పొడవాటి జుట్టు కావాలంటే అరటి తొక్కలను వాడాల్సిందే!

Hair Growth

Hair Growth: జుట్టు సంరక్షణలో ఇంట్లో లభించే వస్తువులు ఎంతగానో ఉపయోగపడతాయి. అటువంటి ప్రయోజనకరమైన వస్తువులలో అరటి తొక్కలు కూడా ఉన్నాయి. అరటి తొక్కలలో పొటాషియం, మెగ్నీషియం, యాంటీ-ఆక్సిడెంట్లు పుష్కలంగా ఉంటాయి. ఈ తొక్కలు జుట్టుపై ప్రత్యేకమైన ప్రభావాన్ని చూపుతాయి. అరటి తొక్కల వల్ల హెయిర్ ఫోలికల్స్‌కు నేరుగా ప్రయోజనం చేకూరుతుంది. జుట్టు పెరగడానికి సహాయపడుతుంది. పొడవాటి జుట్టు పొందడానికి తలపై అరటి తొక్కలను ఎలా ఉపయోగించాలో ఇక్కడ తెలుసుకోండి.

పొడవాటి జుట్టు కోసం అరటి తొక్కలను ఎలా ఉపయోగించాలి?

జుట్టుపై అరటి తొక్కల నీటిని ఉపయోగించవచ్చు. దీని కోసం అరటి తొక్కలను నీటిలో వేసి బాగా మరిగించాలి. ఈ తొక్కలలో పొటాషియం, సిలికా, యాంటీ-ఆక్సిడెంట్లు ఉంటాయి. ఇవి స్కాల్ప్‌ను బలోపేతం చేస్తాయి. జుట్టుకు కుదుళ్ల నుండి చివరల వరకు పోషణను అందిస్తాయి.

Also Read: ఏపీ మాజీ సీఎం క‌న్నుమూత‌

షాంపూ తర్వాత ఈ నీటితో తల స్నానం చేయండి

తలని షాంపూతో శుభ్రం చేసిన తర్వాత అరటి తొక్కల నీటితో తలని కడగాలి. ఈ నీటిని తలపై పోసుకున్న తర్వాత పైన మళ్లీ వేరే నీటిని పోయకూడదు. ఈ నీరు ‘లీవ్ ఇన్ కండిషనర్’లా పనిచేస్తుంది.

స్కాల్ప్‌పై స్ప్రే కూడా చేయవచ్చు

అరటి తొక్కల నీటిని తలపై స్ప్రే చేయడానికి కూడా ఉపయోగించవచ్చు. మీరు అరటి తొక్కలను నీటిలో మరిగించిన తర్వాత ఆ నీటిని వడకట్టి ఒక స్ప్రే బాటిల్‌లో నింపాలి. ఇప్పుడు ఈ స్ప్రేని నేరుగా స్కాల్ప్‌పై చల్లుకోవచ్చు.

హెయిర్ మాస్క్‌లో కూడా కలపవచ్చు

అరటి తొక్కల నీటిని హెయిర్ మాస్క్‌లో కూడా మిక్స్ చేసి జుట్టుకు పట్టించవచ్చు. మీరు ఉసిరి హెయిర్ మాస్క్ లేదా పెరుగు హెయిర్ మాస్క్ వాడుతుంటే అందులో ఈ అరటి తొక్కల నీటిని కలపవచ్చు. అరటి తొక్కల నీటిలో కలబంద గుజ్జును కలిపి కూడా హెయిర్ మాస్క్ సిద్ధం చేసుకోవచ్చు. ఈ హెయిర్ మాస్క్‌ను తలపై అరగంట పాటు ఉంచుకుని ఆపై కడిగేయాలి. దీనివల్ల జుట్టు పెరగడమే కాకుండా జుట్టు మృదువుగా, మెరుస్తూ కనిపిస్తుంది.

Follow us