Helmet : హెల్మెట్ ధరించి వచ్చి బంగారం గెలుచుకున్న మహిళలు

Helmet

Helmet : హెల్మెట్ ధరించి వాహనంపై ప్రయాణించే మహిళలకు అరుదైన గౌరవం దక్కింది. ఇది తమిళనాడు తంజావూరులో జరిగిన ఒక విశేష ఘటన. హెల్మెట్ ధరించి వచ్చిన మహిళలకు బంగారు నాణేలు, చీరలు కానుకగా ఇవ్వడం అందరినీ ఆశ్చర్యానికి గురిచేసింది. ఈ విశేష కార్యక్రమం ఆడిమాసం తొలి శుక్రవారం సందర్భంగా జరిగింది.

తంజావూరు పట్టణంలోని రాజా మిరాసుధార్ ఆసుపత్రి రోడ్డులో ట్రాఫిక్ పోలీసులు వాహన తనిఖీలు చేపట్టారు. అయితే జరిమానాలు విధించడం బదులు, ఈసారి వారు సృజనాత్మక పద్ధతిలో అవగాహన కల్పించడానికి ప్రయత్నించారు. హెల్మెట్ ధరించి వచ్చిన మహిళలను ఆపి, వారి జాగ్రత్తపైన ప్రశంసలు కురిపించారు. “నిబంధనలను పాటించడం మీ భద్రతకు ఎంత ముఖ్యమో అందరికీ చెప్పండి” అని మహిళలను కోరారు.

Bumrah: నాల్గ‌వ టెస్ట్‌కు బుమ్రా అందుబాటులో ఉంటాడా? కీల‌క అప్డేట్‌!

తంజావూర్ జ్యోతి ఫౌండేషన్ కార్యదర్శి ప్రభురాజ్ కుమార్ మరియు నగర ట్రాఫిక్ ఇన్స్పెక్టర్ రవిచంద్రన్, అమ్మవారి వేషధారణలో ఉన్న ఒక పాఠశాల విద్యార్థినితో కలిసి ఈ కార్యక్రమంలో పాల్గొన్నారు. హెల్మెట్ ధరించి వచ్చిన 50 మంది మహిళలకు అరగ్రాము బంగారు నాణెం మరియు చీర కానుకలుగా అందజేశారు. ఈ బహుమతిని అందుకున్న మహిళలు ఆనందంతో ఉప్పొంగిపోయారు.

అనూహ్యంగా లభించిన ఈ బహుమతులకు మహిళలు ఆశ్చర్యానికి లోనయ్యారు. కొందరు మహిళలు ఆనందంతో మాటలు రానివిధంగా అయ్యారు. ఈ వినూత్న అవగాహన కార్యక్రమంపై స్థానికులు, సోషల్ మీడియా వినియోగదారులు ప్రశంసలు కురిపిస్తున్నారు.

ప్రభురాజ్ కుమార్ మాట్లాడుతూ, “హెల్మెట్ ధరించడం ఎంత ముఖ్యమో ఈ కార్యక్రమం ద్వారా అందరికీ తెలియజేయాలనుకున్నాం. ఆడిమాసం తొలి శుక్రవారం ప్రత్యేకతను ఉపయోగించి ఈ అవగాహన కార్యక్రమం చేపట్టాం” అన్నారు. ఈ ఘటనకు సంబంధించిన వీడియో సోషల్ మీడియాలో వేగంగా వైరల్ అవుతోంది.

WCL : వరల్డ్ చాంపియన్‌షిప్ లెజెండ్స్‌లో భారత్-పాక్ మ్యాచ్ రద్దు

Follow us