RBI Governor : అమెరికా సుంకాలు పెంచినా.. భారతకు టెన్షన్ లేదు

Sanjay Malhotra

RBI Governor : అమెరికా టారిఫ్ పెంపు భారత్ ఆర్థికవ్యవస్థపై పెద్దగా ప్రభావం చూపదని రిజర్వ్ బ్యాంక్ ఆఫ్ ఇండియా (ఆర్బీఐ) గవర్నర్ సంజయ్ మల్హోత్రా స్పష్టం చేశారు. బుధవారం ద్రవ్య పరపతి విధానాన్ని ప్రకటించిన అనంతరం మీడియాతో మాట్లాడిన ఆయన, “ప్రస్తుతం అమెరికా టారిఫ్‌లపై ఉన్న అనిశ్చితి భారత ఆర్థిక వ్యవస్థను పెద్దగా ప్రభావితం చేసే అవకాశం లేదు. ఇది కూడా ప్రతిస్పందన టారిఫ్‌లు విధించే పరిస్థితి వచ్చినప్పుడే సాధ్యమవుతుంది. కానీ అటువంటి పరిస్థితి వస్తుందని మేము భావించడం లేదు,” అన్నారు.

Komatireddy Rajgopal Reddy : మరోసారి సీఎం రేవంత్ రెడ్డిపై ఎమ్మెల్యే రాజగోపాల్ రెడ్డి విమర్శలు

అమెరికా-భారత్ వాణిజ్య ఉద్రిక్తతలపై స్పందిస్తూ ఆయన, “ఇది సుహృద్భావ పరిష్కారంతో ముగుస్తుందని మేము ఆశిస్తున్నాం,” అని తెలిపారు. మల్హోత్రా మాట్లాడుతూ, “గ్లోబల్ అనిశ్చితులను పరిగణలోకి తీసుకుని ఆర్బీఐ ఇప్పటికే జీడీపీ వృద్ధి అంచనాను 6.7 శాతం నుంచి 6.5 శాతానికి తగ్గించింది,” అని తెలిపారు. అంతేకాకుండా దేశ విదేశీ మారక ద్రవ్య నిల్వలు 11 నెలల దిగుమతులను తీరుస్తాయనే నమ్మకం ఉందన్నారు. “బాహ్య రంగ అవసరాలను తీర్చగల సామర్థ్యం మనకు ఉంది,” అని ఆయన పేర్కొన్నారు.

రష్యా చమురు కొనుగోళ్లు తగ్గించినప్పుడు దేశీయ ద్రవ్యోల్బణంపై ప్రభావం ఉంటుందా అనే ప్రశ్నపై మల్హోత్రా స్పష్టం చేస్తూ, “మనమంతా రష్యా నుంచే కాకుండా అనేక దేశాల నుంచి చమురు కొనుగోలు చేస్తున్నాం. ఈ మిశ్రమంలో మార్పులు వస్తే వాటి ప్రభావం చమురు గ్లోబల్ ధరలపై ఆధారపడి ఉంటుంది. అలాగే ప్రభుత్వం ఎక్సైజ్ డ్యూటీలు, ఇతర సుంకాల ద్వారా ఎంతవరకు ధరల ప్రభావాన్ని తట్టుకుంటుందో కూడా కీలకం. ప్రస్తుతానికి ద్రవ్యోల్బణంపై పెద్దగా ప్రభావం ఉండదని మేము భావిస్తున్నాం. అవసరమైతే ప్రభుత్వం ఆర్థిక విధానపరంగా సరైన నిర్ణయాలు తీసుకుంటుంది,” అని అన్నారు.

ఆర్బీఐ డిప్యూటీ గవర్నర్ పూనమ్ గుప్తా మాట్లాడుతూ, “మన ద్రవ్యోల్బణ సూచీలో సగం వరకు ఆహార వస్తువులే ఉంటాయి. ఇవి గ్లోబల్ పరిణామాల ప్రభావానికి నేరుగా లోనవ్వవు. కాబట్టి ద్రవ్యోల్బణంపై ప్రభావం చాలా పరిమితంగానే ఉంటుంది,” అని చెప్పారు. ఈ వ్యాఖ్యలతో అమెరికా టారిఫ్‌ల పెంపు, రష్యా చమురు దిగుమతుల తగ్గింపు వంటి అంశాలు భారత ఆర్థికవ్యవస్థకు పెద్ద సవాలు కాదని ఆర్బీఐ స్పష్టంచేసింది.

Stock Market : ఆర్బీఐ విధాన నిర్ణయానికి ముందే మార్కెట్లు స్థిరంగా ప్రారంభం

Follow us