Jharkhand: మేనమామ కుమారుడిని స్నేహితులతో కలిసి హత్య.. తెగిపడిన తలతో సెల్ఫీ

Murder

మేనమామ కుమారుడిని స్నేహితులతో కలిసి నరికి చంపేశాడో వ్యక్తి. అంతటితో ఆగకుండా మొండెం నుంచి వేరుచేసిన తలతో నిందితులంతా కలిసి సెల్ఫీలు దిగారు. జార్ఖండ్‌లోని కుంతి జిల్లాలో ఇటీవల జరిగిందీ ఘటన. ఈ కేసులో ముర్హు ప్రాంతానికి చెందిన ఆరుగురిని పోలీసులు అరెస్ట్ చేశారు. ఈ నెల 1న దసాయ్ ముండా కుటుంబసభ్యులు పొలం పనులకు వెళ్లిపోగా.. వారి కుమారుడు కను ముండా ఒక్కడే ఇంటి దగ్గర ఉన్నాడు. కుటుంబసభ్యులు సాయంత్రం ఇంటికి తిరిగొచ్చేసరికి కుమారుడు కనిపించలేదు. దసాయ్ మేనల్లుడు సాగర్ ముండా, తన స్నేహితులతో కనును నిర్మానుష్య ప్రాంతానికి తీసుకెళ్లి హత్య చేశాడు.

జార్ఖండ్‌లోని కుంతి జిల్లాలో భూ వివాదంలో ఓ యువకుడు తన బంధువును తల నరికి చంపాడు. మరోవైపు.. పాలము జిల్లాలో మానసిక వికలాంగ బాలికపై అత్యాచారానికి పాల్పడిన ఘటన వెలుగు చూసింది. మొదటి సంఘటన కుంతిలోని ముర్హు ప్రాంతంలో జరిగింది. సమాచారం ప్రకార.., 20 ఏళ్ల గిరిజన యువకుడు కుంతిలో భూ వివాదంపై తన 24 ఏళ్ల బంధువును నరికి చంపాడు. నిందితుల స్నేహితులు కత్తిరించిన తలతో సెల్ఫీలు తీసుకున్నారు.

డిసెంబర్ 1న ఇతర కుటుంబ సభ్యులు పని నిమిత్తం పొలానికి వెళ్లారని, తన కుమారుడు కాను ముండా ఇంట్లో ఒంటరిగా ఉన్నాడని మృతుడి తండ్రి ఎఫ్‌ఐఆర్‌లో పేర్కొన్నాడు. సాయంత్రం ఇంటికి తిరిగి రాగా అతని మేనల్లుడు సాగర్ ముండా, అతని స్నేహితులు కానును కిడ్నాప్ చేసినట్లు గుర్తించారు. కానుకు సంబంధించిన క్లూ దొరకకపోవడంతో తండ్రి మరుసటి రోజు ఎఫ్‌ఐఆర్‌ నమోదు చేశాడు. నిందితుడిని పట్టుకునేందుకు పోలీసు బృందాన్ని ఏర్పాటు చేశారు.

నిందితులను ఆదివారం అరెస్టు చేశామని వారి సమాచారం ప్రకారం కాను మొండెం కుమంగ్ గోపాల అటవీ ప్రాంతం నుంచి స్వాధీనం చేసుకున్నామని, 15 కిలోమీటర్ల దూరంలోని దుల్వా తుంగ్రీ ప్రాంతం నుంచి కత్తిరించిన తలను స్వాధీనం చేసుకున్నామని పోలీసు అధికారి తెలిపారు. నరికిన తలతో నిందితుడు సెల్ఫీ తీసుకున్నాడని అధికారి తెలిపారు. మృతుడి ఫోన్ సహా ఐదు మొబైల్ ఫోన్లు, రక్తంతో తడిసిన రెండు పదునైన ఆయుధాలు, గొడ్డలి స్వాధీనం చేసుకున్నట్లు తెలిపారు.

మరోవైపు.. పాలము జిల్లాలోని పాఠక్‌పాగర్ ప్రాంతం నుండి మరొక సంఘటన వెలుగు చూసింది. గత శనివారం మానసిక వికలాంగురాలైన 17 ఏళ్ల బాలికను ఒక యువకుడు చెరకు తోటలోకి తీసుకెళ్లి అత్యాచారం చేశాడు. ఇంటికి వచ్చిన తర్వాత బాధితురాలు జరిగిన విషయాన్ని కుటుంబ సభ్యులకు చెప్పగా.. దీంతో బాధిత బాలిక సోదరుడు, తండ్రి నిరసన తెలిపేందుకు నిందితుడి ఇంటికి చేరుకున్నారు. అయితే నిందితులు, అతని కుటుంబ సభ్యులు కర్రలతో తండ్రీకొడుకులను కొట్టారు. దాడిలో గాయపడిన తండ్రీకొడుకులు ఆస్పత్రిలో చేరారు. ఆదివారం కేసు నమోదు చేశామని, నిందితులను త్వరలోనే పట్టుకుంటామని పోలీసులు తెలిపారు.

Follow us