Chandrayaan-3 Journey Pictures : చంద్రయాన్ 3పై అమర్చిన కెమెరా పంపిన ఫోటోలు చూశారా !
Chandrayaan-3 Journey Pictures : చంద్రయాన్-3 ప్రయోగాన్ని మనమంతా నిన్న(శుక్రవారం) లైవ్ లో చూశాం..కానీ ఆ సీన్స్ ను మనం సరిగ్గా ఆ లాంచ్ వెహికల్ పై నిలబడి చూస్తే.. ఇంకా ఎంతో థ్రిల్లింగ్ గా ఉంటుంది కదా !!
- By Pasha Published Date - 12:48 PM, Sat - 15 July 23
Chandrayaan-3 Journey Pictures : చంద్రయాన్-3 ప్రయోగాన్ని మనమంతా నిన్న(శుక్రవారం) లైవ్ లో చూశాం..
నిప్పులు చిమ్ముతూ రాకెట్ లాంచ్ వెహికల్ నింగిలోకి దూసుకెళ్లడం మనకు కనిపించింది.
కానీ ఆ సీన్స్ ను మనం సరిగ్గా ఆ లాంచ్ వెహికల్ పై నిలబడి చూస్తే.. ఇంకా ఎంతో థ్రిల్లింగ్ గా ఉంటుంది కదా !!
అయితే మనకు ఆ పని లేకుండానే.. మొత్తం చంద్రయాన్-3 ప్రయోగాన్ని, చంద్రుడి దిశగా లాంచ్ వెహికల్ జర్నీని మన కళ్ళకు కట్టింది ఆన్బోర్డ్ కెమెరా !!
ఇది లాంచ్ వెహికల్ (రాకెట్) లో ఎగువ భాగపు క్రయోజనిక్ ఇంజన్ కొనలో బిగించి ఉంటుంది.
ఆన్బోర్డ్ కెమెరా.. లాంచ్ వెహికల్ ప్రతి యాక్టివిటీని ఫోటోలు, వీడియోలు తీసి ఇస్రో కమాండ్ కంట్రోల్ సెంటర్ కు పంపుతుంది.
మనం కూడా ఇస్రో విడుదల చేసిన ఆ థ్రిల్లింగ్ ఫోటోలను ఒకసారి చూద్దాం..
చంద్రయాన్ 3 జర్నీ ఎలా జరిగిందో ఫోటోలతో సహా తెలుసుకుందాం..
చంద్రయాన్ 3 ప్రయోగానికి ముందు శ్రీహరి కోటలోని సతీష్ ధావన్ స్పేస్ సెంటర్ రెండో లాంచ్ ప్యాడ్పై నిలబడి ఉన్న రాకెట్..
చంద్రయాన్ 3 ప్రయోగానికి కౌంట్ డౌన్ ముగిసిన వెంటనే రాకెట్ కు రెండు వైపులా ఉన్న చెరొక స్ట్రాపాన్ థ్రస్టర్లకు అమర్చి ఉన్న రెండు పెద్ద ఇంజన్లు ఆన్ అయ్యాయి. వాటితో పాటే రాకెట్ ఇంజన్ కూడా ఆన్ అయింది. ఈక్రమంలో వెలువడే మంటలను అప్పటికప్పుడు ఆర్పడానికి.. రాకెట్ చుట్టూ అమర్చి ఉన్న పైపుల ద్వారా భారీ ఒత్తిడితో నీటిని నిప్పుల వైపుకు వదిలారు. దీన్ని ఈ ఫోటోలో మీరు చూడొచ్చు.
నీళ్లు చిమ్మడంతో నిప్పులు ఆరిపోయాయి. ఆ తరువాత రాకెట్ దాని వెనుకకు పొగను వదులుతూ.. ఆకాశం దిశగా దూసుకుపోయింది. పూర్తిగా కింది భాగంలో మనకు మంటలు కనిపిస్తాయి.. భూమి కనిపిస్తుంది.
రాకెట్ వేగం పుంజుకుంది. గాలి పీడనం కారణంగా దాని స్ట్రాప్ ఆన్ ఇంజిన్ (రాకెట్ కు రెండు వైపులా ఉన్నవి) చుట్టూ తెల్లటి వృత్తం ఏర్పడింది. ఇది రాకెట్ సూపర్ సోనిక్ స్పీడ్ దశ.
చంద్రయాన్-3 రాకెట్ సుమారు 62.17 కి.మీ ఎత్తుకు చేరిన తర్వాత రెండు పట్టీలు (స్ట్రాప్ ఆన్ ఇంజన్లు) విడిపోయాయి. స్ట్రాప్ ఆన్ ఇంజన్లు రాకెట్ నుంచి విడిపోయి బంగాళాఖాతంలో పడిపోయాయి. నేలపై నిలబడినా ఈ దృశ్యం మనకు కనిపిస్తుంది.
114.80 కి.మీ ఎత్తులో.. అంటే అంతరిక్షంలోకి వెళ్లిన తర్వాత చంద్రయాన్-3లోని ఓవల్ కవర్ తొలగించబడింది. దీనిని పేలోడ్ ఫెయిరింగ్ సెపరేషన్ దశ అంటారు. ఇప్పుడు క్రయోజెనిక్ ఇంజన్ సాయంతో చంద్రయాన్-3 అంతరిక్షంలో ప్రయాణిస్తోంది. బ్లూ ఎర్త్ తో పాటు బ్లాక్ స్పేస్ ఎలా కనిపిస్తున్నాయో వెనుక చూడండి.
క్రయోజెనిక్ ఇంజన్ 174.69 కి.మీ ఎత్తులో షట్ డౌన్ అవుతుంది. అది చంద్రయాన్-3 నుంచి విడిపోయే ప్రక్రియ మొదలవుతుంది. క్రయోజెనిక్ ఇంజిన్పై అమర్చిన ఆన్బోర్డ్ కెమెరా ద్వారా ఈ చిత్రాన్ని తీశారు. 179.19 కి.మీ ఎత్తులో చంద్రయాన్-3 పూర్తిగా విడిపోయి 3.84 లక్షల కి.మీ సుదూర ప్రయాణంలో ప్రస్తుతం (జులై 15) ఒంటరిగా ముందుకు సాగుతోంది. ఇది 2023 ఆగస్టు 23న చంద్రుని ఉపరితలంపై ల్యాండ్ అవుతుంది.
Tags
Related News
Vikram Lander : జాబిల్లిపై మన ల్యాండర్ ఎలా ఉందో తెలుసా ..?
గత నెల 15న అంతరిక్షంలో తిరుగుతున్న ఓ ఉపగ్రహం సాయంతో సుమారు 65 కిలోమీటర్ల దూరం నుంచి ఫొటోలు తీసినట్లు తెలిపింది