Dharavi Residents: ధారవి ప్రజలకు గుడ్ న్యూస్.. కొత్త ఫ్లాట్లను అందించనున్న అదానీ గ్రూప్
ముంబయిలోని ప్రముఖ మురికివాడ అయిన ధారవి రీడెవలప్మెంట్ (Dharavi Residents) ప్రాజెక్ట్ గురించి చాలా కాలంగా చర్చ జరుగుతోంది. ఇప్పుడు ఈ మురికివాడలో నివసించే వారికి ఒక పెద్ద వార్త వచ్చింది.
- By Gopichand Published Date - 10:30 AM, Tue - 16 January 24
Dharavi Residents: ముంబయిలోని ప్రముఖ మురికివాడ అయిన ధారవి రీడెవలప్మెంట్ (Dharavi Residents) ప్రాజెక్ట్ గురించి చాలా కాలంగా చర్చ జరుగుతోంది. ఇప్పుడు ఈ మురికివాడలో నివసించే వారికి ఒక పెద్ద వార్త వచ్చింది. ధారవి స్లమ్లోని అర్హులైన నివాసితులకు అదానీ గ్రూప్ 350 చదరపు అడుగుల కొత్త ఫ్లాట్లను ఆఫర్ చేస్తుందని అదానీ గ్రూప్ తెలిపింది. అదానీ గ్రూప్ నవంబర్ 2022లో ఆసియాలోనే అతిపెద్ద మురికివాడ (ధారవి) పునరాభివృద్ధి కాంట్రాక్టును గెలుచుకుంది.
అదానీ గ్రూప్ ధారవి నివాసితులకు పెద్ద ఫ్లాట్లను అందిస్తుంది
మహారాష్ట్ర ప్రభుత్వ సహకారంతో అదానీ గ్రూప్ ధారవి మురికివాడల పునరాభివృద్ధి ప్రాజెక్టుపై పని చేస్తోంది. మురికివాడల పునరాభివృద్ధి ప్రాజెక్టుల కింద ప్రతిపాదించిన పరిమాణం కంటే ఈ ఫ్లాట్ల పరిమాణం ’17 శాతం ఎక్కువ’ అని అదానీ గ్రూప్ పేర్కొంది. అదానీ గ్రూప్ విడుదల చేసిన ప్రకటన ప్రకారం.. కొత్త ఫ్లాట్లో వంటగది, టాయిలెట్ ఉంటుంది. ఇంతకుముందు అనధికారిక నివాసాల నివాసితులకు 269 చదరపు అడుగుల ఇళ్ళు ఇవ్వబడ్డాయి. మహారాష్ట్ర ప్రభుత్వం 2018 సంవత్సరం నుండి మురికివాడల నివాసితులకు 315-322 చదరపు అడుగుల ఇళ్లను ఇవ్వడం ప్రారంభించింది.
Also Read: Stomach Cancer: గ్యాస్ట్రిక్ క్యాన్సర్ అంటే ఏమిటి..? దాని లక్షణాలు ఇవే..!
ధారవి అంటే ఏమిటి..?
దేశ ఆర్థిక రాజధాని ముంబైలోని ధారవి ఆసియాలోనే అతిపెద్ద మురికివాడ. దీని పరిమాణం న్యూయార్క్ సెంట్రల్ పార్క్ లాగానే ఉంది. కానీ ఈ చిన్న ప్రదేశంలో లక్షలాది మంది ప్రజలు నివసిస్తున్నారు. ఈ చిన్న ప్రాంతంలో వేలాది చిన్న ఇళ్లు నిర్మించబడ్డాయి. ధారావి మురికివాడ పేద ప్రజల కాలనీ. అక్కడ నివసిస్తున్న వేలాది మంది ప్రజలకు స్వచ్ఛమైన నీరు, శుభ్రమైన మరుగుదొడ్లు కూడా అందుబాటులో లేవు.
అదానీ గ్రూప్ అతిపెద్ద బిడ్ వేసింది
ధారవి రీడెవలప్మెంట్ ప్రాజెక్ట్ కోసం అదానీ గ్రూప్ $619 మిలియన్ బిడ్ చేసింది. బిడ్ గెలిచిన తర్వాత అదానీ గ్రూప్ ధారవిలోని 625 ఎకరాల (253 హెక్టార్లు) ప్రాంతాన్ని అభివృద్ధి చేయాల్సి ఉంది. ఈ ప్రాజెక్ట్ ప్రపంచంలోనే అతిపెద్ద పట్టణాభివృద్ధి ప్రణాళికగా చర్చించబడుతోంది.
We’re now on WhatsApp. Click to Join.
Tags
Related News
ATM Fraud: ఏటీఎం కార్డ్ ట్రాప్ స్కామ్ అంటే ఏమిటి? సైబర్ మోసగాళ్ల కొత్త రూట్ ఇదే..!
ఆన్లైన్ బ్యాంకింగ్ ప్రజలకు సౌకర్యాలు కల్పిస్తుండగా మరోవైపు భద్రతా ఉల్లంఘన ప్రమాదం కూడా ఉంది.