Drugs : ముంబైలో భారీగా డ్ర‌గ్స్ పట్టివేత‌.. ముగ్గురు అరెస్ట్‌

Drugs

న్యూఇయ‌ర్ సంద‌ర్భంగా దేశ వ్యాప్తంగా డ్ర‌గ్స్ స‌ర‌ఫ‌రాపై పోలీసులు నిఘా పెట్టారు. న్యూఇయ‌ర్ ఈవెంట్స్‌కి భారీగా డ్ర‌గ్స్ అందే అవ‌కాశం ఉండ‌టంతో పోలీసులు అప్ర‌మ‌త్త‌మైయ్యారు.తాజాగా ముంబై పోలీసుల యాంటీ నార్కోటిక్స్ సెల్ రూ. కోటి విలువైన డ్రగ్స్‌ను స్వాధీనం చేసుకుంది. ఆఫ్రికన్ మహిళా పెడ్లర్లతో సహా ముగ్గురిని అరెస్టు చేసింది. ముంబై పోలీసుల యాంటీ నార్కోటిక్స్ సెల్‌లోని ఘట్‌కోపర్ యూనిట్ మహిమ్, విరార్ ప్రాంతాల నుండి 610 గ్రాముల MD డ్రగ్స్‌ను స్వాధీనం చేసుకుంది. రికవరీ చేసిన డ్రగ్స్ విలువ అంతర్జాతీయ మార్కెట్ లో రూ.1.22 కోట్లు ఉంటుంద‌ని పోలీసులు అంచనా వేస్తున్నారు. 30 లక్షల విలువైన 150 గ్రాముల MDని స్వాధీనం చేసుకుని.. ఇద్దరు వ్యక్తులను అరెస్టు చేశారు. సరఫరాదారుపై తదుపరి విచారణలో విదేశీ మహిళను అరెస్టు చేశారు.నిందితులను నార్కోటిక్ డ్రగ్స్ అండ్ సైకోట్రోపిక్ సబ్‌స్టాన్సెస్ యాక్ట్ (ఎన్‌డిపిఎస్) కింద అరెస్టు చేసి కోర్టులో హాజరుపరిచారు. కోర్టు నిందితులను జనవరి 6 వరకు పోలీసు కస్టడీకి పంపింది. వీరు ముంబయిలోని పలు చోట్ల డ్రగ్స్‌ను అక్రమంగా రవాణా చేసేవారని పోలీసులు తెలిపారు. నిందితులు ఎక్కడి నుంచి డ్రగ్స్‌ను సేకరించారు, ఎవరికి నిషిద్ధ వస్తువులు సరఫరా చేశారనే దానిపై పోలీసులు లోతుగా విచార‌ణ జ‌రుపుతున్నారు.

Follow us