Cloves: షుగర్ వ్యాధిగ్రస్తులు లవంగాలు తింటే ఏం జరుగుతుందో మీకు తెలుసా?

మన వంటింట్లో దొరికే మసాలా దినుసులలో లవంగాలు కూడా ఒకటి. లవంగాల వల్ల ఎన్నో రకాల ప్రయోజనాలు ఉన్నాయి అన్నా విషయం మనందరికి తెలిసిందే. వీటిని ఎన్నో రకాల వంటకాలలో ఉపయోగిస్తూ ఉంటారు. వీటిని వంటల్లో ఉపయోగించడం వల్ల కూరకు రుచి పెంచడంతో పాటు ఎన్నో రకాల ఆరోగ్య ప్రయోజనాలను కూడా చేకూరుస్తుంది. ఈ లవంగాలు ఆరోగ్యానికి ఎంతో మేలు చేస్తాయి. అనేక రకాల అనారోగ్య సమస్యల నుంచి కూడా బయటపడవచ్చు. అయితే ఎన్నో రకాల ప్రయోజనాలు ఉన్న ఈ లవంగాలను డయాబెటిస్ పేషెంట్లు తినవచ్చా తినకూడదా? ఈ విషయం గురించి నిపుణులు ఏమంటున్నారో ఇప్పుడు మనం తెలుసుకుందాం..

యాంటీ ఆక్సిడెంట్స్ పుష్కలంగా ఉన్న లవంగాలు డయాబెటీస్ పేషెంట్లకు దివ్య ఔషధంలా పనిచేస్తుందని చెబుతున్నారు. ఈ లవంగాల్లో ఉండే పోషకాలు జీవక్రియ సమస్యలను తగ్గిస్తాయట. అదేవిధంగా మన శరీరంలో రోగనిరోధక శక్తిని పెంచుతాయని, దాంతో మన శరీరం ఎన్నో రోగాలకు దూరంగా ఉంటుందని చెబుతున్నారు. కాగా లవంగాల్లో ఫైబర్, కాల్షియం, మాంగనీస్, ఐరన్ వంటి పోషకాలు పుష్కలంగా లభిస్తాయి. ఇవి మన ఆరోగ్యాన్ని మెరుగుపరచడానికి ఎంతగానో ఉపయోగపడతాయి. ఇది మన శరీరానికి అవసరమైన శక్తిని అందించడానికి సహాయపడతాయి. కాగా లవంగాలు డయాబెటీస్ పేషెంట్ల శరీరంలో ఇన్సులిన్ సున్నితత్వాన్ని ప్రోత్సహించడానికి సహాయపడుతుందట.

మధుమేహులు లవంగాలను ఇన్సులిన్ హార్మోన్లు, జీవక్రియ, శక్తిని ప్రేరేపించడానికి రోజూ లవంగాలను తినవచ్చు. సాధారణంగా డయాబెటిస్ ఉన్నవారు ఇన్సులిన్ సున్నితత్వాన్ని పెంచడానికి లవంగాలు తినడం మంచిదని చెబుతున్నారు. అలాగే ఇది రక్తంలో చక్కెర స్థాయిలను తగ్గించడానికి సహాయపడుతుందట. కాగా లవంగాలను ఆహారంలో తీసుకోవడం వల్ల గుండె జబ్బుల ప్రమాదం చాలా వరకు తగ్గుతుందని ఆరోగ్య నిపుణులు చెబుతున్నారు. రోజుకు కనీసం 1.5 గ్రాముల లవంగాలు తింటే శరీరంలోని చెడు కొలెస్ట్రాల్ స్థాయిలు తగ్గుతాయని చెబుతున్నారు.
ఇన్ఫ్లుయెంజా, డెంగ్యూ దోమల ద్వారా వ్యాపించే వైరల్ ఇన్ఫెక్షన్ల ప్రమాదాన్ని తగ్గించడంలో లవంగాలు చాలా ఎఫెక్టీవ్ గా పనిచేస్తాయని చెబుతున్నారు. ఈ లవంగాలను తింటే శరీరంలో రోగనిరోధక శక్తి పెరుగుతుందట. ఇకపోతే లవంగాలు తరచూ తీసుకోవడం వల్ల కడుపు రుగ్మతలు, వాంతులు, వికారం వంటి జీర్ణ సమస్యలను నయం చేయడానికి కూడా సహాయపడతాయని చెబుతున్నారు.