Delhi Polls : బీజేపీ ఫస్ట్ లిస్ట్.. కేజ్రీవాల్‌పై పర్వేశ్, అతిషిపై బిధూరి పోటీ

Delhi Polls : ఫిబ్రవరిలో జరగనున్న ఢిల్లీ అసెంబ్లీ ఎన్నికల కోసం బీజేపీ 29 మంది అభ్యర్థులతో తొలి జాబితాను విడుదల చేసింది. న్యూఢిల్లీ అసెంబ్లీ స్థానం పరిధిలో ఆమ్ ఆద్మీ పార్టీ అధినేత అరవింద్ కేజ్రీవాల్‌పై బీజేపీ అభ్యర్థిగా పర్వేశ్ వర్మను బరిలోకి దింపారు. ఢిల్లీ సీఎం, ఆప్ సీనియర్ నాయకురాలు అతిషి‌పై పోటీ చేసేందుకు కల్కాజీ స్థానంలో ఎంపీ రమేశ్ బిధూరికి బీజేపీ అవకాశం ఇచ్చింది.  ఆమ్ ఆద్మీ పార్టీ నుంచి ఇటీవలే బీజేపీలో చేరిన సీనియర్ నాయకుడు కైలాశ్ గెహ్లాట్‌కు బిజ్వాసన్ అసెంబ్లీ టికెట్‌ను బీజేపీ(Delhi Polls) ఇచ్చింది. ఢిల్లీ బీజేపీ మాజీ అధ్యక్షుడు సతీశ్ ఉపాధ్యాయ్‌కు మాలవ్య నగర్ అసెంబ్లీ టికెట్‌ను కేటాయించారు.  జనక్ పురి అసెంబ్లీ స్థానం నుంచి ఆశిష్ సూద్‌‌కు కమలదళం అవకాశాన్ని కల్పించింది.

Also Read :700 Women Extortion: ‘అమెరికా మోడల్‌‌ను’‌ అంటూ.. 700 మంది అమ్మాయిలకు కుచ్చుటోపీ