Kamal Nath: ప్రధాని మోదీని కలవనున్న కమల్ నాథ్, నకుల్ నాథ్..!
సీనియర్ కాంగ్రెస్ నాయకుడు కమల్ నాథ్ (Kamal Nath), ఆయన కుమారుడు నకుల్ నాథ్ బీజేపీలో చేరుతారనే ఊహాగానాల మధ్య తాజా అప్డేట్ వచ్చింది. ఈరోజు కమల్, నకుల్ ప్రధాని నరేంద్ర మోదీ, హోంమంత్రి అమిత్ షాలను కలవనున్నారు.
- By Gopichand Published Date - 12:30 PM, Sun - 18 February 24
Kamal Nath: సీనియర్ కాంగ్రెస్ నాయకుడు కమల్ నాథ్ (Kamal Nath), ఆయన కుమారుడు నకుల్ నాథ్ బీజేపీలో చేరుతారనే ఊహాగానాల మధ్య తాజా అప్డేట్ వచ్చింది. ఈరోజు కమల్, నకుల్ ప్రధాని నరేంద్ర మోదీ, హోంమంత్రి అమిత్ షాలను కలవనున్నారు. బీజేపీ సమావేశాలు ముగిసిన తర్వాత ఈరోజు సాయంత్రం 5 గంటల ప్రాంతంలో ఈ సమావేశం జరిగే అవకాశం ఉంది. కమల్నాథ్కు మద్దతు ఇస్తున్న పలువురు నేతలు, ఎమ్మెల్యేలు కూడా ఈరోజు ఢిల్లీకి చేరుకోనున్నారు. కొందరు నిన్ననే ఢిల్లీకి చేరుకున్నారు.
కమల్నాథ్, నకుల్నాథ్లతో పాటు ఇద్దరు మేయర్లతో సహా 15 మంది ఎమ్మెల్యేలు, 8 మంది మాజీ ఎమ్మెల్యేలు బీజేపీలో చేరవచ్చని సమాచారం. కమల్ నాథ్ మద్దతు ఎమ్మెల్యేలు, నేతల ఫోన్లు కూడా స్విచ్ ఆఫ్ అవుతున్నాయి. మధ్యప్రదేశ్లో కాంగ్రెస్ చీలిపోతుందనే భయంతో, పార్టీ హైకమాండ్ చింద్వారా ఎమ్మెల్యేలను సంప్రదించడానికి ప్రయత్నించింది. అయితే చర్చలు జరగలేదు. రాష్ట్ర కాంగ్రెస్ అధ్యక్షుడు జితూ పట్వారీ, ప్రతిపక్ష నేత ఉమంగ్ సింగర్లను మాట్లాడాల్సిందిగా కాంగ్రెస్ హైకమాండ్ కోరింది.
కమల్నాథ్కి కాంగ్రెస్పై కోపం ఎందుకు?
కాంగ్రెస్పై కమల్నాథ్ అసంతృప్తికి కాంగ్రెస్ నుంచి రాజ్యసభ టిక్కెట్ రాకపోవడం కూడా ఒక కారణం. నిజానికి రాజ్యసభ ఎన్నికల్లో పోటీ చేసేందుకు కమల్నాథ్ సుముఖంగా ఉన్నారు. ఆయనను రాజ్యసభ అభ్యర్థిగా చేయాలని మధ్యప్రదేశ్ కాంగ్రెస్ పార్టీ హైకమాండ్ను కూడా అభ్యర్థించింది. అయితే సోనియా గాంధీ దిగ్విజయ్ సింగ్ను రాజ్యసభ అభ్యర్థిగా చేయడం కమల్నాథ్ను కలవరపెట్టింది.
దిగ్విజయ్ సింగ్తో కమల్నాథ్ విభేదించిన సంగతి తెలిసిందే. 2023 అసెంబ్లీ ఎన్నికల్లో బీజేపీకి చెందిన ఎమ్మెల్యేలు, మాజీ ఎమ్మెల్యేలకు కాంగ్రెస్ ఎన్నికల టిక్కెట్లు ఇచ్చింది. ఈ విషయమై కమ్నాల్, దిగ్విజయ్ సింగ్ మధ్య వాగ్వాదం జరిగింది. ఆ సమయంలో కమల్నాథ్ కాంగ్రెస్ టికెట్ కోరుతున్న నేతలతో ఓ మాట మాట్లాడిన వీడియో కూడా వైరల్గా మారింది.
Also Read: Group 2 Exam : గ్రూప్ 2, ఎస్బీఐ ఎగ్జామ్స్ ఈనెల 25నే.. ఏపీపీఎస్సీ కీలక నిర్ణయం
2023 అసెంబ్లీ ఎన్నికల్లో పార్టీ ఓటమికి కమల్నాథ్ కారణమని కాంగ్రెస్ ఆరోపించింది, దీంతో కమల్నాథ్ కూడా ఆగ్రహంతో ఉన్నారు. మధ్యప్రదేశ్లో కమల్నాథ్ నాయకత్వంలో కాంగ్రెస్ ఎన్నికల్లో పోటీ చేసింది. అయితే ఓటమికి ఆయనే బాధ్యత వహించాలని కాంగ్రెస్ భావించింది. చాలా మంది పార్టీ నేతలు ఆయనకు దూరమయ్యారు. కమల్నాథ్ బీజేపీలో చేరడానికి ఈ ఆగ్రహమే కారణం.
కమల్ నాథ్ మధ్యప్రదేశ్ కాంగ్రెస్ అధ్యక్షుడిగా ఉన్నారు. కానీ 2023 అసెంబ్లీ ఎన్నికలలో ఓటమి తర్వాత పార్టీ అతన్ని పదవి నుండి తొలగించి, జితు పట్వారీని అధ్యక్షుడిగా చేసింది. దీంతో కమల్ నాథ్ కూడా ఆగ్రహం వ్యక్తం చేస్తున్నారు. జితూను అధ్యక్షుడిగా చేయడానికి కమల్నాథ్ను సంప్రదించలేదు. ముందస్తు సమాచారం ఇవ్వలేదు. ఆకస్మిక నిర్ణయం తీసుకుని ప్రకటించారు.
We’re now on WhatsApp : Click to Join
కమల్ నాథ్ ఇప్పుడు మధ్యప్రదేశ్ నుండి వెళ్లి కేంద్రంలో రాజకీయాలు చేయాలనుకుంటున్నారు. మొదటి నుంచి కేంద్ర రాజకీయాల్లో యాక్టివ్గా ఉన్న ఆయన 2018 అసెంబ్లీ ఎన్నికల్లో మధ్యప్రదేశ్కు పంపి ఇప్పటి వరకు మధ్యప్రదేశ్లోనే ఉండిపోయారు. అయితే కాంగ్రెస్ హైకమాండ్ తనను ఢిల్లీకి పిలుస్తుందని ఆశించారు. పార్టీ అతనిని పట్టించుకోలేదు.
Related News
Lok Sabha Polls : లోక్ సభ ఎన్నికల ప్రచారంలో పార్టీల దూకుడు
గెలుపే లక్ష్యంగా అన్ని పార్టీల అధినేతలు , నేతలు , అభ్యర్థులు శ్రమిస్తున్నారు.