ఏనుగుల గుంపును ఢీ కొన్న రైలు , ఏనుగులు మృతి

Elephants Killed As Rajdhan

• పట్టాలు దాటుతున్న ఏనుగుల గుంపును బలంగా ఢీకొన్న రాజధాని ఎక్స్‌ప్రెస్
• ఈ ప్రమాదంలో ఏడు ఏనుగులు మృతి , ఇంజిన్‌తో సహా 5 బోగీలు పట్టాలు తప్పాయి
• ఏనుగుల కదలికలు ఉన్న ప్రాంతాల్లో రైళ్లు వేగాన్ని తగ్గించాలని నిబంధనలు

Assam Train Accident : అస్సాంలోని హోజాయ్ జిల్లాలో జరిగిన ఘోర రైలు ప్రమాదం వన్యప్రాణుల రక్షణపై తీవ్ర ఆందోళన రేకెత్తిస్తోంది. సైరంగ్ నుండి ఢిల్లీకి బయలుదేరిన రాజధాని ఎక్స్‌ప్రెస్, పట్టాలు దాటుతున్న ఏనుగుల గుంపును బలంగా ఢీకొంది. ఈ ఘటనలో 8 ఏనుగులు అక్కడికక్కడే మృత్యువాత పడ్డాయని అటవీ శాఖ అధికారులు ధృవీకరించారు. ఏనుగుల గుంపు రైలు మార్గాన్ని దాటుతున్న సమయంలో వేగంగా వచ్చిన రాజధాని ఎక్స్‌ప్రెస్ వాటిని ఢీకొనడంతో ఈ ఘోరం జరిగింది. అస్సాం వంటి దట్టమైన అటవీ ప్రాంతాల్లో రైలు మార్గాలు ఏనుగుల సహజ ఆవాసాల గుండా వెళ్లడం వల్ల ఇలాంటి ప్రమాదాలు తరచూ చోటుచేసుకుంటున్నాయి.

Rajdhani Express Derails In

ఈ ప్రమాద తీవ్రతకు రాజధాని ఎక్స్‌ప్రెస్ ఇంజిన్‌తో సహా 5 బోగీలు పట్టాలు తప్పాయి. రైలు పట్టాలపై మరణించిన ఏనుగుల కళేబరాలు మరియు ఇంజిన్ దెబ్బతినడంతో ఆ మార్గంలో రైళ్ల రాకపోకలకు తీవ్ర అంతరాయం కలిగింది. అయితే, ఈ ప్రమాదంలో రైలు ప్రయాణికులకు ఎలాంటి ప్రాణనష్టం జరగకపోవడం, ఎవరికీ గాయాలు కాకపోవడంతో పెద్ద ప్రమాదమే తప్పిందని రైల్వే అధికారులు ఊపిరి పీల్చుకున్నారు. పట్టాలు తప్పిన బోగీల్లోని ప్రయాణికులను సురక్షిత ప్రాంతాలకు తరలించి, వారికి ప్రత్యామ్నాయ ప్రయాణ ఏర్పాట్లు చేసేందుకు రైల్వే యంత్రాంగం యుద్ధ ప్రాతిపదికన చర్యలు చేపట్టింది.

అటవీ మరియు రైల్వే అధికారులు ఈ ఘటనపై లోతైన విచారణ ప్రారంభించారు. సాధారణంగా ఏనుగుల కదలికలు ఉన్న ప్రాంతాల్లో రైళ్లు వేగాన్ని తగ్గించాలని నిబంధనలు ఉన్నప్పటికీ, ఈ ప్రమాదం ఎలా జరిగిందనే కోణంలో దర్యాప్తు చేస్తున్నారు. అటవీ శాఖ మరియు రైల్వే శాఖల మధ్య సమన్వయ లోపం వల్లనే ఇలాంటి మూగజీవాల మరణాలు సంభవిస్తున్నాయని పర్యావరణవేత్తలు ఆవేదన వ్యక్తం చేస్తున్నారు. ఏనుగుల కారిడార్లలో అండర్ పాస్‌లు లేదా ఓవర్ పాస్‌లు నిర్మించడం ద్వారా మాత్రమే భవిష్యత్తులో ఇలాంటి విచారకరమైన ఘటనలను నివారించవచ్చని నిపుణులు సూచిస్తున్నారు.

Follow us