Indias Longest Bridge : పదుల సంఖ్యలో కూలీల మృతి.. కుప్పకూలిన దేశంలోనే పొడవైన వంతెన!

Indias Largest Bridge

Indias Longest Bridge : దేశంలోనే అతి పొడవైన రోడ్డు వంతెనను బిహార్‌లోని సుపాల్‌లో నిర్మిస్తున్నారు. 10.2 కి.మీ మేర పొడవు కలిగి ఉండే ఈ వంతెన నిర్మాణ పనులు జరుగుతుండగా శుక్రవారం ఉదయం పెను ప్రమాదం చోటుచేసుకుంది. బ్రిడ్జి 50, 51, 52 పిల్లర్ల గార్టర్‌లు ఒక్కసారిగా కూలి నేలపై పడ్డాయి. ఈ ఘటనలో ఒకరు మృతిచెందగా, దాదాపు 20 మందికి తీవ్ర గాయాలయ్యాయి.  గాయపడ్డ వారిని వెంటనే బైక్‌లపై ఆస్పత్రికి తరలించారు. ఈ ప్రమాదంలో వంతెన గార్టర్ల కింద నలిగి పదుల సంఖ్యలో కూలీలు చనిపోయారని స్థానికులు చెబుతున్నారు.  ఇవాళ ఉదయం 7 గంటల సమయంలో ఈ ప్రమాద ఘటన జరిగినట్లు తెలుస్తోంది.

We’re now on WhatsApp. Click to Join

దీనిపై సమాచారం అందుకున్న అధికారులు సహాయక చర్యలు చేపట్టారు. అయితే మృతులు, గాయపడ్డ వారి వివరాలను ఇంకా ప్రకటించలేదు. భారత్​ మాల ప్రాజెక్టులో భాగంగా సుపాల్‌లోని బకౌర్, మధుబనిలోని భేజా ఘాట్ మధ్య భారతదేశంలో అతి పొడవైన రహదారి వంతెనను నిర్మిస్తున్నారు. ఇది అసోంలోని భూపేన్ హజారికా వంతెన కంటే కిలోమీటర్ ఎక్కువ పొడవును కలిగి ఉంటుంది. మొత్తం 171 పిల్లర్లతో నిర్మిస్తున్న ఈ బ్రిడ్జిలో ఇప్పటికే 150 పిల్లర్లను నిర్మించారు. పూర్తైన పిల్లర్లపై గర్డర్లు ఏర్పాటు చేస్తున్నారు. ఈ క్రమంలో 50, 51, 52 పిల్లర్లపై ఏర్పాటు చేసిన గర్డర్లు కూలిపోయాయి.కేంద్ర రవాణా, రహదారుల మంత్రిత్వ శాఖ రూ.1199 కోట్లతో ఈ వంతెనను(Indias Largest Bridge) నిర్మిస్తోంది. దీని నిర్మాణ పనులను గామన్ ఇంజనీర్స్, కాంట్రాక్టర్స్ ప్రైవేట్ లిమిటెడ్, ట్రాన్స్ రైల్ లైటింగ్ ప్రైవేట్ లిమిటెడ్ (జాయింట్ వెంచర్) నిర్వహిస్తున్నాయి.

Also Read :Pushpak Viman : ‘పుష్పక విమానం’ ప్రయోగం సక్సెస్.. వీడియో ఇదిగో

‘‘ ఈ బ్రిడ్జి నాణ్యత బాగా లేదని మేం మొదటి నుంచే ఫిర్యాదు చేస్తున్నాం. అయినా ఎవరూ పట్టించుకోవడం లేదు. ఈ ప్రమాదంలో దాదాపు  40 మంది కూలీలు చనిపోయి ఉంటారు. కానీ కంపెనీకి సంబంధించిన ఒక్క వ్యక్తి కూడా ఇక్కడికి రాలేదు. మేం 15-20 మందిని బైక్‌లో ఆసుపత్రికి తీసుకెళ్లాము’’ అని ఓ స్థానికుడు మీడియాకు తెలిపాడు.

Also Read : Arvind Kejriwal: సీఎం అర‌వింద్ కేజ్రీవాల్‌ను అరెస్ట్ చేసి ఎక్క‌డ ఉంచారో తెలుసా..?

Follow us