ChatGPT: మనదేశంలోనూ ChatGPT ప్లస్ సబ్‌స్క్రిప్షన్.. ధర, ఎక్స్ ట్రా ఫీచర్స్ ఇవీ..!

ChatGPT ప్లస్ సబ్‌స్క్రిప్షన్ ను ఇప్పుడు భారతదేశంలోనూ అందుబాటులోకి తెచ్చామని చాట్‌బాట్ అభివృద్ధి సంస్థ OpenAI ప్రకటించింది. ఈవిష యాన్ని శుక్రవారం ట్విట్టర్ వేదికగా వెల్లడించింది. Open AI ఫిబ్రవరిలోనే అమెరికా సహా పలు యూరప్ దేశాల్లో నెలకు $20 (దాదాపు రూ. 1,650)కి ChatGPT ప్లస్ సబ్‌స్క్రిప్షన్‌ సేవలను ప్రారంభించింది. వీటి ద్వారా యూజర్లకు అత్యంత వేగవంతమైన ప్రతిస్పందన లభిస్తుంది.కొత్త ఫీచర్లకు యాక్సెస్ ను కూడా పొందొచ్చు. భారత్‌లో సబ్‌స్క్రిప్షన్ అందుబాటులో ఉందని OpenAI చెబుతున్న ప్పటికీ.. ఇంకా ఇండియా మార్కెట్‌కు అనుగుణంగా ChatGPT ప్లస్ సబ్‌స్క్రిప్షన్‌ రేటును ఫిక్స్ చేయలేదని తెలుస్తోంది. భారతదేశంలో ChatGPT ప్లస్ సబ్‌స్క్రిప్షన్ అందుబాటులోకి వచ్చినప్పటికీ.. దీనికి సంబంధించిన చెల్లింపు విజయవంతం కావడం లేదని కొంతమంది వినియోగదారులు అంటున్నారు. ఇండియా వినియోగదారులకు ఇబ్బంది లేకుండా కంటెంట్‌ను కంపోజ్ చేయడంలో సహాయ పడేందుకు OpenAI భారత సోషల్ మీడియా సంస్థ Kooతో కలిసి పని చేస్తోంది. ఈ ఫీచర్ నెమ్మదిగా బయటకు వస్తోంది.

■ యూజర్ల ఫీడ్ బ్యాక్ ఇదీ..!

ChatGPTకి చెందిన ఒక వినియోగదారుడు (@swap coolkarni) ట్విట్టర్ వేదికగా పోస్ట్ చేస్తూ.. “నేను గత మూడు, నాలుగు రోజులుగా ChatGPT ప్లస్ సబ్‌స్క్రిప్షన్‌ని పొందడానికి ప్రయత్నిస్తున్నాను. అయితే కార్డ్ ప్రతిసారీ తిరస్కరించబడుతోంది” అని వెల్లడించాడు. భారతీయ కస్టమర్ల సబ్‌స్క్రిప్షన్ రుసుము దాదాపు $23.60 (దాదాపు రూ. 1,950) అని మరొక ChatGPT వినియోగదారుడు వెల్లడించారు. విదేశీ లావాదేవీలపై ప్రభుత్వం $3.60 (రూ. 300) ట్యాక్స్ విధించడం వల్ల సబ్‌స్క్రిప్షన్ రుసుము కొంతమేర పెరుగుతోందని అంటున్నారు. మరొక ChatGPT వినియోగదారు (@keerthanpg) స్పందిస్తూ.. “భారతదేశంలో $23 చాలా పెద్ద అమౌంట్. నెలవారీ మధ్యస్థ ఆదాయంలో 1/17 వంతుకు ఇది సమానం” అని అభిప్రాయపడ్డారు.

Also Read: Saturn Bugs: జాతకంలో శని దోషం పోవాలంటే ఏం చేయాలో తెలుసా?

■ChatGPT ప్లస్ లో

టెక్స్ట్ ఇన్‌పుట్‌లను కూడా విశ్లేషించే కొత్త తరం LLM (పెద్ద భాషా నమూనా) అయిన GPT-4ని వినియోగించడానికి యూజర్లను ChatGPT ప్లస్ అనుమతిస్తుంది.  అయితే, మీరు GPT-4 సాంకేతికతను ఉచితంగా అనుభవించాలనుకుంటే.. Microsoft ఒక ఆప్షన్ ను అందిస్తోంది. ఇటీవల మైక్రోసాఫ్ట్ తన బింగ్ చాట్ లేదా బింగ్ AI సాంకేతికతతో GPT-4 నడుస్తోంది.బింగ్ చాట్ భారతదేశంలో ఉపయోగించడానికి ఉచితం. ఇది యాప్ రూపంలో కూడా అందుబాటులో ఉంటుంది. Bing Chat గత నెలలో ప్రపంచవ్యాప్తంగా ప్రారంభించ బడింది. అయితే ఇది పరిమిత వినియోగదారులకు అందుబాటులో ఉంది. మైక్రోసాఫ్ట్ బింగ్ చాట్‌ని వినియోగ దారులందరికీ అందుబాటులోకి తెస్తోందని, దీనిని ఉపయోగిం చడానికి ఉచితమని ఒక కొత్త నివేదిక పేర్కొంది. Bing Chatని ఉపయోగించడానికి.. ఏదైనా బ్రౌజర్‌లో Bing సెర్చ్ ను తెరిచి, ఎగువ ఎడమవైపున చాట్ ఆప్షన్ కోసం చూడండి. అనంతరం మీ Microsoft ఖాతాతో లాగిన్ చేయండి. మీరు Chrome లేదా మరేదైనా బ్రౌజర్‌లో ఉన్నట్లయితే ఎడ్జ్ బ్రౌజర్‌ని ఉపయోగించడానికి కంపెనీ మిమ్మల్ని దారి మళ్లిస్తుంది.  మీరు ఎడ్జ్‌ని తెరిచిన తర్వాత GPT-4 ద్వారా ఆధారితమైన Bing Chat అందుబాటులో ఉంటుంది.