Dry Fruits: ఈ నాలుగు డ్రై ఫ్రూట్స్ తింటే చాలు.. బాణలాంటి పొట్ట కూడా కరిగిపోవాల్సిందే..

ఈ రోజుల్లో అధిక బరువు అన్నది ప్రధాన సమస్యల వారీపోయింది. ఈ అధిక బరువు సమస్య కారణంగా చాలామంది రకరకాల ఇబ్బందులను ఎదుర్కొంటున్నారు. వెయిట్ లాస్ అవ్వడం కోసం ఎన్నెన్నో ప్రయత్నాలు కూడా చేస్తుంటారు. అయినప్పటికీ ఫలితం లభించక దిగులు చెందుతూ ఉంటారు. మరి అధిక బరువును తగ్గించుకోవడానికి ఏం చేయాలో ఇప్పుడు మనం తెలుసుకుందాం.. బరువు తగ్గడానికి డ్రై ఫ్రూట్స్ ఎంతో బాగా ఉపయోగపడతాయట. డ్రై ఫ్రూట్స్ లో విటమిన్లు, మినరల్స్, ఫైబర్, ప్రోటీన్స్ పుష్కలంగా ఉంటాయి.

ఇవి అదనపు కిలోల బరువును తగ్గించడానికి ఎంతో సహాయపడతాయి. అయితే బరువు తగ్గడానికి డ్రై ఫ్రూట్స్ ను నానబెట్టి తినేవారు ఉన్నారు. డ్రై ఫ్రూట్స్ నానబెట్టడం వల్ల వాటిలో ఉండే ఫైటేట్లు, ఆక్సలేట్ల ప్రభావం తగ్గుతుందట. గింజలు, డ్రై ఫ్రూట్స్ లో ఫైటిక్ ఆమ్లం, టానిన్లు వంటి సమ్మేళనాలు ఉంటాయి. ఇది పోషకాల శోషణను నిరోధిస్తుందట. అయితే వీటిని నానబెట్టడం వల్ల ఈ యాంటీ న్యూట్రియెంట్ల మొత్తం తగ్గుతుందట. ఆరోగ్యకరమైన కొవ్వులు, ఫైబర్, ప్రోటీన్లు సమృద్ధిగా ఉండే బాదం బరువు తగ్గడానికి ఎంతో సహాయపడుతుంది.

బాదంలోని మోనోశాచురేటెడ్ కొవ్వులు గుండె ఆరోగ్యాన్ని మెరుగుపరచడమే కాకుండా బెల్లీ ఫ్యాట్ ను తగ్గించుకోవడానికి కూడా సహాయపడతాయి. వాల్ నట్స్ ఒమేగా 3 కొవ్వు ఆమ్లాలకు ఉత్తమ వనరు. ఇది మంటను తగ్గించడానికి, కొవ్వు ఆక్సీకరణను పెంచడానికి సహాయపడుతుంది. ఒమేగా 3 ఫ్యాటీ యాసిడ్లు జీవక్రియను పెంచడమే కాకుండా ఆకలిని నియంత్రించడానికి, అతిగా తినడాన్ని తగ్గించడానికి, బరువు తగ్గడానికి కూడా సహాయపడుతుందట. అలాగే ప్లమ్ పండ్లలో ఆరోగ్యానికి మేలు చేసే పదార్థాలు పుష్కలంగా ఉన్నాయట. కిడ్నీల వ్యాధి, ఆర్థరైటిస్, రక్త ప్రవాహానికి చికిత్స చేయడానికి ప్లమ్ పానీయాలను ఉపయోగిస్తారట.

రక్తహీనత, గుండె జబ్బులకు ప్లమ్ పండ్లను ఉపయోగించాలని వైద్యులు తరచుగా సిఫార్సు చేస్తుంటారని చెబుతున్నారు. ఎండుద్రాక్షలో యాంటీ ఆక్సిడెంట్లు పుష్కలంగా ఉంటాయి. ఇది జీవక్రియ ఆరోగ్యానికి మద్దతునిస్తుంది. అలాగే శరీరంలోని విషాన్ని తొలగించడానికి కూడా సహాయపడుతుంది. ఎండుద్రాక్ష నీటిని తాగడం వల్ల శరీరంలోని హానికారక టాక్సిన్స్ అన్నీ బయటకు వెళ్లిపోతాయి. డ్రై ఫ్రూట్స్ లో అంజీరను ఎక్కువగా తినేవారు చాలా మందే ఉన్నారు. అంజీర పండ్లలో ఎన్నో పోషకాలు పుష్కలంగా ఉంటాయి. ఐరన్ సమృద్ధిగా ఉండే ఇవి గర్భిణీ స్త్రీలు తినగలిగే బెస్ట్ డ్రై ఫ్రూట్స్. పొటాషియం సమృద్ధిగా ఉండే ఇవి రక్తపోటును నియంత్రించడానికి కూడా సహాయపడతాయి.