Blast: పంజాబ్ లో ఘోర ప్రమాదం.. గ్యాస్ ట్యాంకర్ పేలి ఏడుగురు మృతి

Blast: పంజాబ్ రాష్ట్రంలో ఘోర రోడ్డు ప్రమాదం చోటుచేసుకుంది. హోషియార్‌పూర్ జిల్లాలోని మండియాలా సమీపంలో శుక్రవారం రాత్రి ఈ ప్రమాదం సంభవించింది. ఓ ఎల్పీజీ గ్యాస్ ట్యాంకర్, ట్రక్కు ఢీకొనడంతో అక్కడ ఒక్కసారిగా భయానక పరిస్థితులు నెలకొన్నాయి. ఢీకొన్న వెంటనే ట్యాంకర్‌లో భారీగా గ్యాస్ లీక్ కావడంతో మంటలు అంటుకున్నాయి. కొద్దిసేపటిలోనే భారీగా మంటలు ఎగిసిపడి, ట్యాంకర్ బీభత్సంగా పేలిపోయింది.

ప్రారంభంలో ఇద్దరు వ్యక్తులు అక్కడికక్కడే ప్రాణాలు కోల్పోగా, గాయపడిన వారిలో పలువురు ఆసుపత్రిలో చికిత్స పొందుతూ ప్రాణాలు విడిచారు. ఆదివారం నాటికి మృతుల సంఖ్య ఏడుకు చేరింది. మరో 15 మంది తీవ్ర గాయాలతో ఆసుపత్రిలో చికిత్స పొందుతున్నారు. వీరిలో కొందరి పరిస్థితి విషమంగా ఉందని వైద్యులు వెల్లడించారు. అగ్నిప్రమాదం సంభవించగానే స్థానికులు తీవ్ర భయాందోళనకు గురయ్యారు. సమీప గ్రామాల వారు బయటకు పరుగులు తీశారు. ఈ ఘటనతో అక్కడ ఒకింత గందరగోళం నెలకొంది. సమాచారం అందుకున్న వెంటనే అగ్నిమాపక సిబ్బంది, అంబులెన్స్‌లు, పంజాబ్ పోలీసులు ఘటనాస్థలికి చేరుకుని సహాయక చర్యలు ప్రారంభించారు.

Agni-5 : భారత అమ్ముల పొదలో మరో మైలురాయి..

మంటలను అదుపులోకి తెచ్చేందుకు గంటల తరబడి శ్రమించాల్సి వచ్చిందని అధికారులు తెలిపారు. హోషియార్‌పూర్ జిల్లా డిప్యూటీ కమిషనర్ ఆషికా జైన్ మాట్లాడుతూ, “ప్రమాద సమాచారం అందిన వెంటనే రక్షణ బృందాలు అక్కడికి చేరుకున్నాయి. గాయపడిన వారిని సమీపంలోని ఆసుపత్రులకు తరలించాం. గ్యాస్ లీక్ కావడం వల్లే పేలుడు సంభవించింది” అని వివరించారు. ఆసుపత్రిలో చికిత్స పొందుతున్న వారిని రాష్ట్ర మంత్రి రవ్‌జోత్ సింగ్ పరామర్శించారు.

బాధిత కుటుంబాలకు ప్రభుత్వం తరఫున అన్ని విధాలా అండగా ఉంటామని హామీ ఇచ్చారు. అదనంగా, ఈ ప్రమాదంపై దర్యాప్తు చేసి భవిష్యత్తులో ఇలాంటి ఘటనలు జరగకుండా చర్యలు తీసుకుంటామని అధికారులు స్పష్టం చేశారు. ఈ ఘటన పంజాబ్ ప్రజల్లో తీవ్ర విషాదాన్ని మిగిల్చింది. రోడ్లపై భారీ వాహనాల రవాణాలో భద్రతా చర్యలను మరింత బలోపేతం చేయాలని డిమాండ్లు వెల్లువెత్తుతున్నాయి.

Egg : గుడ్డులోని పచ్చసొన తినట్లేదా?