3015 Jobs : 3015 రైల్వే అప్రెంటిస్ జాబ్స్.. 24 ఏళ్లలోపు వారికి ఛాన్స్

3015 Jobs : వెస్ట్‌ సెంట్రల్‌ రైల్వే (డబ్ల్యూసీఆర్‌) పరిధిలోని యూనిట్‌లలో శిక్షణ కోసం 3,015 అప్రెంటిస్ ​ పోస్టుల భర్తీకి నోటిఫికేషన్​ విడుదలైంది. మధ్యప్రదేశ్‌‌లోని జబల్‌పూర్‌ కేంద్రంగా వెస్ట్‌ సెంట్రల్‌ రైల్వే నడుస్తుంది. పదో తరగతి, ఐటీఐ పూర్తి చేసిన యువతీ యువకులు ఈ జాబ్స్‌కు అర్హులు. అప్లై చేసే అభ్యర్థులు ఆయా జాబ్‌లకు సంబంధించిన  ఐటీఐ ట్రేడ్‌‌లలో పాసై ఉండటం తప్పనిసరి. పదో తరగతి మార్కులు, ఐటీఐ మార్కులు, డాక్యుమెంట్ వెరిఫికేషన్, మెడికల్ ఎగ్జామినేషన్​ ఆధారంగా అభ్యర్థులను ఎంపిక చేస్తారు. ఈ జాబ్స్‌కు అప్లై చేసే అభ్యర్థుల వయస్సు 2023 డిసెంబర్​ 14 నాటికి 15 నుంచి 24 సంవత్సరాల మధ్య ఉండాలి.