్లో నిర్మాణంలో ఉన్న భవనం ముందు తన సన్నిహితులతో కలిసి కూర్చుని ఉండగా సత్యన్ చౌదరి కాల్చి చంపబడ్డాడు. ప్రత్యక్ష సాక్షుల కథనం ప్రకారం అకస్మాత్తుగా ముగ్గురు దుండగులు రెండు మోటారు సైకిళ్లపై సంఘటనా స్థలానికి వచ్చి, పాయింట్ బ్లాంక్ నుండి చౌదరిపై కాల్పులు జరిపి అక్కడి నుండి పారిపోయారు. దీంతో అతను అక్కడిక్కడే కుప్పకూలిపోయాడు.
విపరీతంగా రక్తస్రావం అవుతున్న చౌదరిని ముర్షిదాబాద్ మెడికల్ కాలేజ్ & హాస్పిటల్కు తరలించారు, చికిత్స తీసుకుంటూ మరణించాడు. ఈ హత్య వెనుక అధికార పార్టీలో అంతర్గత కలహాలే కారణమని పరిణామం గురించి తెలిసిన వర్గాలు చెబుతున్నాయి. ఊహించినట్లుగానే ఈ హత్యపై రాజకీయ దుమారం చెలరేగింది. స్థానిక తృణమూల్ కాంగ్రెస్ నాయకుడు, బహరంపూర్ మున్సిపాలిటీ చైర్మన్ నరుగుపాల్ ముఖోపాధ్యాయ మాట్లాడుతూ ఈ హత్య కాంగ్రెస్, సీపీఎం రెండు పార్టీల మద్దతుతో ఉన్న స్థానిక గూండాలేనని చెప్పారు. రానున్న లోక్సభ ఎన్నికలకు ముందు ఆ ప్రాంతంలో ఉద్రిక్తత సృష్టించేందుకు ఉద్దేశపూర్వకంగానే ఈ హత్య జరిగిందని కొందరు భావిస్తున్నారు.
సీపీఐ, సిపిఎం ముర్షిదాబాద్ జిల్లా కార్యదర్శి జమీర్ మొల్లా ఆరోపణలను కొట్టిపారేశారు. రియల్ ఎస్టేట్ వ్యాపారంలో వాటాపై తృణమూల్ కాంగ్రెస్లో జరిగిన అంతర్గత తగాదా ఫలితంగా ఈ హత్య జరిగిందని అన్నారు. ముర్షిదాబాద్ జిల్లా సూపరింటెండెంట్ సూర్యప్రతాప్ యాదవ్ మాట్లాడుతూ పోలీసులు ఈ విషయంపై దర్యాప్తు ప్రారంభించారని, హత్య జరిగిన ప్రదేశంలోని సిసిటివి ఫుటేజీ నుండి హంతకుల గుర్తింపు కోసం ప్రయత్నాలు కొనసాగుతున్నాయని తెలిపారు.
Follow us
