Summer Drinks: ఎండాకాలంలో తప్పకుండా తాగాల్సిన డ్రింక్స్ ఇవే.. ఆరోగ్యంగా ఉండడంతో పాటు?

శివరాత్రి పండుగ రాకముందే ఎండలు మండిపోతున్నాయి. అప్పుడే సూర్యుడు తన ప్రతాపాన్ని చూపిస్తున్నాడు. వేసవికాలం వచ్చింది అంటే చాలా వరకు కూల్ గా ఏమైనా డ్రింక్స్ తాగడానికి ఇష్టపడుతూ ఉంటారు. ఎక్కువ శాతం మంది బయట మార్కెట్లో దొరికే కూల్డ్రింక్స్ తాగితే మరి కొందరు ఫ్రూట్ జ్యూస్ లు లాంటివి తాగుతూ ఉంటారు. కొందరు మజ్జిగ, కొబ్బరినీరు వంటివి తాగుతూ ఉంటారు. వేసవికాలంలో విపరీతమైన ఎండ కారణంగా చెమట ఎక్కువగా వస్తూ ఉంటుంది. డిహైడ్రేషన్ సమస్య మొదలవుతుంది. అలసట కూడా వస్తుంది. కడుపుకు సంబంధించిన అనేక రకాల సమస్యలు కూడా వస్తాయి.. ముఖ్యంగా జీర్ణ సమస్యలు ఎక్కువగా ఇబ్బంది పడుతూ ఉంటాయి. ఈ సమస్యలేవీ రాకుండా ఉండాలి అంటే పొట్టను చల్లపరచడం కోసం మంచి ఆహార పదార్థాలు డ్రింక్స్ తీసుకోవడం అవసరం. వేసవి కాలంలో తీసుకోవాల్సిన డ్రింక్స్ చాలా ఉన్నాయి. అవేంటో ఇప్పుడు మనం తెలుసుకుందాం..

వేసవికాలంలో తీసుకోవాల్సిన డ్రింక్స్ లిస్టులో మొదటి స్థానంలో మజ్జిగ ఉంది. మజ్జిగలోప్రోబయోటిక్స్ ఎక్కువ మొత్తంలో ఉంటాయి. ఇవి ఆరోగ్యానికి ఎంతో మేలు చేస్తాయి. జీర్ణసంబంధ సమస్యలను దూరం చేస్తాయి. ఇందులో క్యాల్షియం, ప్రొటీన్‌, బి12 వంటి విటమిన్లు పుష్కలంగా ఉంటాయి. ఇవి మనసును, శరీరాన్ని శాంత పరచడమే కాకుండా వడదెబ్బ నుంచీ రక్షిస్తాయట. మీకు మజ్జిగ ఇష్టం లేదంటే స్మూతీలా గానీ, పండ్ల ముక్కలతో కలిపికానీ ట్రై చేయవచ్చని చెబుతున్నారు. వేసవికాలంలో రోజులో కనీసం ఒక్కసారైనా మజ్జిగ తాగేలా చూసుకోవాలని చెబుతున్నారు.

అలాగే వేసవికాలంలో నిమ్మరసం కలిపి నీళ్లు ఆరోగ్యానికి ఎంతో మేలు చేస్తాయి. మనం తీసుకున్న ఆహారం జీర్ణం కావడానికి నిమ్మరసంలోని యాసిడ్స్‌ తోడ్పతాయి. దీంతో, ఎసిడిటీ, కడుపు ఉబ్బరం వంటి జీర్ణ సమస్యలు రావట. సమ్మర్ లో అధిక ఉష్ణోగ్రతలు కారణంగా ఒంట్లో నీటిశాతం పడిపోతు ఉంటుంది. రోజూ ఉదయాన్నే నిమ్మరసం నీళ్లు తాగటం అలవాటు చేసుకుంటే ఒంట్లో నీటి శాతం పడిపోకుండా చాలావరకు నివారించుకోవచ్చట. మీరు సబ్జా గింజలు నానబెట్టిన నీటిలో నిమ్మరసం పిండి తీసుకుంటే ఇంకా మంచిదని చెబుతున్నారు.

వేసవికాలంలో తీసుకోవాల్సిన వాటిలో కొబ్బరి నీళ్లు కూడా ఒకటి. వీరికి కొబ్బరి నీళ్లు బెస్ట్‌ డ్రింక్‌ అని చెప్పాలి. కొబ్బరి నీళ్లు శరీరాన్ని చల్లబరుస్తాయి. ఎలక్ట్రోలైట్లను సమతుల్యం చేస్తాయి. కాబట్టి ప్రతి ఒక్కరూ వేసవి కాలంలో కొబ్బరి నీళ్లు తాగడం మంచిది. ఒక గ్లాసు కొబ్బరి నీళ్లలో 9 శాతం ఫైబర్‌ ఉంటుంది. జీర్ణ వ్యవస్థ కూడా మెరుగుపడుతుందట. ఎసిడిటీ సమస్యతో బాధపడుతుంటే గ్లాస్‌ కొబ్బరి నీళ్లు తాగితే ఉపశమనం లభిస్తుందట.

అలాగే వేసవికాలంలో చల్లని చెరుకు రసం కూడా ఎంతో మేలు చేస్తుంది. అలసటను తగ్గిస్తుంది. రీహైడ్రేట్‌ చేస్తుంది. చెరకు రసంలో ఫైబర్‌ సమృద్ధిగా ఉంటుంది. ఇది జీర్ణక్రియకు మేలు చేస్తుంది. వేసవిలో మలబద్ధకం సమస్య ఎక్కువగా వేధిస్తూ ఉంటుంది. ఈ సమస్యకు చెక్‌ పెట్టడానికి చెరకు రసం ఎఫెక్టివ్‌గా పనిచేస్తుంద